عاجل قططي ستموت انقذوها بسرعة كل دقيقة هم في خطر

[Navigator 85]

القطه دوم تتعب من الولاده

والمفروض انك الحين تعطيها اكل صحي وممتاز

علشان تقدر ترضع صغارها ورضاعه امهم افضل واحسن

لان الرضاعه الصناعيه عمليه صعبه اول شئ لازم تشوف لك

حليب صناعي خاص بالقطط وتجيب لك حقنه الي تستخدم في التطعيم

وتشيل الابره وتملئ الحقنه بالحليب وتعطيها كل ساعتين على مدار اليوم

لان القطط صغار ومحتاجين اهتمام وجيب لك قطن طبي وبلله بالماء الدافئ

وقم بتدليك فتحة الاخراج برفق لدى القط .... الهدف من ذلك هو مساعدة القط على التبول لأن القطة الأم فى

الحياة الطبيعية تقوم بلعق هذه المنطقة من جسم الصغار بلسانها لعمل تنشيط ( Stimulation ) لها وبالتالى

يساعد القطط على التبول والتبرز

لاحظ أن عدم قيامك بتنفيذ هذه العملية كل 4 ساعات سيؤدى الى احتباس البول والبراز داخل جسم القط

الرضيع وبالتالى سيموت

وانا اقولك انك تتاكد ان الام مريضه وشنو سبب مرضها

لان عمليه الاهتمام بالصغار صعبه وخاصه 4 اطفال

[آنـــــو]

لازم تشتري حليب مخصص للكيتن أو أبحث عن أم بديله لهم حتى 3 أيام هي بتعتني فيهم مضبوط
وأذا ماحصلت لازم تشتري حليب مخصص للكيتنز لأن معدتهم حساسه أتجاه أي وخاصه حليب البقر لاتعطيهم
وأذا كلش ماحصلت قريت أن ممكن تعطيهم حليب مخفف بماي وشوية عسل والله أعلم ..
ترضعهم الحليب 10 مرات لمدة 24 ساعه
بسرنجه أو رضاعه مخصص لهم تحصلهم بالعيادات البيطريه
ولما تجي تشربهم لاتضغط أو تدفع الحليب بكثره حتى مايشرقون ويدخل الحليب للرئه ويموتون
وضروري تغسل أيديك والقطاره عدل لأن مافيهم مناعه ويمكن تصيبهم بكتيريا وجراثيم
لو بغيت تعزلهم لازم توفر لهم مكان دااافي ،، جيب كمادات ماي حاره ولفها بمنشفه وحطها معهم
أو قاروره مويه دافيه وبرضو لفها بمنشفه لأن حساسين من البرد وماعندهم درجة حراره بأجسامهم
أو مصباح كهربائي بيوفر لهم الدفىء
وبين وقت ووقت جيب قطنه مبلله بمويه دافيه وأمسح منطقة الأخراج حتى تحفزهم على الأخراج

ملاحظه : مواليد القطط أذا كانوا بصحه جيده فـ يكون نومهم و رضاعتهم 90٪ أول أسبوعين
أما أذا يعانون من شي مرض أو جوع فـ بتلاحظ صياح بكثره أو عدم رضاعه


وبصراحه ماأدري ليه البيطري منع الرضاعه هل بسبب الدوا ماينتقل لهم من الأم عن طريق الحليب ويضرهم
أو علشان ماتعاديهم بمرضها ،، وعلى فكره بعض الأناث بتصيبهم حمى بعد الولاده

أنا لو يحصل لي نفس الشي بتوكل على ربي وأحطهم مع الأم لأني عارفه مابقدر على رعايتهم يموتون عند أمهم
أحسن من يموتون بين أيديني وأذا ربي كاتب لهم حياه بيحميهم و بعيشون حتى لو الأم مريضه

الله يكون بعونك بجد مسؤليه ..

[Navigator 85]

اخوي لا تعزل القطط عن امهم

واسئل اي خبير في القطط

لان بعد 3 ايام اختمال كبير ان الام ما تتقبلهم

وتتركهم يموتون

[آنـــــو]

^
^
آنا ماأقول يعزلهم لكن قلت لو فكرت تعزلهم لأن البيطري قاله لاتخليهم يرضعون كيف بيمنعهم!!

أنا أصلاً ضد الفكره من أساس أعرف أن بعض القطط لو عزلت أولادها عنها كم يوم ورديتهم لها بتستنكر ريحتهم
والبعض لا تبقى فيها أمومتها الى أسبوعين

[Navigator 85]

انا ادري ان مو قصدج وانتي تحاولين تساعدين

بس انا بغيت انبه

والمشكلة ان اغلب الدكاتره البيطريين مايفهمون

ويشخصون امراص وحالات من عندهم والغرض الماده

لان صاحبي القطه الي عنده صادها اسهال من اكل المعلبات

والدكتور ما قصر عطاها ابر لين ما ذبحها واظن ان هدف الدكتور كان الماده

لان قال له انت لازم تجيب قطوتك اسبوعيا علشان اعالجها قبل لاتموت

وعليك الحساب ومن يومها حرم ان ياخذ القطه لاي بيطري

قبل لايسال الشباب عن الدكتور اذا هو فاهم ولا بس يبغي فلوس

[مهووس الحيوانات]

افتحي فمهم بالقوة ، اضغطيه من الجنبين أو افتحيه بأي طريقة وقطري وراح يبلعونه ان شاء الله ..

[3o3o]

ما اقدر افيدك ان شاء الله تتعافى