ألبول .. وسيلة للتبريد وللحماية!!

[عروس الجليل]

كيفكو شباب وصبايا..




سلاحف..
سلاحف..
سلاحف..


مهما عرفت عنهن بتضلك تجهل كتييييير اشيا غريبه بحياتهن الغامضه واللذيذه, ومن هيكا انا بموت فيهن!

سلاحف بريه = يعني كلهن بيعيشو بنفس البيئة الحياتية وبنفس الظروف!! مش هيكا بالزبط لانو الجمله اللي حكيتها بدها شوية تزبيط

السلحفاة البرية الصحراوية

الاسم العلمي: Testudo kleinmanni
الاسم الشائع : Egyptian tortoise

انتشارها بالعالم : شمال مصر, شمال سينا, جنوب اسرائيل بمنطقة النقب

بتعيش بالصحاري والمناطق الرميلة وبتتغدى عالنباتات وبالاخص الموسمية.

ادا تعمقنا شوي بحياتها للسلحفاة البرية الصحراوية منلاقي انها غير السلاحف البرية اللي منعرفها بتعيش بالجبل او بالسهل.. لانو بيئتها الصحراويه فرضت عليها نمط حياة معين بيلائم البيئة اللي هي عايشتها.

اللي بيميز هادا النوع من السلاحف سرعتو وحجمو الصغير اللي بيوصل 13 سم او اقل, ولون الدرع والجسم الاصفر اللي متل لون الرمال ( اللون البني الغامض / الاسود بيكون بس عشكل خطوط عاطراف صفائح الدرع وبشكل بقعتين عالبطن)[/RIGHT]..

فعاليتها بتكون بساعات النهار وأكتر اشي بفصل الشتا وبفصل الربيع بدرجة حرارة 21ْ-24ْ (ما بتفوت بالسبات الشتوي), بالشتا فعالة بساعات الظهر وبالربيع بساعات الصبح وبعد الظهر, وبفصل الصيف فعاليتهن بالنهار قليلة كتيير وبتكون بس بساعات الصبح .

والغريب بحياة هايا السلحفاة انو البول من اساسيات حياتها, وما بظن بتعيش بالصحرا من دونو, لانها عنجد بتحتاجو..



البول وسيلة للتبريد:
كلنا منعرف جو الصحرا, ودرجات الحرارة العالية اللي ممكن توصل فيها, من هيكا منلاقي السلاحف الصحراوية بتقل فعاليتها وبتروح تحفر لتتخبى تحت الرمال بالظل او بشي جحر لقارض, بس ادا صار وتعرضت للشمس لازم تبرد جسمها فهي بتبول عأرجلها الخلفية من ورا, وهيكا البول بيتبخر وبينشف من الحر وبيبرد جسمها..

..بس تعرفو انو كلما بتخيلها تبول عرجليها بصير أئول لحالي كيف بتعملها ورجليها عالاطراف؟؟ ومن وين بيجي البول وهي يا دوبها تلاقي مي لتشرب وتبل ريقها؟؟ وئديش الكمية اللي بتبولها؟؟ سبحان الله..



البول وسيلة للحماية:
شهر مارس هو موسم التزاوج وبتعلى اصوات قرقرة الذكور عند السلاحف الصحراوية , بعد متخصب الاناث بتبيض 1-3 بيضات زغانيط, بتحفرلهن حفرة بالرمل 2-4 سم وبتغطيهن, وعنشان تحميهن وما حدا من الحيوانات يقرب عليهن ليوكلهن بتبول عليهن من بولها, وهادا بيبعد باقي الحيوانات عن المنطقة اللي فيها البيض!
وتخيلو انو البيض بعد ميفقس بيطلعو الصغار صغاااااار كتيييير وحجمهن 3 سم, وبالفطره بيستعملو اللون مع الرمل للتمويه وبيوقفو عالنباتات الشائكه ليحتمو من الاعداء.




لذيذة هالسلحفاة.. لوما بيقل عددها عنشان عم تندهس بعجلات السيارات والتراكتورونات غير الحيوانات اللي عم تفترس الصغار, ولانها سلحفاة نادرة ومعرضة للانقراض عنا ممنوع بيعها وتربيتها كحيوان اليف لنحافظ عليها, بس انا كنت مربيتها وماتت عندي السنة الماضية ورحت دفنتها بالحاكورة عنشان بعد ميتأكل جسمها اطلعها واحتفظ بدرعها
وبمصر عم بيقل عددها عنشان الهواة اللي عم يجمعوها ليبيعوها كحيوان اليف في الدول التانية!!


يا حرام..



وبالاخر..
هادا اللي من عندي وبعرفو
وبتمنى انو ضفتلكو أكمن معلومة لذيذة..

عروس الجليل

[**أحب جميع الحيونات]

والله اضفتي معلومات جديدة واتمنى يقل صيد السلاحف مشكوور عروس الجليل

[الخيّال]

كل الشكر لك اختي عروس مواضيعك دائما مميزة ومكتملة اتمنى ان تتحفينا بموضوع عن السلاحف البرية الزراعية أو الريفية

[LiMiTeD]

يعطيكي العافيه على المواضيع المميزه و المعلومات الكثيره بالموضوع

وياريت تكملي بمواضيع عن السلاحف وماتحريمنا من المعلومات

[عروس الجليل]

المشاركة الأصلية كتبت بواسطة **أحب جميع الحيونات

والله اضفتي معلومات جديدة واتمنى يقل صيد السلاحف مشكوور عروس الجليل

ان شاء الله.. وتسلملي عالمرور

المشاركة الأصلية كتبت بواسطة الخيّال

كل الشكر لك اختي عروس مواضيعك دائما مميزة ومكتملة اتمنى ان تتحفينا بموضوع عن السلاحف البرية الزراعية أو الريفية

يا الخيّال تسلملي وتسلملي عالحكي الحلو..
وعن السلاحف البريه مليان مواضيع بس انا ما بحب التكرار وبحاول اجدد بالمعلومات.

المشاركة الأصلية كتبت بواسطة LiMiTeD

يعطيكي العافيه على المواضيع المميزه و المعلومات الكثيره بالموضوع

وياريت تكملي بمواضيع عن السلاحف وماتحريمنا من المعلومات

تسلملي هالطله والمرور الاحلى وأحلى يا LiMiTeD..
شو بعد بدي احكي؟؟ مشكووووووووور كتيييييييييييييير عالتميز!!

[mohamed refat]

اة عروس الجليل تغيب و لا تكتب مواضيع و لكن ان كتبت يكون مووضع خلاصة

ننتظر موضوع عن توفير الدفء و الحرار للزواحف بوسائل متاحة لنا

[عروس الجليل]

تسلملي عالمرور يا محمد

[miko64]

توبيك فى الجول يامان
تسلم ايدك على كم المعلومات الشيقه دى

[محبه الحيوانات]

مشكووووووور