قطوتي خيبت املي

[كويتي من العاصمه]

السلام عليكم

اليوم وديت قطوتي للبيطري للفحص لانه كنت فرحنا انها حامل
ولاكن الصدمة لما قالي الدكتور انه مومبين في حمل

بس خلال فترت التزواج تمت عملية التلقيح 5 مرات هذا الي انا شفته بعيني واحتمال تكون اكثر

سؤال ليش ماصار الحمل شل المشكله مع العلم انه هالايام تكون كملة شهر تقريبا من عملية التلقيح

[سعادوو]

والله اخوي انا كان عندي نفس المشكلة .. شفتها تتزاوج اكثر من 4 مرات .. ومر شهر ووديتها للبيطري فحصها وقالي شكلها مب حااامل .. بس عقب اسبوع ونص من لما وديتها البيطري شفت حلماتها اتفخوا وصار لونهم وردي ولاحظت عليها تكور في بطنها واكلها زااايد .. عقبها وديتها لدكتور مرة ثانية قالي الحين مبين عليها الحمل .. والحمد لله يابت لي 4 قطوة صغار والحينه عمرهم شهر واسبوعين ..
يمكن تكون اول مرة تحمل نفس قطوتي عسب جي ما بين عليها بسرعة
واسمحلي اخوي على الاطالة

[founah]

هلا اخوي اذا ماطلبت قطوتك التزاوج لمدة اسبوعين من التزاوج معناتها حامل انت شوف اذا هي خملانه بس تنام وتاكل معناتها حامل ومبرووك مقدما

[sisi_moon]

يوووووووووووووه انا هالسالفه عانيت منها كثير

قطوتها تزاوجت خمس مراات واحد من هالخمسه كل مايقرب منهاا تنحاش ماتبيه

بس الحمدلله من الخاامس حملت وهذا هي خذت شهر وشووووي

انت خلك صبوور بس

وانا كانت مشكله قطوتي انها لما تتزاوج تنام على ظهرها مو على بطنها ( يعني طريقه تزاوجها غير صحيحه )

بس هالمره مسكناها وهي تتزاوج وخليناها على بطنها وتلقحت عدل الحمدلله

والله يتمم لهاا على خير ^_^

انت حاول تعرف مشكله قطوتك واذا مافي مشكله معناتها من ربك بس اصبر انت

مووووفق اخووي

[كويتي من العاصمه]

سعادوو
اي اهي اول حمل لها والحمدالله عطيتيني الامل وانا شفت في بروز قليل جدا بالثدي الاخرين فقط

شكرا شكرا على هالمعلومات

founah
لاماطلبت ابد وانشالله خير
شكرا

sisi_moon
شكرا على الرد