ابغي اشتري ثعبان باثيون حجمه متر ونص - فشو تنصحوني .؟؟

[tanaf]

هل يؤثر الشمس على الثعبان ... (( يعني اذا عرضتها لشمس بارده يعني قبل المغيب فهل هذا يؤثر عليها ))

او

لو ما اعرضها للشمس خير شر هل هذا سيؤثر فيها ...؟



--- --- --- --- --- --- --- --- --- ---

هل هناك آليه لتكييف بيت الثعبان ... مثل مروحه او شي من هالقبيل ..؟

الليت الذي سأضعه فبيت الثعبان .. من اي نوع واي لون ... ؟

اذا كانت الأرضيه نصفها من ورق (جريده) والنصف الثاني رمل او احجار صغيره شو هو الجو الأفضل ؟؟

--- --- --- --- --- --- --- --- --- ---





سؤال محيرني هل لثعبان الباثيون اسنان ... ؟؟؟

[Ghoroub]

شمس الصباح أو شمس المغيب إذا ما كانت راح ترفع درجة حرارة الحوض لأعلى من الدرجة اللي يتحملها الثعبان مفيدة (أو ممكن تخرج الثعبان كل كم يوم في الموعد هذا وتتلفح بيه وتطلع شوي في الشمس)

تكييف حوض الثعبان ما أظن فيه شي مشابه بس تدفئة الحوض موجودة ممكن تستخدم إضاءة عادية أو لمبة UV أو حتى حجر التدفئة (بعد ما تغطيه لأنه بيصير زي النار وممكن يئذي أو حتى يقتل الثعبان) طبعا لازم تحسب حساب إن الثعبان ما راح يقدر يلمس اللمبة لأنه راح يتلسع وبرضه ممكن يموت

بخصوص ورق الجرايد واللي له أنصاره بحكم إنه رخيص ومتوفر وسهل التغيير بس لازم تخلي بالك ما يكون من النوع الرديء اللي من يوم تلمسه يطلع الحبر في إيدك، إذا مصمم على الورق في رولات ورق زي حق أكياس العيش اللي في السوبرماركت تقدر تشتري رول عرضه مناسب للحوض اللي راح تستعمله وبعد كده تقص على قد الأرضية، ما أنصحك بالرمل خصوصا للثعابين اللي ما تعيش في الرمل لأن فتحات التنفس عندها غير قادرة على منع الرمل من الدخول مع الهواء اللي تتنفسه وفيه إحتمال كبير إنها راح تمرض أو تواجه مشاكل في التنفس (على حد علمي ثعابين الصحاري هي بس اللي تقدر تتحمل الرمل)

وأكيد كل الثعابين لها أسنان لكن تختلف عن بعض بوجود أنياب أو لا (عادة الثعابين العاصرة ما لها أنياب، الثعابين السامة لها أنياب أمامية والثعابين ضعيفة السمية لها أنياب خلفية)

ما دامك ما قدرت تعرف من اللي راح يبيعك ايش نوع الثعبان حاول تشوف وجهه تمام وعد الفتحات الصغيرة الموجودة في وجهه لو عشره أصلة ملكية (مترين و10 سم أطول وحده موجوده وحجمها مناسب للمبتدئ) لو أقل ممكن تكون بورمية أو شبكية أو أي نوع ثاني من الأنواع الكبيرة (مو أقل من 3-4 متر)

حاول تصورها لو هي موجودة في محل أو صاحبها أرسل لك الصور وتعرضها في الموضوع أكيد بيقدروا الخبراء يفيدوك أكثر

تحياتي

[tanaf]

" Ghoroub "

شكرا على ردك .. وصور الثعبان راح احطيه عن قريب

[madrule2002]

الله يوفقك

[Ghoroub]

العفو طناف وإن شاء الله ما قصرنا معاك ومنتظرين الصور

[هاوي ثعابين]

شوف صوره الثعبان الي بتوقيع الاخ limited

هو الي تقصده؟؟؟

[الخيّال]

الاخوان ما قصرو وانا عن نفسي انصحك بعدم شراء شراء اصلة بهذا الحجم وانت مبتدئ في تربية الثعابين لا تاخذ اصلة اطول من متر في جميع الاحوال .