عندي كم سؤال عن الاغوانا

[ساركو]

السلام عليكم والرحمه وبركاته

شحالكم عساكم طيبين

ندخل بالموضوع على طول
هذي صور ة اللاغوانا هل هي ذكر ولا انثى


الاغوانا غيرت جلد راسها من شهر وباقي جسمها لحد الحين ما غيرته شو السبب هل هذه طبيعي

وكل ما ادخل ايدي داخل قفصها تشرد والحين عندي من ثلاث شهور وكل يوم اشيلها بس ماشي فايده

وآبآ نصآيحكم عن الاغوانا

ومشكورين والسموحه منكم

[|| PyTHoN ||]

صعبه احكم بصوره و خصوصاً صغيره
لكن يبين الفرق لما تكبر الدائره بالخد أكبر و أوضح و الشوك يبرز لو الذكر
و العكس للأنثى تكون الدائره أصغر و اقل و حجمها أصغر ..

هل وقت التبديل درجة الحراره و الرطوبه كانت منتظمه و مضبوطه ؟

لو لا فهذا السبب , بالنسبه للقفص ما نقدر نفيدك ، انت شوف وين المشكله
و ضبطها لو فتحه او غيرها سكرها ..

بالتوفيق

[ساركو]

مشكور اخوي بايثون

درجه الحراره مضبوطه بس درجه الرطوبه ماعرف لان مقياس الرطوبه ماحصلت منه فمحلات الحيوانات
بس انا ارشه بخاخ الماي ومحطي شلال فالقفص

انا قصدي اناه ماتباني امسكها يعني من ثلاث شهور عندي وكل يوم اشيلها الا الحين تخاف مني

مشكور اخوي

[|| PyTHoN ||]

و هاذي المشكله ، مشاكل تبديل الجلد تكون سببها عادةً
الرطوبه المنخفضه الجلد المتقشر يكون جاف و ما تقدر تشيله
من نفسها ، عالعموم سبحها بماي دافي و بيطيح كله ..

بالنسبه لخوفها ;
اممم يعني عادةً ما تاخذ شهر الا و تتوالف

حاول انك تمسكها شوي شوي مو غصب , لأنه ممكن تخاف
من طريقتك و كثر ما تسويها بتخاف منك اكثر ، حاول توكلها
من ايدك بعد و مع الوقت انشالله بتتعود عليك

[ساركو]

هلا اخوي بايثون

مشكور اخوي

يعني كل يوم اسبحها او كل يومين

انا يوم احط لها صحن الاكل ماتاكل الا اذا طلعت برع الغرفه ويوم ادخل اشوف بحلجها الاكل بس ماتتحرك لازم اطلع برع الغرفه عشان تاكل مادري شوسلفتها

وسموحه منك اخوي تعبناك ويانا

[|| PyTHoN ||]

عادي مو مشكله ، انا اقصد هالفتره عشان الجلد الي عليها يطيح ,

عالعموم اهي للحين أعتقد خايفه لي صار وقت الأكل حطي الأكل و أقعدي
شوي بعيد عنها لكن تشوفك و لا تتحركين و اصبري حتى لو ساعه

ما رضت خلي اكل شويه يسد جوعها بس و شوي شوي انشالله بتتعود
لكن تذكري " يسد جوعها " !

بالتوفيق

[ساركو]

مشكور اخوي بايثون جزاك الله الف خير و مشكور ماقصرت

سموحه منك يالغالي