مشكلاتي مع كوكو :) <<قصه مو مشاكل

[NICE COCO]

مساء الخير جميعا

اهنيكم على تعاونكم ومنتداكم الرائع ولو اننا نتابع من بعيد من زمان

يامرحبا بكل من دخل ولفا ومثل ماشفتوا من العنوان عندي كذا مشكله مع الاخت كوكو
من زمان وانا بكتبها واخذ رايكم بس كل مره اقول يجيب الله مطر ويمكن تنحل

واستشير وحده من زميلاتي دايما <<مزعجتها بس مايمنع نستفيد من احد خبير

اول شي كوكو عندي لها تقريبا 4 شهور ماكنت اعرف عمرها اول ماجبتها بس من اللي اقرا الظاهر انه بين 5 و7 شهور

وهذي الاشياء اللي واجهتني وان شاء الله مااطول عليكم وتفيدوني

1-من اول ماجبتها ماقصصت اجنحتها ولا اظافرها ولا ادري وش اسوي بالمنقار ومع الوقت طالت الاظافر وصارت تجرح فقصصتها والاجنحه مافكرت اجيها حلاتها وهي تطير بس
المشكله بمنقارها وش اسوي فيه اشوف الفتره الاخيره انها تملا المكان بالاكل يطير برا لانها تتسند على القفص وهي تاكل قلت يمكن منه

2- الفتره الاخيره صايره تصارخ اذا بعدت عنها يعني مستحيل اخليها الا صراخ وازعاج <<سوت قلق في البيت ولااحد يتحملها
قلت بزوجها يمكن تلهى وقريت ان عمرها صغير مايصحش
برايكم وش اسوي فيها ؟يااشيلها معي ياصراخ

كانت قبل تطلع صوت كانه مسجل منتهيه بطاريته <<تشبيه قريت انه تكون جوعانه بس عندها اكل
واذا طلعتها اسكتت <<<يعني كيف

3- فيه ظاهر غريبه انها تاكل فضلاتها في القفص احط لها اكل بس ترجع تسويها
وش اسوي فيها ؟؟

4-من اللي قريته ان الانثى ماتغرد يعني كيف راح يستمر الصرااخ
ومو ممكن تتدرب يعني مااضيع وقتي عليها <<<تحطييييم

مه انها تستجيب معي في اشياء توها الفتره الاخيره صاير فيه استجابه والا قبل تقلب عيونها وتطنش

يعني مثلا اذا قلتلها سلام تمد رجلها اليمين بشرط امسح على راسها
وفيه قبعه البسها وتخليها بس شوووووي عشان البسكوته
واحيانا اذا ناديتها تنتبه هو صدفه والا مدري

4- ريشها صاير يطيح ايه العمل ؟؟؟


5- احس انها صايره وسخه أوي مع اني اغسلها بمويه مايصلح استعمل شامبو او صابون

6- بالنسبه للاكل قريت وش اللي تاكل بس سؤال صغير اعطيها الاكل هيك والا اسلقه

وانا عادي اعطيها اي شي عندي لاتفوت نفسها وهي تشوف لانها تطب في صحن الاكل اذا ماعطيتها


وبس

ولكم خاااااااالص الشكر الجزيل مقدما

[أمازوني vs أفريقي]

كيف دريت أن عمرها صغيرة

ويعدين الشامبو مايصلح لها أبد لأنه يسبب حساسية

فيه بخاخ مخصص لترويش الكروان

[NICE COCO]

هلابك امازوني

عرفت انها صغيره من الصور اللي اشوفها اول ماجبتها مااكتمل الريش على جسمها فيه اماكن فاضيه

يعني عطيتها من شهر ونص الى شهرين

وبالنسبه للبخاخ ماكنت اعرف انه فيه بخاخ تنظيف يصير بديل عن الشامبو <<معلومه جديده

اشكر لك ردك