الجرو فى كل مراحلة وكيفية التعامل معة 2

[pepo 1]

بسم الله الرحمن الرحيم

الموضوع (منقول ) مع التعديل الشخصى
انا النهاردة هتكلم على القسم الثانى من موضوع الجرو فى كل مراحلو و كيفية التعامل معة والى مشافش القسم الاول احب ااولو اتفضل هتستفاد ان شاء الله : http://www.2zoo.com/vb/showthread.php?t=339954
و دلواتى هنتكلم عن القسم الثانى و الذى يتحث عن

كيفية التعامل مع الجرو

هبدأ الاول بشوية نصائح كدة و بعد كدة هنتكل على المشاكل و حلولها و كيفية التعامل مع الجرو
1 اذا لم تقم بتدريب كلبك على المبادى السليمة من البداية فعليك ان تتحمل مايسببة لك من اذى
2 يجب ان يعاقب الجرو على الجريمة وفى نفس اللحظة وليس بعدها ولو بدقائق لانة لا يستطيع الربط بين الحدثين
3بعض الجراء مغرمة بسحب الملابس والشرابات الى داخل صندوق نومها فهذة عادة سيئة يجب تانيبة عليها
4 لا تعود كلبك النوم معك على السرير
5 لاتعود كلبك ان ياكل معك على المائدة فهذة عادة سيئة
7الثناء على الكلب لايكون بسحب زيلة او شد اذنة ولا سيفهم الثناء بطريقة خاطئة
8 الكلب شريك فى اللعب وليث لعبة يعبث بها الاطفال
11عود جروك دائما سماع صوتك حتى يعتاد عليك ويزداد تعلقة بك

و الان نتكلم على كيف التعامل مع الجرو و المشاكل التى يسببها و حلولها

اولا تبول الكلب فى مكان غير مرغوب فية

الحل

وهذة فعلا هى المشكلة الغالبة الذى يشتكى منها الكثير من الناس ولاكن باذن الله مفيش مشكلة الموضوع كلة يعتمد على الصبر والحكمة طبعا مش هنضرب الجرو لان ضرب الجرو دة اسلوب خاطا تماما لاكن الكلب بالرغم من انة مبيفهمش معنى الكلام حرفيا ولاكنة يدرك تماما نبرة الصوت فيكون عقابة بهذة الطريقى يعنى تنهرة بقوة تخلية يخاف من صوتك ويفهم ان اللى عملة غلط ولاكن المعلومة اللى انا عاوز اضفها واللى الكثير ميعرفهاش ان انا مادرش اعمل اى نوع من العقاب الا ساعة ماشوفة متلبس بغلطتة ولاكن اذا مر على غلطو ولو بضعة دقائق وعاقبتة فهو مش هيفهم انت بتعاقبة لية والمشكلة لو كان عمل اى حاجة كويسة يستحق التقدير عليها هيفتكر انك بتعاقبو عليها وهذا طبعا يستوجب ملاصقة الجرو فى ايامة الاولى علشان نرسم الاساس اللى هيمشى علية الجرو بعد كدة طبعا احنا كدة اتكلمنا على اسلوب العقاب اذا شفتة متلبس لاكن الافضل طبعا انك تعمل احتياطاتك قبل الفعل يعنى تنظم مواعيد اكل الجرو وفى الغالب لما هتنظم مواعيد اكلو هيترتب علية تنظيم مواعيد اخراجة فبعد متاكلة وتشربة خذ الجرو للمكان اللى انت عاوزة يخرج فية ومتخرجوش من المكان دة الا لما يقضى حاجتة وبتكرار الفعل هيتعود عليها الجرو ومش هيقضى حاجتة الا فى المكان دة بعد كدة وفى طريقة ثانية ودية طريقة بصراحة انا سمعتها من احد اعضاء المنتدى بس نفعت مع كلب واحد صحبى انك تجيب كرتونة وتشربها من بولة وبعض برازة وتحطها فى المكان اللى انت عاوزة يخرج فية فهو بطبعة هيروح مكان رائحتة القديمة وبالتالى هيكون تعويدة اسرع ودة بالنسبة لاول مشكلة

ثانيا تدمير الكلب لادواتك او اثاث منزلك

الحل

الكلب فى الغالب بيعمل كدة لغيرتة عليك ورغبتة فى شد انتباهك لة او لتركك الكلب لوحدة لفترات طويلة فبيكون ذللك تعبيرا عن تضايقة منك وتنفيسا لطاقتة وهذة العادة السيئة يجب تعويد الكلب منذ ايامة الاولى على عدم فعلها لانة اذا كبر على ذللك فصيصبح تغيرة اكثر ارهاقا فيجب ان يتعود الجرو من صغرة ان صاحبة سيخرج لفترة من الزمن ثم سيعود لة ولاكن الذى يحدث ان الجرو فى ايامة الاولى يحاول اعتراضة على هذة المعاملة ويجب على صاحبة ان لا يصغى لندائة مهما كان فيعرف الجرو بان لا فائدة مما يفعلة ولا امل لة الا انتظارك فى سكون حتى تاتى لة اما اذا تطور الامر وبدا يكسر فى اثاثاتك فاتركة فى مكان مغلق مثلا غرفة مغلقة لا يوجد بها الا العابة او خشبة او عظمة كبيرة يلعب بها وبعد ذالك سيعرف ان هذة هى ممتلكاتة فقط المسبوح اللعب بها

ثالثا لعب الكلب بعنف مع صاحبة او استقبالة دائما بالوثب علية تضايق البعض

الحل
هذة العادة فى الغالب بتكون فى عمر الشهرين الى الثلاثة كما ذكرنا وهو يفعل ذللك على سبيل اللعب ولاكن لابد ان تحسسة انة يضايقق كما ذكرنا بنبرة صوتك ويكون الامر لة بلا بصوت قوى وصريح وواضح دون اى هذار وفى الغالب العادة دى بتروح لما الجرو بيكبر شوية ولاكن يجب ان يعرف الجرو ان هذا اللعب غير مسموح بة اما بقى هناك مشكلة اخرى سمعتها وهى استقبال الكلب لصاحبة دائما بالوثب علية والعادة دى بضايق ناس كتير ولاكن حلها سهل مينفعش تنهر الكلب جامد فيها لانك لازم تحسس الكلب انك بتكون سعيد بوجودة جانبك دائما فانت ممكن لما يجى يشب عليك قلة لا بصوت واضح وانزل انت لة وحية وطبطب علية وبتكرار ذلك الفعل الكلب هيفهم ان التحية لا تكون بالوثب عليك و بكدة ان خلص الموضوع و ملحوظة مرة اخر يا جماعة الموضوع دة منقول ولاكن انا عدلت فية حاجات كتير و ارجو ان يعجبكم و ان تستفيدو شكرااااا ارجوا الرد

[Eiman,Do]

تسلم ايدك ع الموضوع المفيد 👍

[Eiman,Do]

تسلم ايدك ع الموضوع المفيد ��

[pepo 1]

تسلمى يا اختى واتمن ان يكون الموضوع عجبيك و اتمنى ايضا قراءة الجزء الاول من الموضوع http://www.2zoo.com/vb/showthread.php?t=339954