اشترك في نشرتنا البريدية ليصلك كل جديد

Withered Rose · 08-08-2007, 03:40 AM

هلا اختي كويتيه .. بالنسبه لسوق الحمام عادي في وايد عوايل يروحون تقدرين تروحين و تنقين اللي تبينه أحسن من لا تطلبين يمكن يغشونج ..

و حياج الله اختي و موفقة إنشالله

cute cat · 08-08-2007, 03:43 AM

تحمست اجي للكويت واروح هالاسواق
ههههههههههههههههههههه
بس معلومات حلوه وراح تفيد كل الاعضاء

Lonely Hunter · 08-08-2007, 04:11 AM

اذا تبين تشكيله حلوه من السمج المتوافق مع بعض و الوانه حلوه

هذه احسن تشكيله للمبتدأين , تقدرين تختارين اي وحده منهم و اتحطينهم مع بعض بدون اي خوف ... ينصح بوضع 4 انواع فقط مع بعض على شان لايكون في تشتت بالحوض

قولد فيش

بس مانصح فيها للاحواض الصغيره الا اذا كان عندج بس ثنتين او ثلاث لانهم بسرعه يوصخون الماي

نيون تترا

بلاك تترا

وايت تترا

بالون قولد فيش

كوري

هذه السمكه مهمه لاكل الاكل الزايد قبل لا يعفن الماي

دوارف جورامي

جوبي

بلاتي

زبال

مهم على شان ياكل الطحالب

اما اذا تبين سمج فعلا عندهم شخصيه و الوانهم حلوه .. بس سعرهم اغلى من اللي فوق بشوي
و نوعهم شوي عنيف فماتقدرين اتحطين معاهم اي سمجه ... مالج الا البيكوك سكلد

تربيتهم سهله و منهم الوان وااايد

و في بعد الوان زياده .. بس تحذير كبير

لاتفكرين انج اتحطين اي سمكه من اللي فوق معا اي نوع من السكلد
ولا بتشوفينهم مطقوقين و مأكولين

السمج اللي ذكرتهم تقدرين اتحصلينهم باغلب المحلات

have fun with them ^^

كويتية · 08-08-2007, 05:11 AM

قطو كويتي

مافي نوع محدد أنا بما أني مبتدئه بشتري على أساس الشكل وعقب لاصارت خبره <<<< عشتو عاد بشتري أنواع معينه شكرا لك عالأهتمام

___________

witheredrose
هلا فيج أختي أنا قلت أطلب بالنت أريح بس على قولتج يمكن يقصون علي وسوق الحمام رحت له مره حسيت أني مو بالكويت كأني بسوق خان الخليلي اللي بمصر زحمه وفوضى ماتشوفين حيوانات تشوفين هنود وبنقاليه وأذكر كان مكانهم ضيق مادري اذا عدلوه قطو كويتي يقول صار مكيف زين تطوروا
شكرا لج عالمرور الحلو

___________

cute cat

أهلين حبيبتي حياج الله تعالي للكويت زوري الأكواريوم بالمركز العلمي يهبل متأكده بيعجبج

شحلات قطوتج اللي بالتوقيع ماشاء الله

____________

lonely hunter

مشكووووور ماقصرت خوش أسماك ألوانهم وأشكالهم حلوه
ماقصرت كفيت وفيت

maa · 08-08-2007, 09:55 AM

سوق الحمام بتروحينه لا تروحينه بروحج احسن
حسب مرات السوق يكون فيه وايد بنات ومرات لا
وعادة مع امهاتهم او الاخو الكبير
ودربالج لايقصون عليج انا ولا مره شريت بلبل لأنه في انواع وما احب ينقص علي
واذا ربيته يكون يايلي هدية

اقتباس:

بس اخذي معاج احد خبره ولاينقص عليج بسهوله خاصه اذا شافوج كاشخه يدبلون السعر
انا افاصل وياهم لي تلوع جبدهم لوول صرت مشهور مناك :> ادش يعطوني سعر رخيص اخذ بس مايبون يطولونها اهيا وقصيره
وحياج اقين

هههههه ذكرتني برفيجي

لما يكاسر يلوع جبدهم يعطيونا سعر محترم(مع انه ما له خبر بالحيوانات بس اذا كاسر يعجبك)
ولما ينزلون السعر وايد دليل انهم نصابين رافعين السعر وايد