عضوه يديده عندها جم سؤال .. ممكن؟؟

[الدانه]

السلام عليكم ورحمة الله وبركاته

اخواني انا عضوه يديده معاكم مبتدءه في تربية الاسماك .. و محتاجه خبرتكم اكيد,,

عندي جم سؤال و ياريت احصل اجابه منكم...

- السؤال الاول عندي نوع سمك اصغير ضهره منحني و بطنه كبير .. و تعبت وانا ادور على اسمه او نوعه بالنت بس مو محصلته,,

- السؤال الثاني ,, عندي ثلاث ازواج من الجورامي .. الاصفر و الازرق و النوع اللي فيه ازرق فسفوري و خطوط احمر.. بس لاحظت انهم عدوانين وايد .,, مع باقي الانواع الا مع التايغر برب عادي جدا.. حتى مع الانجل عموها و اكلوو اعيونها و نتفوها الى ان ماتت .. و جربت التيترا نيون اكلوهم كلهم.. شلت الانجل و حطيتها مع الجوبي اكلوهم مع اني اللي قريت عنه انه الانجل موسالمين بس مادري ليش اللي عندي كله عدوانين ..

ياريت اعرف الانواع اللي تصلح معاهم ( اقصد الجورامي ).. وهل يصلح احط معاهم فايتر واحد ..

- السؤال الثالث .. عندي مجموعه من القواقع .. بس ياريت اعرف طريقة العنايه فيها و لاحظت انه الاسماك بدت تاكل قشر صدفتها .. هل هذا يضرها و لا عادي.؟؟؟



وبانتظار اجابتكم ..

وجزاكم الله خير..

[فطوم]

اهلان فيج اختي بينه وانشالله تستفيدين منه
- بالنسبه للسؤال الأول لازم تحطين صوره السمكه عشان يساعدونج الخبراء لانه هذي الصفه تنطبق على اكثر الاسماك

- اما الجورامي فهي ليست عدائيه لكن مشكلتها ان زعانف الاسماك وذيولها تغريها فتحب تعضها وتقطعها وانا كان عندي سمكه فايتر نتفووا زعانفها وذيلها وبعد يوم واحد ماتت

- بخصوص النيون تيترا ماتوقع انه كلوهم ممكن النيون عندج مات وكلوها وهي ميته لأنه النيون ضعيف ويموت بسرعه واول ماتموت السمه بقيه الاسماك يشتغلون عليها

- بالنسبه للإنجل انا بعد اللي اعرفه انهم مسالمين وانشالله يدشون الخبراء وفيدونج انا اللي اعرفه قتلج يا

[الدانه]

هلا حببتي فطومه مشكووره على ردج ماقصرتي

بنسبه لصورة و الله اني تعبت ابي اصورهم بس مادري كله ينخشون بين الزرع مادري ليش ظهورهم قليل ماقدرت اطلعهم

بنسبه للجورامي تاكل السمج ككل تدخلها كلها و تاكلها ..
حتى من ايام كنت رايحه محل .. شفت وحده من الجورامي في حوض التيترا و رايحه اكل فيهم
استغربت اقوله اخوي ليش حاطها معاهم اكلتهم .. حرام
شفته بسرعه يه وشالها طلعت اهي ناطه من حوضها الى الثاني و قال انها ابمره اكلت له حوض تيترا كامل

لا حيبتي ما مات للاسف كلهوم كانو اربع ازواج صحيت الصبح ماكوو شي بالحوض منهم

[lalfezzani]

عيني أفضل شيء تسوينا يما تسوين حوضين(حوض للجورامي وحوض للأسماك الثانية)أو تتخلصين من أحدها(يما تخلين الجورامي وتتخلصين من الثانين ببيعهم أو اعطائهم لأحد أو العكس).فأنا سبق وجربت تربية هالنوع و الحمد لله ماكررت فهي سمكة عدوانية جدا قتلت لي عندها ((سمكة فايتر ,و سمكتين من نوع القولد فيش ,و 2أو 3أسماك قولد فيش)) الله ايسامحهم كانوا اثنين وقتها ومعهم وحده ثالثة بس صغيرة وماعملت شيء(بعدها هذي الأخيرة بهت لونها وانعمت وبعدها ماتت),ولا الشيء المو حلوا بعد كل هذا ان هالسلوك يحرك غريزة باقي السمك فتسوي نفس الشيء تلحق وتعض وتتقاتل مع بعضها في سبيل أكل لحم السمك من بعد الريحة و الدم الي بينتشر بالحوض....فنصيحتي سوين مثل ماقتلك لان نفسيتك بصدق راخ تتعب من هالسوالف.

[الدانه]

عاد و الله احب هذا النوع .. و حاليا مرتاحه لانهم ابحوض ابروحهم مع غولدن حجم كبير اشويه وماسوو لهم شي .. يعني حاليا الوضع مستقر..

شكرا لردك ..