قطيتى بتاكل عيالها اعمل ايه بسرعه ؟

[dr.manal]

لو سمحتو يا جماعه انا قطتى لسه والده امبارح و هى كانت ولاده صعبه الى حد ما هى ولدت الكيتن الاول عادى جدا بس منزلوش المشيمه و فضل ماسك فى مامته فاخويا راح قاصصله الحبل السرى و بعدين قعدت بتاع ساعه و راح منزله العيل التانى بالمشيمه عادى و غابت شويه لحد ما فى تالت واحد لقناه اتحشر فى قناه الولاده و مات و فضل متعلق فنزلناه براحه لاقناه ميت بس المشيمه بتاعته منزلتش و القطه كلت المشيمه الى نزلت بس رجعتها تانى و كمان ريحه البراز بتاعها مش حلوه و دلوقتى فى مشيمتين لسه فى بطنها مش عارفه الدكتور بيقول سبوها 36 ساعه بس انا خايفه عليها و كمان بقى المشكله الكبيره الكيتينين الى عايشين سعات ترضعهم عادى و سعات ترضع واحد و تضرب التانى و دلوقتى بقت بتعض الاتنين انا خايفه اسيبهم معاها لوحدها و خايفه بردك ابعدهم عنها ليموتوا مش عارفه اعمل ايه يا ريت حد يرد عليا بسرعه هى ليه بتعمل كده
مع العلم ان نوعها بيكن فيس و متجوزه من مون فيس و دى او ولاده ليها عندها دلوقتى سنه و كام شهر

[Octopus]

بالنسبة ل ضرب الام لصغارها يعتبر غالبا شي عادي

و لكن حاولي ترضعين الكيتن بنفسك او تاكدي يمكن في كيتن اخر داخل بطنها و لكن في شي اخر هل اخوكي قص المشيمة بالطريقة الصحيحة او لا

[dr.manal]

طب اعرف ازاى ان فى حاجه فى باطنها ولا لاء ؟

[شاهستا]

اهلا بيكى

لو فى مشيمه فى بطنها كدة خطر عليها لان هيحصلهم تعفن وبالتالى تتسمم القطه

ضرورى تروح لدكتور عنده سوونار ويعملها سورنار ويشوف فى حاجه فى بطنها او لا

ولو القطه بتعض الكيتن جامد هنا يبقى فى مشكله

لانهم فى العمر ده الام بتكون لطيفه جدا معاهم وبتلحسهم بس مش بتعضهم

[azoz12331]

اذا انتي متاكده من عدم نزول المشيمه .. فضروري تروحي البيطري لانه ممكن تتعفن في بطنها وتتطلب استئصال للرحم ..

[الحمداني 2]

تدارك الأمر بسرعة يجب أن يقوم الطبيب البيطري المحترف بفحص وتشخيص ما إذا كانت المشيمة موجودة في رحم القطة أم لا


نعم تقوم بعض القطط بأكل أو قتل أبنائها في حالة شعورها بالقلق أو الخوف من كثرة من ينظرون إليها أو كثرة الملامسين للهررة

شخص واحد وهو الأقرب لها يمكنه التقرب منها والتواجد في الحجرة للضرورات فقط ، بعكسه دعوها مع هررتها لوحدها ووفروا لها الماء والطعام المنتظم دون إزعاج

تحياتي