طير محتاج مساعدتكم

[عاشقة الطيور]

السلام عليكم ورحمة الله وبركاته

ابوي توه يايب طير ماادري شنهو نوعه .. والله واعلم شنهو فيه ابوي يقول جافه منسدح في الشارع وعليه ومبين عليه توه صغير ومايعض

وهذي صوره .. شنو ياكل وشنو نوعه

[N A S E R]

السلام عليكم

هذا اختي الله يسلمج

اسمه بالعربي : العوسق

وبالمحلي (الخليجي) : الانثى الشرياص, الشرياصه / والذكر : ترمه

وصوره الانثى : الشرياصه





وصوره الذكر : الترمه , وهو اللي بالصوره فوق



...

ونصيحتي لا تقولين انه صغير اصلا هو حجمه صغير

ولا تلعبين وياه لانه الله يلعنه مره عضني وطلع دمي

وانا قبل صايد اكثر من 20 واحد باسبوع واحد بس (بالكويت)

واذا تبين تخلينه عندج نصيحتي لاتحطينه بقفص لانه مايحب القفص

حطيه على وكر وهذي صورة الوكر

( كل الطيور الموجوده في صور المستلزمات اللي بتجي كلها انواع متفرقه من الصقور وليست صور للعوسق بس نفس مستلزماته )



الحديده اللي تحت تتثبت بالتراب (يجي نوع يكون بدل الحديده صبه (مربع سميت)
تقدرين تحطين النوع الثاني بالديوانيه او بالحوش

وتقدرين تحطين خيشه فيها تراب عشان يوقف عليها بدال الوكر اذا مو موجود

لكن لاتنسين ثبتيه بحبل برجله وبالخيشه وخليه طويل شوي عشان يقدر يتحرك

وهذا مثال لطريقه الخيشه . .



ولبسيه برقع (برقع للراس لتغطيه العيون) عشان اذا خليته مفرع (بدون برقع) يمكن يحاول يطير

نفس هذا



واذا جيتي تنقلينه من مكان لثاني او تشيلينه شيليه بـ ( دس) قفاز سميك

وهذا مثال للقفاز . .



هذي تجهيزات العوسق اللي عندج والحين نجي حق الاكل


اكله : يعيش على صيد الفئران والقوارض الصغيرة وكذلك الطيور الصغيرة والحشرات


وارجع واكرر كلامي لا تقربين منه وتلعبين معاه لانه يمكن يعضج عضه قويه او يجرحج جرح كبير نفس اللي صارلي . .


وارجو اني اكون افدتج

واي سؤال واستفسار ثاني انا موجود وحاضر


تحياتي

N a S e R






..

[عاشقة الطيور]

مشكور اخوي وماقصرت .. لا لا بربيه ولا شي بس ان شاءالله نحصله ناس يعرفون يربونه

واختي وانا يودناه وماعظنه بس بحذر مثل ماقلت

وشكرا مره ثانيه وجزاك الله خير

[N A S E R]

العفو اختي هذا واجبنا ..
بس بالفتره اللي بيكون عندج وكليه باليوم لحم بمقدار حمامه عاديه او فار << المقدار هذا مره وحده باليوم

وو بالغالب هو مايحتاج الماي لانه موجود بطعامه

والله يوفقـ ج







..

[عاشقة الطيور]

ههههه وانا كنت احاول ااكله دياي .. واخوي حط له عنب هههههه ..

شكرا مرة ثانيه ^^ ..

[N A S E R]

هههههههههههه عنب هههههههه بس الدياي زين عطيه منه ..

وعفوا مرة ثانيه ^^ ..

[راعي مزاج]

السلام عليكم اختي هالطير عطيه طياح الغدا ياكل كل شي واذا في حشرات هم عطيه لا تعطينه حمامه ولا شي الحمامه تكفيه سبووع حاولي تعطينه دياي طلعيها من الثلاجه وحطيها بماي حار خليها تتعدل حرارتها وعطيه جزء منها ولج كل التوفيق

[محمود صقر]

بسم الله الرحمن الرحيم
اتفق مع اخوانى السابقين
هذا العوسق ذكر من فصيله الصقور الحقيقية اى الموجود بها نتوء( بالسن) ويدرب ويصاد به الحمام واليمام وممكن تدريب اكثر من واحد خلال القنص والصيد به
اتمنى ان اكون اوضحت

[abukhaled]

يقولون انه مايصلح للصقار الا المبتدئين عشان يتدربون عليه بس هو نذل اذا سويتله مثل الصقر عطيته شي بس يسد جوعه فيه بيتركك لازم يشبع

[صقر البرارى]

صحيح يا اخوانى الصقر عوسق او صقر الجراد دة اسمة لانة بيتغذى على الجراد والطيور الصغيرة