اشترك في نشرتنا البريدية ليصلك كل جديد

passposse · 30-07-2006, 12:38 PM

السلام عليكم ..

شحالكم جماعة الخير ..

عسى الجميع بخير .. اليوم جيتكم استفسر عن السنجاب البري ..

ولد خالي اشتراه من فتره بسيطه ولاحظ بعض الامور فيه ويحتاج مساعده فيها السنجاب صغير بعده تقريبا عمره 7 شهور ..

طبعا هو ما يخاف منه ويتسلق عليه ونشيط ما شا الله عليه ينط من مكان لمكان ما خلى بقعه ما استكشفها .. لكن هو الي ازعجه فيه انه صار يبول في كل مكان بالغرفه .. شو يسوي عشان يتخلص من هل عاده ويخلي السنجاب ما يوصخ المكان ..

وبعد لاحظ انه ما ياكل الي الحبوب السودا مالت الطيور عباد الشمس .. حاول يعطيه اي شي ثاني من المكسرات والفول السوداني ما يرضى ياكل .. واذا حاول انه يبطل له الحب عشان ياكله يخليه ويروح للي مش مبطل .. وطبعا يوسخ المكان وايد ..

طبعا انا مديته بالمعلومات الموجوده بهل المنتدى وعرف الكثير من المعلومات الله يعطيكم العافيه ع كل شي .. بس لاحظ هل الامور في السنجاب ويبي النصيحه من اهل الخبره ..

وتسلمون وايد .. سلاماتو ..

فطوم · 30-07-2006, 01:40 PM

اختي السنجاب مونفس القطو او الكلب تدربينه على مكان قضاء الحاجه
اما في داخل قفصه ممكن تلاقينه يبول وانتي بكرامه بزاويه وحده بس هذي مكان البول وبخصوص البراز فهو يتبرز بكل مكان بالقفص

بخصوص الاكل يمكن عودتوه منذ الصغر على هذا الاكل..

- حاولو تبشرون تفاح( او اي اكل اخر) او تهرسونه (كميه بسيطه جدا) وتخلطونه مع حب عباد الشمس

- اذا مانفعت الطريقه الاولى حطوله الاكل المخصص للقوارض او تفاخ وكورن فليكس مكسرات الاكل هذا وخلوه عنده ولاتحطونله اي اكل ثاني واكيد بجوع وياكله

اما طريقه التجويع انا ماحبها احسها ممله:| لكن جربوها ولاتحطونله اكل كم ساعه وبعدين حطوله الأكل الي تبونه ياكله وانشاءالله ياكله

Withered Rose · 30-07-2006, 08:06 PM

وعليكم السلام أهلين passposse

معروف ان السنجاب حيوان حركي يحب ينط و يتسلق بدون توقف ممكن انج تحطينه بغرفه و تقفلين الباب و المنافذ الاخرى و تخلينه يسرح و يمرح .. في وقت نشاطه لان القفص حتى لو كان كبير راح يضايقه للأسف

.
بس أهم شي تطفون الكهربا لان السنجاب يحب يقرض الاكو و الماكو على سبيل اللعب و تقويه و سن اسنانه .. و للأسف كثير من السناجب تموت بهالطريقة

حطو بالكم ..

أما انه يحب عباد الشمس انا الاحظ حتى الهامستر و الفأر اكلتهم المفضله .. و فيها قيمه غذائية جيده الى حد ما

عموما اكل القوارض تلقينه بالمحلات و في اللي يناسب السنجاب و هو افضل شي لانه مدروس و مخلوط بعناية .. غير عن الأكل العشوائي اللي يمكن يسببه مشاكل صحية ..

passposse · 31-07-2006, 07:02 AM

السلام عليكم ..

هلا خواتي فطوم و Withered Rose تسلمون وايد ع الرد الطيب ..

الله يعطيكن العافيه .. بالنسبه للاسلاك الكهربائيه شو ممكن نسوي عشان نتفادا حدوث شي للسنجاب هل ممكن مثلا يشتري شي خاص شفته انا يستخدمونه للهامستر والسنجاب بعد يساعد في يبرد اسنانه ويظلن قصار .. شو رايكم هذا ممكن ينفع يعني ..

او في طرق ثانيه .. وتسلمون ع الرد ع شو الاكل الي يحتاجه او كيف يتعود ع انواع ثانيه .. بس بغيت اعرف هل ممكن انه يتروض نفس الهامستر انه لما تناديه ممكن انه ايي صوبك .. ولا انه ما دامه عادي ايي للشخص ويركب ع ايده ما يحتاج لتدريب معين في هل امر ..

وتسلمون وايد .. اذا احتجت مساعده اتمنى انكم تتقبلونها وتساعدوني ..

سلاماتو ..