الكاسكو مايحب حبوب عباد الشمس

[MuneerMA]

السلام عليكم اخواني
عندي كاسكو مايحب حبوب عباد الشمس بالكثير ياكل 15 حبه في اليوم
فأضطر احط له خلطة حبوب وهل تأثر على الطير لو احطها له كل يوم
ارجو الافاده ولكم جزيل الشكر
صورة الحبوب اللي يحبها الكاسكو في الصوره المرفقه

[mooosa]

اذا الطير ياكل حبوب ثانيه او فواكه وخضروات او الزوبروم
عادي ما تضر اهم شي انه ياكل ويكون بصحه ممتازه
اما اذا ما ياكل شي ثاني ويكتفي 15 حبه من دوار الشمس
ويكون ريشه منفوش وخامل ف الطير يشتكي من شي وديه للبيطري
والله يوفقك في تربيته.

[MuneerMA]

اهلين اخوي

الطير نشيط ماشاءالله وياكل كل شي بس حبوب عباد الشمس ماياكله بكثره واللي مخوفني انه يحب ياكل الدره والفواكهه المجففه ويمكن يصيبه اسهال من كثرته
واحيانا اعطيه كورن فليكس و شابوره علشان لاياكل بس الفواكه والحضار المجففه
وسأل اخير
هل الحبوب اللي في الصوره المرفقه تسبب اسهال للطير او لا ادا اكل منها كل يوم

[hassan-55]

يتعود عليه اذا اجبر عليه

انا طيري قبل أيام كان مريض و أبعدت عنه الفواكه والخضار والزوبريم والمشكل البلجيكي
واجبرته على الحب (دوار الشمس) والخبز الناشف (الصامولي)
عشان كان عنده اسهال اكرمك الله
كان ما ياكل الحب دوار الشمس لكني اجبرته لانه اذا جاع الطير وما لقي الا هو اكيد ياكله

بالنسبه لسؤالك عن الصور اللي ارفقتها

الحبوب مثل اللي بالكيس اسفل الصوره اعتقد ما تسبب اسهال
اللي يسبب الاسهال غالباً تغذية الطير بالفاكهه والخضار بشكل مستمر يسبب اسهال
وأيضاً بعض الأحيان المشكل البلجيكي او الإيطالي او أي مشكل يحتوي على فاكهه وخضار مجففه
ولكن هذا نادر
واحيان بعض الحبوب وبالذات المشكل اذا كان قديم يسبب اسهال
بعض المحلات (اللي ما يخافون الله)
يبيع المشكل قديم ومعفن وبه حشرات وديدان (وهذا عن تجربه)

انصحك وانصح القارئ دائماً لا تأخذ كميه كبيره وخصوصاً المشكل
خذ 1 كيلو او 2 كيلو بالكبير اللي يمشيك شهر

والزوبريم ما يسبب اسهال اكرمك الله وخصوصاً اذا أعطيت الطير كميه بسيطه باليوم

انا اتبع برنامج بغذاء الطيور من سنين طويله

قبل النوم بالمساء اعطي الطيور نصف الكاس حب شمسي
واذا جاء الظهر اعطيهم كسرة صامولي ناشفه
واذا جيت اتغدى ا عطيهم كسره بسيطه تفاح او جزر او خيار (حسب الموجود ااكل نفسي واكل طيوري)
واعطيهم قليل رز وعظمة دجاج في عندي طير يحب كثير العظم والرز

والعصريه اخذ كم قطعه زوبريم واعطيه الطيور بيدي هذا اذا طلعتهم بالحوش العبهم

،،،،،،،،،،،،،،،،،،،،،،،
طمني وش صار على طيرك عساه شفي ان شاء الله؟

[MuneerMA]

والله تقدر تقول شفى الحمدالله البراز السائل اكرمك الله خف كثيييير احيانا يصير فيه براز سائل خفيف جدا وصار مايشرب ماي واجد
بفضل من الله ومساعدة الجميع

[hassan-55]

المشاركة الأصلية كتبت بواسطة MuneerMA

والله تقدر تقول شفى الحمدالله البراز السائل اكرمك الله خف كثيييير احيانا يصير فيه براز سائل خفيف جدا وصار مايشرب ماي واجد
بفضل من الله ومساعدة الجميع

الحمد لله على سلامته

كم لك موقف العلاج (المضاد)

يفضل تعطيه املاح معدنيه عشان تعوضه عن السوائل اللي افتقدها
سعرها 25 ريال
لمدة خمسة - سبعة أيام ، او يحددها لك البيطري
تضيف مع الماء اربعه او خمسة قطرات ، او يحددها لك البيطري

في نوعين بالسوق من نفس الشركه (مينرال)
نوع يجي بقطاره بلاستيك أتوقع ارفقتها بموضوعك السابق
ونوع مثل الصوره المرفقه يجي بقطاره زجاج خذ مثل الصوره المرفقه اسفل

[MuneerMA]

بارك الله فيك اخي حسن ...

وقفت العلاج من 4 ايام وعطيته امينوفيت كل يوم وترك
ولك جزيل الشكر

[hassan-55]

المشاركة الأصلية كتبت بواسطة MuneerMA

بارك الله فيك اخي حسن ...

وقفت العلاج من 4 ايام وعطيته امينوفيت كل يوم وترك
ولك جزيل الشكر

ممتاز ولكن الأفضل تضيف الاملاح مع الامينو فيت او املاح مع الماء عادي
لان الاملاح تعوضه عن السوائل اللي فقدها مع الاسهال اكرمك الله
وتأكد من كلامي بسؤال البيطري ، وعن تجربه الاملاح مهمه

[MuneerMA]

سألت البيطري وقال استخدم امينوفيت افضل لان فيه املاح معدنيه وفيتامينات
ولك جزيل الشكر يالغالي

[تركي111]

اذا كان الببغاء جديد طبيعي انه يقل اكلة ...حصلت معي لفرخ الافريقي جلس ثلاث ايام ياكل شوي ...المعروف ف ببغاوات الافريقية الخجل نصيحة حط له الاكل واتركة ف غرفة لحاله لمدة ساعتين وبتشوفة ياكل هذي نقطة ....النقطة الثانية حاول انك تهرس له خضروات نص سلقة بدون اي اضافات فقط موية واغليها لمدة 10 دقايق عشان ماتفقد عناصرها الغذائية واسحب بالابرة وغره صدقني بهالطريقة بالاحظ الطير يفك وتنفتح الشهية عنده .