جديد في الفريق

[aldehail]

السلام عليكم اخواني

اخوكم جديد في المنتدى وجديد في موضوع الزواحف

المهم انا شريت امس افعى من صديق لي وهو مش خبير فيهم وكانت هدية فما بغاها

سوؤالي شو نوع هذه الأفعى وكيف التعامل معاها
وكيفية تهييئ الجو المناسب لها
وابغي معلومات عامه عنها من عندكم
وفي سؤالين ثانيين
بعد ماتاكل الأفعى هل امسكها عادي ولا لازم اخليها مده معينه؟
ومن شويه انا حاولت اني احملها لكن بدت اتهسهس وتنكمش فخليتها فما معناة هالشي وكيف اخليها تكون اليفه؟

واشكر لكم تعاونكم

http://img365.imageshack.us/img365/3329/04082007ee3.jpg

http://img248.imageshack.us/img248/9...titled1oq2.jpg

[Q8kuwait]

اولا اهلا فيك بالمنتدي

ثانيا .. نوع الثعبان (الأصلة الملكية او الكروية) .. وهي اليفه غير سامة .. ويصل طولها الى 1,80 متر

وهذا موضوع يحتوي على معلومات عنها
http://www.2zoo.com/vb/showthread.php?t=2329

وهذا موضوع اخر عن سبب امتناعها عن الاكل
http://www.2zoo.com/vb/showthread.php?t=14966

[aldehail]

شكرا اخوي كويت على الرد السريع

واتمنى اني القى ردود على باقي الأسئله

[Q8kuwait]

أسف لاني ما جاوبت الاسئلة الاخرى

بالنسبة لاسئلة الثانية حسب اللي اعرفه .. ممكن في اشياء ما اعرفها او غافل عنها .. لكن الاعضاء راح يساعدونك

وكيفية تهييئ الجو المناسب لها

درجة حرارة الجو يجب ان يكون من 25 الى 32 درجة مئوية

وابغي معلومات عامه عنها من عندكم

اظن الرابط متوفر كل المعلومات عنها تقريبا

بعد ماتاكل الأفعى هل امسكها عادي ولا لازم اخليها مده معينه؟

حسب تجربتي مع ثعبان الاصلة البورمية بعد الاكل استطيع ان امسكها .. لكن الافضل انك تخليها خلال يوم ترتاح و تهضم وجبتها

ومن شويه انا حاولت اني احملها لكن بدت اتهسهس وتنكمش فخليتها فما معناة هالشي وكيف اخليها تكون اليفه؟

اعتقد ان هذا الشي طبيعي .. ممكن تكون خائفه منك غير معتاده عليك

وكيف اخليها تكون اليفه؟

هي بالاصل اليفه غير وحشية .. تعتبر هذه الاصلة من الاصلات اليفه و حجمها ما يصل اطول من مترين

[hellboy]

ما قصر الاخ Q8kuwait على الاجوبه.
امــــــــــا سؤالك الثاني الاصلة تنزعج إذا حملتها بعد الطعام على طول لانها في فترة هظم وفترة الهظم تطول شـوي..
ومن الطبيعي انها تتكور اذا احست بالخوف اشان كذا سميت بالكروية وهذا يعتبر سلاحها لدفاع عن النفس.

[aldehail]

اشكرك ياخوي كويت على ردك

لكن والله العالم شكلها مابطول عندي الأهل كلهم خايفين منها والوحيد الي عادي عنده ولدي وعمره سنتين ولكن يمسكها بقوه شديده واخاف انها تأذيه

بشوف كم يوم ولو مافي نصيب بسأل عن سعرها ويمكن ابيعها

شكرا مره ثانيه

[aldehail]

شكرا اخوي hellboy على الرد

[LiMiTeD]

ما قصرو الشباب وياك