استفسار يخص فرخي

[ليان 1433]

السلام عليكم جميعاً
و مساء الخير

حابه اسألكم عن بعض الاشياء كوني مبتدئه بتربية الكروان
انا اشتريت فرخ كروان بعمر الثلاث اسابيع و الان و لله الحمد بيكمل شهر عمره
اول تجربه لي بفرخ غر ف شايله همه مره
الحمدلله عندي خلفيه عن الفروخ
و اهتمامي فيه جيد جداً بإذن الله
مشكلتي اني محرصت ع المربي اللي شريته منه و كنت مستعجله ابي الفرخ ف جاني فرخ خريض شوي معه اسهال
فرخي الحمدلله شهيته مفترحه و مااحسه خامل بالعكس يلعب و بدا بمحاولات طيران خفيفه
و بالنسبه للاكل انا اعطيه بيض مسلوق مع بطاطس مسلوق او بيض مسلوق مع بقسماط ، او بيض ني مع توست او بسكوت شاي طبعاً كلها مهروسه و اخلط معها سيريلاك طيور كون فرخي ماحب السيريلاك لحاله

المهم ابي اعرف كيف اعالج فرخي من الاسهال و لا حظت انها بادي يعاطس هالفتره و انفه وردي و برضو داخل انفه شي اصفر مدري قشور مدري ايش هو بالضبط و انفه جاف مو مبلول ، فرخي من جبتي و انا حاطته بمكان بدون تكييف و لازم الصبح افتح عليه الدريشه تجيه الشمس و اشغله مررحه عشان مايحتر مره ، و بالليل كون الجو بدا يبرد اغطي قفصه

عذراً ع كثرت الكلام بس حبيت اوضح جميع الجوانب و ان شاء الله الاقي اجوبه تفيدني
و ياليت اللي عنده خلطات للاكل زياده يعطيني
و اذا عندي اي غلطه بالاهتمام بكرواني ياليت تنبهوني عليها و شكراً لكم جميعاً ♥♥

[ليان 1433]

عذراً الموضوع بالقسم الخطأ ماانتبهت ������

[غجرية]

السلام عليكم
الامور ممتازة ان شاء الله بالنسبة لفضلات الفروخ طعامها يحوي الماء لهذا ممكن تلاحظي انه سائل وليس جامد كالطيور الكبيرة واحيان تلاحظي ان الفضلات اكرمك الله كميتها اكثر من احيان اخرى
المهم لو انتي شاكه انه اسهال اسلقي الرز المصري واهرسيه حتى يصبح قوامه زي السرلاك وضيفي عليه ماء الرز المسلوق وغري الفرخ
للرشح قدمي له الذره الصفراء المسلوقة ايضا اهرسيها و ضيفي الماء حتى يصبح قوامها شبيه بالسرلاك وغري الطائر فهي مفيدة خاصة في حالات الزكام وسيلان الانف
انا لا انصح بالبيض الني للطيور يفضل ان يكون مسلوق ومهروس وقوامه شببيه السرلاك
وبما ن الطائر نشيط باذن لله الامور ممتازه
اتمنى ان يفيدك الخبراء اكثر بالتوفيق