منع ركن الزغاليل على البيوت

[روز فيشر]

بســم الله الرحمــن الرحيـــــم

لو زغاللنا ركنت أو وقفت أو غوت تقف على بيوت الجيران أو أنته تيجى تنشهم تكرشهم تطيرهم

يروحــوا يجروا يطيروا ويحطوا ينزلوا على سطوح جنبك بتاع جارك .....

كيف منع زغاللنا من هذه المشكلة لأنها لو تكررت فى الزغاليل سيتعودون على ذلك الركن

ويعلموه لأجيال وللزغاليل الصغيرة التى فى بداية الطيران التى تطلع على سقف الغية الداير

وبذلك لا يمكنك تطيير زغلول واحد بطريقة سليمة او صحيحة وكل غواي ومربيين الحمام يكونون وقت

العصر بتطيير حمامهم وأنته واقف مهموم ومحسور وعندك زهق من الحمام وسنينه

حل الموضوع ده ياجماعة أيه...؟

الحل فى بداية الأمر اول ما زغلول يعمل عندك كده من زغاليلك ويسيب الزغاليل وهمه طيرين وينزل

على سطح بيت أولا الزغلول اللى عمل الحركة دى تقفله يومين وماتفتحهوش وسط

الزغاليل تانى وبعد يومين ساعت المغرب وزغاليلك على الغيــة أفتح عليه يقف معاهم فوق الغية

وبليل أقفله معاهم فى السلاكة أو المسطبة أو المكان اللى بتجمع فيه الزغاليل أخر اليوم

والصبح طبعا بتفتح على الزغاليل .. أوعه تفتحه معاهم أفتحهم وسيبه مقفول

وأخر النهار برضه والحمام على الغية ومش هتطيرهم تانى أفتحه .

أنته بتعمل معاه كده ليه..؟

عشان تنسيه الهبل اللى كان بيعمله وتلفله راسه وتخليه يعقل

طيب وبعدين .... الزغلول ده تعمل معاه كده لمدة أسبوع ومتنشهوش خالص هيه أخر النهار بس

هتلاقيه بيرفرف وسط الزغاليل وعاوز يطير ويقوم ياخد لفة وينزل ...

طيب خلصت الأسبوع أعمل ايه ... ؟ تمام تطير حمامك عادى وهوه مقفول وأخر لفتين للزغاليل

بتاعتك بتاعت أخر النهار المغربية تسيبه على سقف الغية وتنزل الزغاليل وتديله كرشه او نشه او

تطييره معاهم هيلف معاهم وهينسه المركن ده خالص.

طيب كده كويس أوى وشكرا وتمام والزغلول بطل يركن خالص وبقه مع الزغاليل عادى وبيروح وبيجى

عادى طيب لو عمل كده تانى وركن تعمل أيه بص بقه ياصديقى لو عمل كده تانى تاخده

وتبيعه ومتخليهوش عندك تانى ده هيبوظلك حمامك اللى أنته تعبت وعملته وصرفت عليه وكلفته

طيب لو الزغاليل عندك بتركن كلها

تعمل ايـــــه...؟ بص هيه هيه الطريقة يتفتحوا على سقف الغية جعانين أخر ضوء النهار كل يوم

لحد ماتنسيهم المركن ده أسبوع وتطيرهم فى أخر ضوء الشمس وشطرتك ماتخليش رجلهم تروح

على المركن وكل يوم قدم ميعاد فتحهم 5 خمس دقايق على مايوصلوا للعصر هتطيرهم هيكونوا

نسوا المركن خالص ومن الغية للجو ومن الجو للغية .

_ الأطاله للأستفادة .. وبأسف على الأطاله

[علي طه البصري]

عليكم السلام
موضوع جيد عاشت إيدك

[النسر عمر محمد]

السلام عليكم بس بدل ما تبيع الزغلول إتبع معاه نفس الطريقة إلي هتتبعها مع كل الزغاليل لو ركنوا تقبل مروري

[روز فيشر]

كلامك مظبوط الله ينور بس الصراحة بالنسبالى الزغلول اللى بيعمل كده بفتحه اسبوع بليل جعان وسط الزغاليل على الغية بس اخر النهار من غير ما اكشه او انشه وبعد اسبوع ببتدى ازوقه معاهم وانشه لما الدنيا تمغرب ومش بيروح يركن بيخاف يروح فى الظلمه وكده اسبوع بعد كده بطيره معاهم العصر بس مش بفتحوا معاهم الصبح او بالنهار ولو ركن فى الظلمة ببيعه . وشكرا