الكاسكو والغيره, هل من حلول

[هاوي اسود]

السلام عليكم

عندي كاسكو من 5 شهور تقريبا وعشرتنا حلوه من زعل ورضى وكذا, كان موقعه بالصاله,
انتقلت لبيت جديد ولظروف معينه حطيته بالغرفه عندي, بدأت القصه من ثاني يوم , منسدح على السرير العب بنت اخوي الا وهو ينزل طيران بدون تركيز موجه على جسمي حطيت يدي عشان ما يسوي حادث في وجهي عدت سلامات ووقع على صدري وجلس يبيني امسح راسه اول مره اشوفه بالمزاج هذا
امسك راس بنت اختي يطالعني ويحرك اجنحته وينزل راسه يعني اتركها ولا بعضك المهم فهمت الموضوع وسايرته, رابع يوم الوالده تكلمني نفس المكان على السرير على طول نزل طيران وطلع فوقي نفس الحركه ما يبيني اعطي اهتمام لاي انثى وهذا الي خلاني اتأكد الان ان طيري انثى, ياجماعة الخير ايش الحل معاها مابي اخسر الحب الي بيننا
لو فيه خطوات معينه ياريت تفيدونا

[رآبت]

مافي خطوات ولا شي

وقابل اهلك برا الغرفه ههههههههههه

يمكن الببغاء مو متعود ع باقي البيت

خلهم يكلمونه وياكلونه يلعبون وياه

عشان يتعود عليهم ولا يغار ..

لو مانفع خلاص مالك الا ترضى بالوضع ..

[هاوي اسود]

متعود ويعرفهم لكن تواصلهم معاه محدود وتواصلها نقول %93 معايا انا
يقولون ما يعرف الطير الا صاحبه, انا تحليلي للموضوع انه يوم جبتها معي لغرفه جديده عليها وعلي فهمت غلط ان ذا عش الزوجيه , لان الصراحه اول مره اشوف طير تنقله من مكان الى مكان وكل علامات السعاده ظهرت عليه اول خمس دقائق من كلام وطيران لاستكشاف المكان, بس ياريت اهل الخبره يفيدونا كيف اتصرف في هذه المشكله

[مهود 75]

مشكلتي طيري كاسكو يغار لما امسح

على طير تاني الي عندي ويعصب

بس اتنينهم كاسكو عادي

بس انت مشكلتك غريبه وحلوة بنفس الوقت