كلبي لا يأكل الا الدجاج فقط .. اريد خبير يحل الازمه

[Mbm188]

السلام عليكم ورحمة الله وبركاته

نوع الكلب جيرمن شيبرد
العمر سنتان
الوزن 27 كيلو

مشكلتي معه طويله جدا واكملت السنه معها ولم اجد لها حل فبعد ما فقدت الامل و وصلت مرحلة اليأس سجلت في هذا المنتدى لعلي اجد حل مع العلم انني لم اسجل في منتدى من قبل ولكني فقدت صوابي بسبب ما اعانيه مع كلبي

ف علاقتي معه اكثر من شخص يقتني كلب فأين ما اذهب اخذه معي وانزهه كثيرا واعامله معامله لم اعامل بشر بها وينام ويجلس معي داخل البيت وهو ذكي جدا لدرجة انه يفهم امر جديد ويتقنه في اقل من ساعه .. ولكن حبي له مع عناده اصبح الموضوع ازمه بالنسبة لي


و مشكلتي ياجماعة الخير انه لا يأكل الا الدجاج فقط ولو وضعت مع الدجاج اي شيء آخر لا يأكل والدجاج مكلف ف 3 دجاجات باليوم يطلع بالشهر 90 دجاجه يعني 90 دينار من غير البيطري واحتياجات التنظيف والمكافآت وهذا فوق طاقتي فقررت ان اغير نظامه الغذائي الى الدراي فود (الاكل الجاف او المعلبات) فهم اوفر ويوفر جميع احتياجاته الغذائيه وجربت جميع انواع الدراي فود والمعلبات وجميع الطرق اخلطه مع الدجاج واخفف الدجاج مع الوقت بلا فائده وجلست امامه بالساعات اتوسل اليه ان يأكل العبه واحاول ان يأكل بلا فائده فوقت الطعام ان لم يكن دجاج يتحول و يصبح كالحائط كلبي ذكي جدا يبعد الدراي فود ويأكل الدجاج فقط وهو يعلم ان الدراي فود طعام ولكنه لايحبه و وضعت ماء الدجاج على الدراي فود و وجدت انه يعلم انني اخدعه فحرمته من الاكل و وجدت انه مستعد ان يموت ولايأكل غير الدجاج .

حرمته 7 ايام من الدجاج و وضعت له الدراي فود في الصباح لمدة 15 دقيقه فقط وبعدها ازيل الاكل و وقت الظهر اكرر العمليه و وقت العشاء كذلك فمرت السبعة ايام ولم يأكل و نزل وزنه الى 27 قفصه الصدي واضح ومنطقة البطن منحوته الى الداخل وجربت ايضا المعلبات ولكن نفس النتيجه

فما الحل

انا لي خبره بتربيه وتدريب الكلاب وافهم شخصية كلبي وهو يفهمني من نبرة صوتي ولكن بموضوع الاكل دائما نختلف وتكون ردة فعله يبعد رأسه عني (يصد) حينما احاول ان اضع الطعام في فمه

ويوصلني عناده الغريب الي اقصى مراحل النرفزه والقهر وتنتهي بالضرب الشديد المبرح وبعدها عقاب شديد وبعدها ضميري يأنبني مع نظراته البريئه فأنهي الموضوع واقدم له الدجاج وطبعا بعدها بكم يوم لكي لايعتقد انها مكافئه مع العلم عناده الغريب اوصلني الى مرحلة الضرب المبرح (تستغرب؟) معك حق ولكني عرضته على اكثر من شخص وجميعهم حينما شاهدوا عناده الغرييب والحقير جدا جدا جدا وقت الاكل استغربوا كذلك ..


والآن انا في اخر مراحل التحمل وهذا المنتدى خياري الاخير ان لم اجد له حل فلا اعلم مامصيره اما يموت من الضرب بسبب عناده المستفز او من الجوع او اتركه بالشارع يرحل لانه افقدني صوابي وبجميع الاحوال ذنبه برقبتي

ملاحظة :
تطعيم .. حبوب الدود .. ابر الدود .. مضاد حيوي .. كورسات .. فواتح شهيه باشكالها .. فحوصات شامله بمستشفى IVH لا يعاني من امراض.


و ارجوا من خبير لديه تكنيك يجعله يغير رأيه بالاكل و ان كنت شخص جمع معلومتان من الانترنت فلا تتعب نفسك واترك مكان للخبراء الحقيقيين فأنا خبرتي كبيره بالكلاب ولا احب الفلسفه والتأليف

و ارجوا منكم المعذره على الشرح الممل.

وشكرا لكم كثيرا ..

[طنجيس1]

اول شي اذكر الله واهدا حسيت طالعلك الضغط

استغربت من غداه اليومي 3 دجاجات ..!

