التزاوج بين الحمام

[احمد شندى]

يجب ان تفرق صديقي العزيز بين الشبابات وبين الحمام الكبير
عن طريق العشر وملامح الوجة وهكذا
ومن بعض المشاكل القائمة
الدكر مش بينطق؟؟؟؟
دة بيرجع ان المكان جديد علية او الدكر طبيعتة كدة ومش لازم يبقي الدكر جامد وماحصلش علشان يفرخ فية حمام بيبقي هادي بطبعة وبيفرخ كويس جدا وانا احب اوصف الحمام انة زي البشر صفات وطباع وشخصيات ومش اي حد يلاحظ الكلام دة

طيب احنا قدامنا دلوقت الدكر والنتاية وعاوزين نولفهم ع بعض
مبدئيا الدكر بيبقي مرتبط جدا بعشة وبيدافع عنة ف اول حاجة يجب انها تتم انك تاخد الدكر ع عشة
ببساطة شديدة هاتحطة ف العين بتاعتة وياريت تكون مقاسات الفرخ العادية 60*60 ف ارتفاع 45 مثلا وتسيبة ف العين مدة لا تقل عن اسبوع وفية دكور بتبقي طبعها كويس وبتاخد ع المكان ف فترة اقل .وطبعا ف الوقت دة النتاية بتبقي محبوسة ف عين تانية لوحدها يا اما ف العين المجاورة للذكر او ف عين بعيدة ... طب بنفصلها لية ؟؟؟ علشان تزوف يعني اية ؟؟؟ علشان تطلب انها تتجوز

فات الاسبوع ويتم وضع النتاية للدكر ف العين بتاعتة وبسم الله الرحمن الرحيم
يبدأ الذكر ف رقصة التزاوج ويجري وراء انثاة وف اثناء هذة الفترة حضرتك مراقب الحمام لان ممكن الدكر يضرب النتاية ضرب جامد ف هاتشيلها من عندة وعلشان كدة فية ناس بتفضل تحطهم ف بابين جنب بعض علشان ياخدوا ع بعض .... زي ما قولنا لاحظ الحمام كويس ولو ضربها هاتشيلها وتحطها ف العين ال جنبة يومين وترميهالة تاني

من المشاكل
الدكر مش راضي ياخد النتاية ؟؟؟
ودة بيرجع ان الدكر شايف حمام كتير قدامة ف بالتالي مشغول بالحمام او مشغول بالهروب من العش وناسي النتاية ف هذة المشكلة هانجيب قفص يكون كبير شوية وهانحط الدكر زي ما قولنا ولا يجب ان يري اي حمام نهائيا طوال هذة الفترة وان شاء الله يتم التزاوج

خلي بالك لو الدكر اخد نتاية عندك قبل كدة وشايفها قدامة مش هاياخد اي نتاية تانية لان الحمام عندة وفاء وحب كبير للطرف الاخر

انا ما اتكلمتش ع الفيتامينات للدكر والنتاية لان دي حاجة ضرورية ولازم الفيتامين اول باول ف هذة الفترة .....

ودمتم بخير

منقووووووووووووووول

[mostafa attia]

الله على هذه المعلومات الجميلة وهى صحيحة 100فى100 مشكور

[احمد شندى]

مشكور على مرورك اخى

[رائد ملكاوي]

يسلموا يا غالي ع النقل

موضوع مفيد يا قلبي

الله يعطيك الف عافية

[متدرب]

شكرا ً جــزيلا اخ احمد


بس فيه نـاس تقوم بوضع الذكر مع الانثـى في مكـان واحد لمدة معينة كي يتم التآلف بينهم

ولكن اعتقد ان طريقتـك افضــل .. ^_^

[احمد شندى]

اشكرك على المرور اخ رائد ملكاوى والاخ متدرب

[الغوينم]

يعطيكك الف عافيةة ,واصل ابداعك المتميز

[احمد شندى]

هوا الطريقة انا قلتها دى لها ميزة وهيا ان يتعرف الدكر على االانثى ولا يرى غيرها من الحمام فعند وضع الانثى لة وبخدو بعض على طول انما لو حطينا الادكر والانثة على طول لبعض من غير تجهيز ممكن تكون الطير غير جهزة للتزاوج والدكر جاهز للتزاوج عندها يحصل صراع بين الذكر والانثى ويادى الى جرح الانثى جروح شبة بيغة ةتحتاج لوقث حتى تعافا

[alooy 2000]

مشكور اخوية على المضوع