بخصوص مواضيع محاوله تشويه ديننا الإسلامي

[فطوم]

السلام عليكم

اول شي حبيت اقوله انه يمكن انا مو من المتشددين والمتعصبين ولكن والحمدالله انا ملتزمه بدينا

الإسلامي وافتخر واتباهى فيه و احاول دائما ان اجد البديل من السلع المحليه لكي تغنيني عن

السلع الصهيونيه كما انني كرهت السفر الى خارج الدول العربيه من النظره المشوهه التي ينظر

الينا نحن المسلمين بها. الي ابي اقوله ماراح يعجب الأغلب ويمكن الكل منكم.. احنا داشين

المنتدى والانترنت بشكل عام ودنا نستانس وننسى همومنا ونستفيد من بعض وهالمواضيع

وماعتقد انه احد يختلف معاي بهالنقطه قاعده تعب نفسيتنا وتضايقنا وايد وتخلينا نتحسر على

الظلم الي يعاني منه دينه واحنا مكتوفين الأيدي بس أبي احد منكم يجاوبني! بعد كل هالكلام

والي نسمعه من اهانات هل قاعد نقاطع منتجاتهم؟؟ لا!! هل قاعد نتوقف عن تقليدهم ؟؟ لا! هل

قاعد نسافر الى الدول العربيه ونفيد اخوانه العرب بدال مانفيدهم؟؟ هم لا الكلام ماينطبق عالكل

ولكن الأغلبيه العظمى تفعل ذلك ابيكم تجاوبوني احنا لمه نرسم كاركتيرات عن جورج بوش ولا

نتمسخر ونضحك على دينهم هل اهم يقولون شي؟؟ لا داوود حسين عمل مسلسل كامل كله

ضحك وتهزيء بشارون وشارون ماهتم ليش ياترى؟؟ لانهم مومعطينه اي اهتمام واثقين من

نفسهم موهامهم احد عندهم احنا ولاشي فليش احنا المسلمين الي واثقفين من دينه ومتأكدين

انه الله راح ياخذ حقنا منهم وقبل لاياخذه منهم ياخذه من كل من شوه دينا الإسلامي بأعمال

ارهابيه وغير ذلك ليش نهتم؟؟ لازم نعتبرهم نكره مهما قالو وسوو مايهمنى ونقتدي بالرسول صلى

الله عليه وسلم لمه كان ينظلم وينهان وينسب الاسلام صبر واثبت حق كل الأديان انه دينا صح

وصار الدين الاسلامي هو الدين الغالب في العالم!! انا ودي بدال مانقول هالكلام نحاول نصلح

اوضاعنا احنا اقل شي اب ايدنا احنا الشباب انه نحترم بعض لونشوف في بعض القنوات الفضائيه

الي فيها شريط محادثه بالأسفل مثل قنوات روتانا وقناة ستار اكادمي بنلاحظ انه السعودي يسب

الكويتي والكويتي يتمسخر عالبحريني والمادري منو مادري شنو ليش نسوي جذي؟؟ ليش

مانحاول نبدى نصلح اوضاعنا احنا ومعاملتنا مع بعض نحاول نجتهد ونشتغل ونطور منتجاتنا نحاول

نحترم القوانين مثل قوانين المرور بعدين نقول اهم اهانو دينه واهم سو واهم ماسووو أنا عن

نفسي مالومهم بكثر مانلوم انفسنا لانه نولدو وتربو على دين وعادات معينه بل الوم اللي قاعد

يصير من احداث تساهم في تشويه ديننا عندهم وكسلنا وإتكاليتنا من ما أدى الى تسميتنا

بدول العالم الثالث ... خل ننساهم ونفول احنا العرب المفروض نكون اخوان و وعادتنا وتقاليدنا ودمنا

واحد ليش بينه جذي مشاكل؟؟ واتمنى محد يزعل مني وهذا راي الشخصي