اشترك في نشرتنا البريدية ليصلك كل جديد

بنت الإمارات · 12-06-2009, 12:04 PM

السلام عليكم ورحمة الله

هذي هم طيوري

[IMG]التحميل من هنا[/IMG]
من هو الذكر ومن هي الأثنى ؟

وكيف أهيء القفص للتزاوج؟؟

abukhaled · 12-06-2009, 02:27 PM

الصراحه صعب التحديد ولكن عندي جواب عن السؤال الثاني بوضع بيت التزاوج للطيور تباع للأقفاص

ملك الزيبرا · 12-06-2009, 03:20 PM

السلام عليكم يا أختي بنت الإمارات

أما بخصوص الزوج اللى تفضلتي وعرضتي صورهن فى الموقع

فالصوره الثانيه اللي تحت

النثيه اللى عاطتنج الظهر
واللى مجابلنج هوه الذكر

أما بخصوص صناديق التكاثر فيبيعونن جاهزات عند المحلات اللي
عدال سوق الطيور فى الشارجه وين صناعة تايلندية وجاهزات للتعشيش
ماعليج الا تحطين لهم ورق النخل بعد ما تيبسينه يومين فى الشمس
أغسليه بالماي وخليه ينشف وحطي لم قطعه وهن بروحن بيقطعن الورق
وبيسون عش فى الصندوق وإن شاء الله تشوفين عيال عيالن

بس عندي ملاحظه صغيره لوتكرمتي
القفص اللي حاطه فيه الطيور ماينفع للتكاثر
لو تفصلين قفص عند النجار من الخشب ويكن شبك
السيم ماله قوي شويه لانه السيم العادي
اللف بيرد يقدر يقصه ويشرد من القفص
وإذا أحتجتي للمقاسات سجلي عندج

الطول 2 فوت
العرض 2,5 فوت
الأرتفاع 2 فوت
مع بابين صغيرت الحجم شبر في شبر عشان الطيور ماتشرد
باب واحد فى النص وباب ثاني جهة اليسار العلويه ويكون جدامها رف
من البليوت عشان تحطين عليه الماي والاكل والصندوق مال الفروخ
عشان تشيكين براحتج عليهن وقت ماتحبين

أخوج من دار الحي

بنت الإمارات · 13-06-2009, 03:04 PM

abukhaled

أشكرك أخــي الكريم ^_^

/
\

ملك الزيبرا

يعطيك العافية أخوي ..

وراح أسوي مثل ماقلت عـــليه وان شاء الله اييبون عيال ...وابشرك خخخ ^_^

ملك الزيبرا · 14-06-2009, 03:29 AM

موفقه

ويخلفون لك صبيان وبنات خخخخخخخ

وتصيرين جدتهم