الي عنده خبره بالكروان والسوق يدخل

[قرقاص]

السلام عليكم ورحمة اللهه وبركاته

انا ابي اشتري كروان هولندي وايت فيس يقولون انه ماينتج كثير واذا انتج ياخذ راحه كم شهر

وابي اشتري من سوق الحمام بس ابي اعرف كم اسعارهم كل نوع اذا كان منتج او غيره

ابي اعرف نوعه يعني اذا كان يغرد او حار او اذا كان مغشوش

وش اكثر نوع ينتج ويغرد

وش رايكم اذا حطيت هولندي ذكر واسترالي انثﯼ

كم ينتج

وكل نوع كم ينتج مره بالسنه وكم بيضه

وابي نصائح كثيره ابي اذا شريته ماندم

[الكادي هواها]

ينقل القسم المخصص له

[زياد2015]

ان شاء الله الأعضاء يفيدونك.




مع تحياتي
زياد2015

[abo_hazm]

اولا عليك بشراء زوج مضمون الانتاج وراح يكون غالي السعر حبتين اذا كان انتاجه مخصب دائما

ثانيا انصحك شخصيا بإقتناء طفرة المصبغ او الفراشة او اللوتينو لانها اجمل الالوان بالكروان

بالنسبة للاسعار راح تحتسب على حسب الزوج وقوة انتاجه + طفرته + نوعه

اولا : النوع الباكستاني : اسعار الازواج المنتجة منها من 350 الى 750 بالكثير

ثانيا : النوع الوايت فيس : اسعاره تبدا من 800 وتنتهي الى 1000 وشوي


اختيارك للطفرة :

الطفرات تختلف اسعارها من ناحية جمال الطفرة وايضا حجم الزوج اذا كان طويل ولا قصيز هذي من الاشياء المهمة اللي تتحكم بالسعر



قوة انتاجه :

راح تحصل بالسوق ازواج تنتج بيض مخصب وازواج تنتج بيض غير مخصب

وهذي عن هذي تختلف بالسعر

وايضا يعتمد السعر وارتفاعه على حرارة الذكر وتحضين الانثى واستجابتها بشكل مكثف
للاعتناء بالصغار الى مرحلة الفطام وتطعيمهم لها

عموما الطفرات القوية واللي انتاجها مضمون راح تحصل اسعارها من 1000 وانت طالع

الطفرات العادية واللي انتاجها مضمون ايضا راح تحصل اسعارها بين 700 وانت طالع

الزوج اللي ينتج بيض غير مخصب راح يكون بحدود 400 الى 500 وتصل 600 على حسب الطفرة والنوع

المعايير مشتركة والسعر يختلف مابين معيار وآخر

وايضا اهم شي تعرف العوامل للزوج المضمون والغير المضمون.. عشان تقدر تفرق بشكل عام

انتظر باقي الاعضاء يفيدونك اكثر مني

والله ولي التوفيق

[قرقاص]

وشلون اعرف اذا انتاجه مضمون

وشلون اعرف قوة انتاجه

وشلون اعرف اذا انتاجه مخصب

وشلون اعرف حرارة الذكر وتحضين الانثى

واي نوع يتحمل حرارة الصيف

[abo_hazm]

المشاركة الأصلية كتبت بواسطة قرقاص

وشلون اعرف اذا انتاجه مضمون

بوجود عدد البيض داخل البياضة


وشلون اعرف قوة انتاجه

ايضا من خلال عدد البيض اللي انتجه قبل كذا والبائع خير دليل

وشلون اعرف اذا انتاجه مخصب

اذا كان عمر الزوج فوق سنتين واذا كان سعر الزوج مرتفع قليلا

وشلون اعرف حرارة الذكر وتحضين الانثى

حرارة الذكر تعرفها من خلال عدد مرات تلقيحها للانثى واستمرارية التلقيح

واي نوع يتحمل حرارة الصيف

اخي الكريم الكروان ليس حمام عشان يتحمل حرارة الصيف

الكروان بصفة عامة بيئته معتدلة جدا بين درجة حرارة 26 او 27

فإذا تعرض للحرارة فإنه لايستطيع الانتاج فيجب توفير درجة الحرارة المناسبة للكروان لكي يتم الانتاج

وايضا ليس هناك علامات شكلية للذكر المنتج الحار

وليس هناك علامات شكلية على الانثى انها منتجة

فقط استعن بالله وتوكل والله يرزقك بالزوج الطيب