اشترك في نشرتنا البريدية ليصلك كل جديد

ملك الحر · 02-05-2009, 02:13 PM

السلام عليكم أعضاء منتديات تو وزو

شريت ببغاء من حوالي أسبوعين و كان وحشي و يجعر بس الأن مشاء الله عليه يصفر و يطلع على اليد إذا كان خارج القفص فقط أما إذا كان داخل القفص يعض و جاري الترويض ...

بس حبيت أعرف منكم كم عمره و جنسه و هل هو جامبو مثل ما قالي راعي المحل ... و تحياتي للجميع

طبعا أسمه : سيمو (مسكة غلط)

طير جديد · 02-05-2009, 02:15 PM

مبروك عليك الطير

عاشقة الطيور · 02-05-2009, 02:26 PM

وعليكم السلام ورحمة الله وبركاته

مبرووك عليك الطير والله يعطيك خيره ويكفيك شره ..

عمره تحت السنه بجم شهر .. ونوعه جامبو

والله يوفقك في تدريبه وتوليفه

ملك الحر · 02-05-2009, 02:40 PM

أخوي طير جديد مشكور على المرور ....

أختي عاشقة الطيور وش رايك بعمرة مناسب للتعليم الكلام ولا كبير شوي؟؟ الحين أذا صار يمشي على الأرض و دعيته سيموووووووو يجي و إذا قلتله أطلع ... يطلع على يدي ... بس المشكلة إذا كان داخل القفص أو فوق القفص يعض ... أحيانا أعطيه فول سوداني و إذا حطها بمنقارة قلتله أطلع ... يقوم يطلع لكن غير كذا يعض... مشكورة على مرورك

عاشقة الطيور · 02-05-2009, 02:52 PM

اييي مناسب ونص .. اخوي طبيعي انه بيعض لانه توه يديد واسبوعين فتره مب كافيه عشان يتأقلم على البيت اليديد استمر في تدريبه وحاول دايما اذا تقعد وياه اكله من يدك عشان تزيد الثقه

وانصحك تقرأ المواضيع المثبته لانها راح تفيدك بأذن الله

وبالتوفيق

ملك الحر · 02-05-2009, 02:58 PM

ثانكس أختي عاشقة الطيور ...

ودي لو أنك تشوفين يدي .... كله جروح و خرابيط شكلها يفشل ....

و تحياتي ....

عاشقة الطيور · 02-05-2009, 03:01 PM

حااظرين .. هههههه كلنه جذي يااخوي

نمط · 02-05-2009, 07:11 PM

عليكم السلام
اخوي ملك
حقيقة أنا ما أحب طيور الكاسيكو ولا أميل لتربيتها رغم ان منزلنا ما يخلى منها , بس ما أحبها وشكلها ما يعجبني , انا من محبين الامازون
بس طيرك واضح جداً انه فرخ صغير وحجمه حلو , شكله جميل
وهذا العمر صدقني من أفضل الأعمار لأنه قادر على التهيأ بسرعة , لا هو صغير واجد ولا هو كبير
وبخصوص القفص , انت راح تلقاه يعض في القفص لأنه يعتبره منزله ومصدر أمان له بعكس لمن تطلقه برا القفص
لهذا لا تحاول انك تقدم له أكل يحبه برا القفص
خله داخل القفص وسولف معه بهمس واعطيه الأكل حتى يولفك داخل القفص ويشعر بالأمان أكثر معك ويتأكد انك صاحبه داخل القفص وخارجه
والطير واضح انه ذكي ويتعلم بسرعة لأنه فهم اسمه وربط كلمة أطلع مع صعوده على يدك
وهالطير ممتاز لتربية منزل
الطيور الآن أغلبها كبيرة ومتوحشة وطيور السوق تلقاها تستورد بقسوة وجميعها في قفص واحد
لذلك تجد صعوبة في ترويضها
عند الوالد طير كان مو بس يجعر , كان لمن يمر واحد حول قفصه يعافس بنفسه
الآن له سنة , ودود مع جميع الأهل , عنده اكثر من عشر كلمات بفصاحة ينطقها
ما يصعد عاليد لان ببداية الأمر أهملوه , لكنه ودود جداً
الكاسكو طائر متحدث وصاحب جميل للمنزل
لكنه ما راح يكون أفضل من طائر الامازون , لا في فصاحة كلامه ولا في جرأته ولا جماله

Mohammed 1979 · 02-05-2009, 07:38 PM

ماشاء الله يتربى بعزك

ملك الحر · 03-05-2009, 10:51 AM

مشكور أخوي نمط على المرور ... سويت أمس الطريقة إللي تقولي عنها و طلع على يدي من داخل القفص و مشاء الله عليه ذكي جدا ... و قعد أمس بالليل أدربة كيف يلف حول على يدي (يعني ينزل منقارة و يطلع من الجة الخلفية لليد) في البداية حس بصعوبة و عضني عضة متوسطة القوة لكن المره الأخيرة كانت عضتة خفيفة. بس المشكلة أنه ما كان جوعان علشان أكافئة... فكتفيت بكلة شاااااااطر ... أصبر على شوي و الله لأخلية يدبك دبكة 14 ....

أخوي 1979 مشكور مشاركتك ... لله يعزك و يعطيك طير أحسن منه ...