ماشاء الله


شوف بما انك ماتحب فلسفه ومو ناقص هههههههههه

انا اظن انك سنتين وانت تعطيه دجاج وماشاء الله تبيه يصير وحش

وبعد سنتين خلاص اكتفيت لكن هوا مااكتفا

لكن تاكد الكلب لايمكن ياكل دري فود بعد مايجرب طبخ البيت او على الاقل بيجيه صعب

لكن في اشياء يحبها اكل الدجاج هذا وانا متاكد مثل الهوتدوق والبيض المسلوق والمرتديلا

جربها معاه كلاه اوكي شوي شوي بدله الاكلات

المهم كبدايه حاول تبدله الدجاج كهدف يذوق حاجات جديده

وبعدها نشوف شنو نسوي مع دراي فود وكلب الشيوخ اللي عندك ههههههههه

مهم لاتخليه بالجوع وتتعاندون

جنبي واحد يسلم عليك ويقول طيب ماجربت تربطه مع كلب ثاني ويشوفو ياكل

يمكن يزعمه شوي على دري فود ..!


الا بسألك

تشيل عظم الدجاج او تقدمها له كاملا

[Mbm188]

شكرا على تفاعلك اخوي .. تقدر تقول انه مدلل اكثر من كلب الشيوخ .. وبخصوص اني اربطه مع كلب ثاني مافي فايده لانه يدري انه اكل ولاكنه مايعجبه وبخصوص الدجاج من غير عظم وامس قدمتله معلبات مخلوط مع درايفود مطحون رفض ياكل ولكن لما حاولت اوكله بأيدي اكل وخلص اكله لكن اليوم كرر العمليه ويمتنع من الاكل وبصراحه امس طردته بالشارع وبعد ساعه حنيت عليه ولقيته واقف عند الباب ... واحتمال اييجيبلي الجلطه كلب غريب

[Mbm188]

عندي تريتس (مكافئات) بنكهه البيكون لما يشوفها يصيبه جنون فقصصتها
و خلطتها مع المعلبات امامه اقترب من الاكل وشمه وابتعد وبعدها حتى قطعة البيكون مايبيها !!!! ويصد بطريقته المستفزه

طيب انت تقول الكلب اذا اكل الاكل المطبوخ مستحيل ياكل دراي فود
ممكن كلامك صحيح ولكن المعلبات نكهة الدجاج تعتبر مثل الدجاج العادي
يرفضها والله ساعات احسه يستهبل او هالكلب عقاب من الله ههههههههه ماكنت اتوقع انه بيوم يرفع ضغطي هذا ضرب فيوزاتي بالمره كان ياكل رز مع الدجاج والحين مايبي الرز ... بالعربي بديت اكره مزاجيته وبنفس الوقت مالي اظلمه بالضرب او احبسه بقفص خارج البيت وخصوصا منطقتنا توصل درجة الحراره 55 درجه حرام احترت ومع هذا مازلت مجبر البحث عن طريقه

[Mbm188]

هذا جاك اللي مطلعلي قرون بس مع هذا يبقى العشق الابدي

[Mbm188]

ارجوا من الجميع المعذره على طريقه الاسلوب بطريقة تقديم

الموضوع ولكن كنت في حاله اعصاب وكالعاده بعد الهدوء يرجع العقل

وارجوا من الاداره حذف الموضوع او اي شخص يعلمني كيف

احذف الموضوع لاني لا اعرف ..

وبالنسبه للكلب في كل مره اعصب عليه وبعدها تعود المياه لمجاريها

وبخصوص الاكل لايمكن لاحد ان يجبرني على اكل لا احبه وجاك لايحب

الا الدجاج وسيبقى يأكل الدجاج فهو يستحق افضل من الدجاج وبما انني انا جعلته يعتاد فأنا اتحمل هذا..

وكانت غلطتي وانا آكل من كنتاكي بقى بعض من قطع الدجاج فقدمتها

له ومن هنا بدأ موضوع الدجاج هذا..

معاه حق تعطيني قطع دجاج ذهبيه من كنتاكي وبعدها تعطيني

اكل جاف كالتراب ههههههههه كنتاكي جاب فيني العيد 😅

....

وهذه فرصه اني سجلت في منتداكم الي فادني كثيرا بمعلوماتكم القيمه

وسأتابع وجودي هنا واشارك ببعض من خبرتي في تربية وتدريب الكلاب

مع انكم لم تتركوا لي شيء 😅 ولكن سنحاول

تحياتي وتحيات صديقي الوفي جاك لكم جميعا دون استثناء واعتذر مره اخرى ..

[Octopus]

حذف الموضوع من اختصاص الإدارة او مشرفين القسم و مساعديه فقط

[Victor245RoTT]

من خبرتي لدي حلول مضمونه لاكن التطبيق من محترف


Sent from my iPhone using 2zoo.com mobile app

[Victor245RoTT]

لو كنت قريب مني استطيع معالجت مشكلتك مرت معي كثيرا مايطلب مني ناس مساعدتهم


Sent from my iPhone using 2zoo.com mobile app