أرجووكم نصيييحتكم قبل فوات الأوان ..

[مهووس الحيوانات]

السلام عليكم ورحمة الله وبركاته



أرجوكم يا أعضاء المنتدى ، نصيحتكم ..

أنا إذا بغيت أشتري سلاحف ، إش تنصحوني أشتري صغار أو كبار؟؟ (مع العلم أني إذا أخذت كبار أبغاها تتزاوج وتتكاثر)

وإذا كان الجواب صغار أو كبار ، أبغاكم تقولون لي كم يكون عمر السلحفاة حتى تبلغ وتصير تتزاوج؟؟

وإش تنصحوني أسوي حتى تتكاثر؟؟ وإش تحتاج لتتكاثر ؟؟ وكيف الطريقة ؟؟

يعني باختصار الي عنده أي معلومات حول طريقة تفريخ السلاحف يعطيني كل الي عنده<<معليش ثقيل دم بس أنا أحتاج العلومات بسرع لأن ممكن بعدين ماأقدر أشتري سلاحف أصلاً ..

اعذرووني كثرت عليكم لكني أحط أملي فيكم كلما حسيت بمشكلة أتطمن بوجودكم .. ..

[عروس الجليل]

يعني ولا حكيتلنا شو نوع السلاحف اللي رح تشتريهن مائية او برية!
السلاحف الصغيره لذيذه وما بدها مربى كبير وبينفع تحطو جوات الغرفه..بس هي دايمن بدها عناية أكتر من السلاحف الكبيره ولازمها متابعه ومراقبه عنشان الاكل والحراره, وأيا غلط ممكن ما يتحملو ويموتو,,
السلاحف الكبيره تربيتها أسهل وممكن تكون أضمن من ناحية التأقلم وممكن تتحمل وما بتحتاج العناية الكتيييييييييييييييييره متل السلاحف الاصغر, ومنيحه ادا معني للبيض..
برايي انك تشتري سلاحف كبيره جاهزين للتزاوج -روح للبري-, وبعد ميبيضو ويفقسو بيصير عندك كبار وصغار يعني مزوعة سلاحف
وعنشان جيل التزاوج والبييض, بحكيلك نفس الرد اللي حكيتو لعضو تاني بسؤال بيشبهو

المشاركة الأصلية كتبت بواسطة عروس الجليل

بالنسبه للتزويج اسا ما بينفع عند السلاحف المائية, لانو موسم التزاوج عند السلاحف بيبدا بفصل الربيع, وبيكون بكيفهن بدون ما تتدخل انت, بس انت بتهيئلهن الشروط ممكن يصير.
- عند السلاحف المائية يكونو الذكر والانثى بالغين من ناحيه جنسيه, والذكر والانثى ما بيوصلو للبلوغ الجنسي قبل حجم 12 سم!! الذكر بيوصل للبلوغ الجنسي بجيل 2-4 سنين والانثى بتتأخر شوي لجيل 5-7 سنين, وادا كانت تغذيتهن منيحه بيوصلو للبلوغ بجيل ابكر.. ( كتييير رح تلاقي الذكر والانثى بنفس الجيل بس حجم الانثى أكبر من حجم الذكر).
- التزاوج بيصير عندهن دايمن جوات المي عنشان هادا الاشي اللي بيحفز الذكر... قبل التزاوج الذكر بيصير بأظافرو الطويله يدغدغ الانثى ويعضها من رجليها, ادا هي هربت منو وكانت عدائيه معناتو ما بدها, بس ادا وافقت بتسمحلو انو يطلع عظهرها وبتشوفهن بلشو التزاوج
بالصيف الانثى بتبيض بس برات المي (عدد البيض بيكون حسب نوعها وانت ما حددت نوعها) وممكن انها تبيض 1-3 مرات, بتكون حاططلها رمل-عمق 10 سم- بتحفر وبتغطي ويعد 2-4 شهور بيفقس البيض وبيطلعو الصغار مستقلين وبتبعدهن بحوض لحالهن.

وبالنسبه للسلحفاة البريه كمان موسم التزاوج بالربيع بيبدا والبلوغ الجنسي عند الذكر 13+ وعند الانثى 15+, وكمان بكيفهن, الذكر بيضرب درع الانثى بس ادا رفضت بتهرب منو وادا قبلت بطلع عدرعها ووضع البيض بيكون بالصيف.
بالاسر بيصير حالات تزاوج, بس اوئات ادا كانت الاولى عند الانثى ممكن انها ما تعرف شو تعمل, او انو ادا ما كان تراب او مساحه واسعه ممكن انها تكسر البيض...

[مهووس الحيوانات]

معليش نسيت ، أنا ناوي على البرية مو البحرية لأنها أسهل ..


بس زي ماشفت جاوبتي على الأسئلة جواب كافي ، جزاك الله كل خير ، تقبلي خالص شكري وامتناني ..