القطه حامل وعندها اسهال

[بكبوزه]

السلام عليكم ورحمة الله وبركاته

[COLOR="Purple"][SIZE="4"] انا اول مره اربى قطط بس الحمد لله دلوقتى عندى كوكى القمر هى عندها 9 شهور واتجوزت

من 34 يوم المفروض انها حامل بطنها كبيره شويه ومطلبتش الجواز تانى وعلطول نايمه ومش عاوزه

ومن حوالى اسبوعين نفسها مفتوحه على الاكل ما شاء الله بس من حوالى 9 ايام رجعت اسفه

فى الوصف زاى ميه صفراء ولقيت فيها ديدان طويله ورفيعه وتانى يوم عملت حمام وبرضو كان فيه

دوده وبعدها بيومين لقيت دوده تانى فى البيبى وبعدها بيومين لحد دلوقتى عندها اسهال اول يوم

كانت بتعمل حوالى 5 مرات فى اليوم ولونه اصفر فاتح ورحته وحشه بس اديتها دواء انتينال شراب بتاع

بتاع الاطفال وفى النشره مكتوب انه امن فى الحمل الاسهال خف شويه يعنى بقى حوالى 3:4

مرات وبقى فيه زاى مخاط بس كانت بتاكل طبيعى بس مهبطه ومش بتلعب خالص حد قالى

اديها ميه بالنشاء حبتها بس برضو مخفتش وكمان اديتها زبادى بالنشاء اكلت وعجبها ونفس

انا وقفت الدواء خايفه عشان الحمل هو دلوقتى الاسهال قل فى عدد المرات والوقت كتر بين كل

بس لسه سائل خالص ولونه شويه اصفر وشويه اسود .......... على فكره هى بتاكل اكل البيت

بس هى بتركز فى الطبق على اللحوم والفراخ بس يعنى بتاكل رز او الخضار بالصدفه لو جت فى

حتة اللحمه او الفراخ وكان قبل التعب بتفطر بيض مسلوق بس منعته من لما تعبت باكلها جبنه

نستو بالفينو وبتحب الخيار جدا وبالليل زبادى او جبنه فلمنك او نستو مع الفينو انا اسفه انى

طولت عليكم بس انا اول مره فى حياتى اتعامل مع قطط ارجو انكم تفدونى اعملها ايه عشان

الاسهال يخف ........ ربنا يستر عليكى يا كوكى يا رب

[Octopus]

اول شي انشاء الله تقوم بالولادة

و عادي يا اختي ام كوكى نحن في الخدمة دايما

و المهم و حاولي تستمرين على النشاء مثل مهلبية و لكن بدون سكر لانه مفيد لل الاسهال

[بكبوزه]

جزاك الله خير بس انا خايفه ان الاسهال ده يقصر على نمو القطط فى بطنها وخايفه تكون ضعيفه فى الولاده

[Octopus]

المشاركة الأصلية كتبت بواسطة بكبوزه

جزاك الله خير بس انا خايفه ان الاسهال ده يقصر على نمو القطط فى بطنها وخايفه تكون ضعيفه فى الولاده

يمكن و الله اعلم

و المفروض ان تزوجيها في عمر سنة او 12 سنة

[شاهستا]

اهلا بيكى

طبعا انتى اتسرعتى فى جوازها جدا لان مفروض تتجوز لما تتم سنه

حاليا وقفى عنها كل منتجات الالبان واكليها فراخ مسلوقه وبطاطس مسلوقه ومعاهم رز مسلوق

او مكرونه مسلوقه و هى عندها نزله معويه يعنى لازم تاخد مضاد حيوى

ايموكس لاطفال 2 سم مره فى اليوم ومتخفايش امن على الحمل

اديها المضاد لمده 5 ايام وياريت توضحى هى فيها ديدان لحد دلوقتى ولا عالجتتيها؟

[بكبوزه]

المشاركة الأصلية كتبت بواسطة شاهستا

اهلا بيكى

طبعا انتى اتسرعتى فى جوازها جدا لان مفروض تتجوز لما تتم سنه

حاليا وقفى عنها كل منتجات الالبان واكليها فراخ مسلوقه وبطاطس مسلوقه ومعاهم رز مسلوق

او مكرونه مسلوقه و هى عندها نزله معويه يعنى لازم تاخد مضاد حيوى

ايموكس لاطفال 2 سم مره فى اليوم ومتخفايش امن على الحمل

اديها المضاد لمده 5 ايام وياريت توضحى هى فيها ديدان لحد دلوقتى ولا عالجتتيها؟

شكرا ليكى شاهستا ماما قالتلى كده ان عندها برد جامد انا والله بمشى وراها عشان متنمش على السيراميك

هى الحمد لله مفيش ديدان دلوقتى

[شاهستا]

ابعديها عن اى تيار هوا واديها العلاج ودفيها

وان شاء الله هتبقى كويسه ولو حصل وجالها ديدان تانى

اديلها جرعه دوا بنداكس لاطفال من الصيدليه البشريه 2 سم مره فى اليوم

لمده 3 ايام ومتخفيش امن على الحمل والافضل انك تديلها الجرعه

عشان لو الام عندها ديدان بتتنقل للكيتن

[بكبوزه]

المشاركة الأصلية كتبت بواسطة شاهستا

ابعديها عن اى تيار هوا واديها العلاج ودفيها

وان شاء الله هتبقى كويسه ولو حصل وجالها ديدان تانى

اديلها جرعه دوا بنداكس لاطفال من الصيدليه البشريه 2 سم مره فى اليوم

لمده 3 ايام ومتخفيش امن على الحمل والافضل انك تديلها الجرعه

عشان لو الام عندها ديدان بتتنقل للكيتن

جزاكى الله خير ان شاء الله الصبح هجيب الدواء ويا رب ان شاء الله تخف وتولد بالسلامه انا لسه قصة الولاده ديه

قصه تانى ولا اعرف هعمل ايه معاها ربنا يستر وخصوصا انها هتولد فى البرد تقريبا هيكون فى اخر 12 ربنا يسترها

[شاهستا]

متخافيش هتكون سهله ان شاء الله

انتى جهزى ليها كرتونه كبيره وحطى فيها فوطه او قطعه قماش

عرفيها عليها وسيبيها بس اهم حاجه تكون فى مكان هادى بعيد عن اى دوشه