اشترك في نشرتنا البريدية ليصلك كل جديد

مستريح البال · 01-03-2006, 12:05 PM

أختي Najla ..
جربي و بإذن الله تنجحين و حاولي أكثر من مرة .. و طمنينا بالنتايج ..

أخوك /
مستريح البال ..

قطو_Q8te · 01-03-2006, 05:24 PM

[ السلام عليكم ]
رجعت

بعد قراءة ردودج وردود الاعضاء ..
في طريقه وايد سهله ومجربه من قبلي وناس اعرفهم
الا وهي انج تضعين القطه في قفص خاص فيها وتييبين القط الذكر وتضعينه بقفص مستقل
وتحطين باب القفوصه بويه بعض
لمدة يوم يومين اقصاها اسبوع رح يتعودون على بعض .

اذا مانفعت هالطريقه فهذي طريقه ثانيه
حاولي اتيوعين القطوتين - ذكر\انثى - وبعدين حطيهم يمج وانتي بنفسج قعدي وكليهم
مره للذكر مره للانثى بعدها يتعودون على بعض

بالمناسبه كل قط\ قطه لما يشوفون قط يديد بينفعل ومن هالانفعالات انه يبخ\يزعل\يضرب\يتبول\ينام\يركض ورا القط لضربه.
فانشالله اكون ساعدتج
اخوج

قطو_كويتي

Najla · 02-03-2006, 11:13 AM

شكرا للجميع على مروركم و ردودكم اللي فادتني كثيييير

و ابشركم احس انها اليوم احسن من اول ..صح مو مستلطفته كتير

بس ما تضرب كثير زي اول

مستريح البال · 02-03-2006, 11:23 AM

أختي Najla ..
الحمدلله أننا استطعنا أن نقدم و لو جزء يسير من المساعدة و مع الوقت ستألف قطتك وجود القط الذكر و ستعتاد عليه و تقل المشاكل بينهم ..
وافينا بالأخبار و النتائج أولاً بأول ..

أخوك /
مستريح البال ..

Najla · 02-03-2006, 11:28 AM

اخوي مستريح البال
الذكر هذا مو لي بس انا مخليته معها 5 ايام بس و بارجعه محل ما جبته

يعني كل مره بينعاد نفس الموال هذا و بتصير عندي داحس و الغبراء

عموما..انا باقولكم على النتايج اول باول والله يتمم بخير

مستريح البال · 02-03-2006, 11:43 AM

أختي Najla ...
دائماً أنصح هواة تربية القطط و اللي ما يكون عندهم مشكلة في وجود أكثر من قط بالبيت أنصحهم بشراء قط ذكر ليكون إلى جوار الأنثى و سيقلل وجوده الكثير من المشاكل التي تحدث خلال فترة التزاوج و ستوفرين الكثير من الجهد و التكاليف المترتبة على ذلك و ستكون الأنثى في حالة نفسية جيدة دائماً لوجود شريك معها ..
إذا كان بإمكانك شراء قط ذكر فلا تترددي أبداً ..

أخوك /
مستريح البال ..

قطو_Q8te · 02-03-2006, 05:37 PM

بالتوفيق وبشرينا بعدها :>