بعض الأسئله عن Umbrella Cockatoo ارجو الاجابه..

[mdxb]

السلام عليكم و رحمة الله ..

عندي كوكاتو من نوع Umbrella Cockatoo

الصوره من النت..




عندي مجموعة أسئله حابه القالها أجوبه..

معلومات بسيطه..

1- عمره تقريبا 5 شهور
2- لون العين اسود داكن ..


الأسئله..

1- سمعت انه اذا كان لو العين داكن فيكون ذكر و اذا فاتح يعني انثى فهل المعلومه صحيحه؟!
اذا كذلك فهل يعني انه الكوكاتو اللي عندي ذكر؟

2- كيف طريقة استحمامه ؟ و كل كم مده لازم اسبحه (الفتره)؟

3-هل فيه العاب خاصه للكوكاتو؟

4- من عمر كم يبدا الكوكاتو يتعلم الكلام و الحركات؟

5- ما هي الطرق اللي ممكن اتبعها عشان اقدر اعلمه؟

6- هل الكوكاتو اذا اطلقنا عليه اسم يعرف انه هذا اسمه؟

7- قريت انه اذا كنا نعلم الكوكاتو على حركه نعطيه شي يحب ياكله كجائزه..شو ممكن اعطيه؟

8- قريت انه ممكن نعود الطير على (المساويك) عشان ما ياكل خشب الاثاث .. هل عادي اعطيه اياه و لا ممكن يضره؟

9- شو نوع الاكل اللي ممكن نعطيه الكوكاتو؟ و شو الاشياء اللي تضر الطير..من اكل او شراب او مواد؟

10- كل كم مفروض آخذ الطير لطبيب بيطري للفحص عن الامراض؟

11- كل كم مفروض أقص الاظافر؟

12- كيف ممكن اخلي الطير يهدى و بالذات انه هالايام ينفعل بسرعه..و ينفش ريشه .. ؟؟

13- كيف اقص ريش الطير عشان ما يطير؟



اسمحولي كثرت من اسئلتي بس حابه اعرف عن تربية الطير بالتفصيل..

شكرا..

[xX7oSaMXx]

انا ماعندي خبره بالكوكاتو لكن في شي بنصحك نصيحه


ااننننننننننننننننننننننننننننننتبه اشد الانتباه انك انت تقص جناحه لا تقصه ابد ابد ابد


ياخذ منك موقف ويكرهك ولا يحبك وكل ماشافك يبي يعضك

ولا تقص ضفوره ياليت لو تبردها افضله والكاسكو يحب البرد لأنها تدغدغه والكوكاتو اتوقع نفس الشي

هذا الي عندي ولا ابي اتكلم في اشياء مالي خبره فيها

[mdxb]

شكرا على المعلومات المفيده..

و شكرا على الرد..

[زياد محمد]

ماشاءالله تبآرك الله الله يحَفظه لك >>> لكن الكوكاتو طائر رقص وغناء .. وكلامه قليل ..؟ ليس كالافريقي بالكلام

[mdxb]

شكرا على المرور و الرد..

[عبووووووودي]

يلي اقدر افيدك فيه التروش كل اسبوع مره وحده كافيه جدا والطريقه حوض تعبيه مويه وشامبو او صابون وتغطسه فيه بس انتبه لا يوصل راسه وبعد كذا تشيل الصابون بالشطاف

بالنسبه للريش غطيه بمنشفه لايشوفك عشان مايكرهك واترك اول اربع ريش وقص الباقيه من كل الجناحين

الاضافر ماانصحك تقصها يبغالها واحد متعود لنه ممكن ينجرح وينزل دم ولا عاد يطلع الضفر حذاااااري

اما عن الاسم جميع الطيور تعرف الشي ذا مو شرط الكوكاتو

مساويك مااقدر افتيلك فيها غير مجربه من عندي للعلم انو الكوكاتو تبعي كل اسبوع يجي المعلم حق الديكور يعيد تضبيطه وسبق واكل جبس لبيت صديقي

الالعاب رح اي محل العاب وشوف لو حصلت حلق او شي تشوفه يصلح للطير اشتريه مو شرط سوي له العباب انت بقوارير المويه او اي شي

بالنسبه للتعليم الكوكاتو حده بالكثير 8 كلمات ماهو مثل الطيور الباقيه وافضل لك لو كان صغير بالسن جدا عشان يتعلم اسرع


الاكل اعطيه فواكه فصفص لوز لا تعيطه شي ثاني خلك مع الشعب السعودي ههه

الجايزه ممكن تفاحه اي شي من الفواكه
بالنسبه للون العيون هااذي ماافتيلك فيها لا اعرف اما عن سنه فهاذا يبان من رجوله لو سوده وناعمه وصغيره
فهاذا سنه صغير
اما لو عليها قشور كبيره او صغيره وبدت تبيضه هاذا كبير

اتمني اني افتك بالتوفيق ياخيوووووووووووووووووووووووووووووووووووووو ^_*

[mdxb]

شكرا جزيلا على المعلومات المفيده و ان شاء الله ..الله يوفق..

[keko10]

اختي الكريمة
معلش عندي استفسار
كيف يعني سريع الانفعال مع انك تقولي عمره 5 شهور وهو في هذا العمر يكون صغير جدا وحباب على الاخر ولا يعرف الانفعال ؟؟
بالنسبة للون العيون هذا لا يتبين الحين ولكن بعد مرور سنتين تقريبا حتي يبلغ الطير
ممكن اعرف من وين اشترتيه ؟؟ ومتى ؟؟
شكرا جزيلا

[mdxb]

keko10

اقصد انه اذا كان فيه حشره في البيت فيتم يصرخ و ينقز و يرفرف بريشه واايد..بس الاكثر الصريخ..

عن طريق حد من الاهل .. ما اشتريته..من 3 شهور تقريبا..

العفو..