اشترك في نشرتنا البريدية ليصلك كل جديد

الجرح الوثيج · 02-06-2015, 11:04 AM

السلام عليكم ورحمه الله وبركاته

اعيد تجزئة وكتابه الموضوع لان الصور كبيره ف الموضوع الاول ومش مكتمل
ان شاء الله تستفيدوا من موضوعي والمعلومات اللي فيه ماهي شامله كل شي ف اللي يريد معلومات أوفى يشوف جوجل

الارمله السوداء هي انثى عنكبوت سوداء اللون تتميز ببطن كبير وارجل طويلة نحيفه وتمتاز بشريط متعرج احمر اللون في بطنها من الخلف وعلامه الساعة الرمليه الحمراء في اسفل بطنها وتشتهر بسميتها واكلها للذكر بعد الانتهاء من عمليه التلقيح .

وموضوعي اليوم عن بنت عمها حمراء الظهر اللي تنطبق عليها كل مواصفات الارمله عدا حاجتين

الاولى: حمراء الظهر اقل سميه

الثانيه: وهي الاهم وهي ان وحمراء الظهر ماعندها علامة الساعة الرمليه

في الغالب الارمله السوداء تعيش في استراليا وامريكا وماتعيش في سلطنة عمان ( ع حد علمي)
اما حمرا الظهر تعيش في الاماكن الثلاث سلطنة عمان واستراليا وامريكا
هذي صورة عنكبوتتي من الخلف ولايمكن التفريق بين حمراء الظهر والارمله السوداء في مثل هذه الصور

وهذي صوره الساعة الرمليه اللي تفرق بين الارمله السوداء وحمراء الظهر

نبدأ بموضوعنا تجربتي في تربية حمراء الظهر

وصلتني العنكبوت ومعها كيسين بيض(ترا العناكب تبيض بعدين بتكلم عن البيض) في غرشه ماي فكان لازم اسوي لها بيت عشان تاخذ راحتها فيه واقدر اعطيها تاكل وانظف المكان .

شليت سيخ خشب وجبت علبة بلاستيكيه ثقبت غطاها وكسرت الخشبه ع عرض العلبة وعلقته داخلها وحطيت العنكبوت واكياس البيض داخلها (اللي مافهم من الشرح بيفهم من الصورة)
صورتها ف بيتها الجديد

اول وجبه لها كانت يرقه خنفساء وكنت اعطيها تاكل حشرات مختلفه ومرتين ف الاسبوع ومرات اكثر ومرات اقل وبالنسبة للماء كنت احط قرات ع الشبكه واهزها وبعدين توقفت لانها تحصله من الحشرات اللي تاكلها
ع فكرة العنكبوت ( اتكلم عن حمراءالظهر في الموضوع كامل) تشل حركة الفريسه عن طريق لفها بالحرير اول وبعدين تعضها وتاكلها ( تاكلها = تشرب العصاره اللي اللي تتكون من ذوبان كل اعضاء واجهزة الفريسه الداخليه بسبب السم وتبقي ع الهيكل الخارجي للفريسه لان مافيها اسنان حال كل العناكب)

صورتها تلف الفريسه ونلاحظ ان حركه اللف انها تسحب الخيط برجولها الخلفيه وتلف الفريسه بحركة سريعه ( لف الفريسه يختلف عن لف او صناعه اكياس البيض)

صورتها تاكل

صوره هيكل الفريسه الاولى والدور ع الثانيه

معلومه مهمه لازم تنظف الشبكه من الحشرات الميته لان هياكل الحشرات الميته بتغطي ع كل الشبكة وماراح يكون في مكان فاضي للحشرات الثانيه عشان تلصق في الشبكه ف بتجوع العنكبوته وبتموت

ف الحل :

اما انه نطلع الهياكل أول بأول بملقط أو أي أداة طويلة.

أو بعد فتره نطلع الشبكه كامله عشان العنكبوته تسوي شبكه جديده بس اذا بنطلع الشبكه كامل لازم نراعي ان العنكبوت اكلت قريب عشان يكون عندها طاقه تسوي شبكة جديدة.

للعلم ترا العنكبوته ماتقفز ف مافي داعي للخوف لما نفتح علبتها
وهذي صور ازاله كيس البيض بعد خروج الصغار منه

بعد 6 ايام سوت كيس بيض ثالث (وصلتني ومعها كيسين) وصارت بين فترة وفترة تسوي كيس بيض
كنت اسجل تاريخ وضع اكياس البيض والفقس وتاريخ الوجبات وانواعها بس ع نهايه السنه نقلت الاغراض وماعرف وين حطيتها .

بس اللي نلاحظه ان الانثى ماتحتاج تلقيح ع كل كيس بيض

المهم بعد كم يوم حطت كيس البيض الرابع ومن حظي اني شفت المراحل من البدايه للنهايه وصورتها والعمليه كامل استغرقت تقريبا ساعة
اول شي تغزل قمه الكيس ف المكان اللي بتعلق فيه الكيس اللي هو سيخ الخشب في حالتنا وتكون ع شكل مخروط او قمع بعدين تبدا تطلع البيض وهو عبارة عن سائل وردي سميك او سائل محبب سميك ممكن نشبهه بمرطب الاطفال الوردي جونسون اند جونسون . ويطلع من المنطقه بين نهايه صدرها وبدايه بطنها وتقوم بحركه ارتداديه وهي تطلع البيض كانها تسوي تمارين ضغط بس بالمقلوب
حجم بطن العنكبوته يتقلص وهي تقوم بهالعمليه ويصغر ويتجعد بعدما تطلع كل البيض تبدا تكمل الكيس ويغلق من كل الجهات ع شكل كرة ونلاحظ انا الخيط مايلمس البيض يعني البيض يكون معلق داخل الكيس. والملاحظ ان طريقة لف البيض او غزل كيس البيض تختلف عن طريقة لف الفريسة. مراحل وضع كيس البيض