اقوانتي مريضه .. احد يساعدني

[TAI CHI]

السلام عليكم

احد الأقوانات عندنا ماتت .. امس .. بعد فترة من المرض والهزال .. وكانت ما تأكل وما تتحرك كثير ..

والأقوانا الثانيه .. تعيش لوحدها .. الأولى التي ماتت كانت تعيش في بيت اختي .. والثانيه معي .. والأقوانا الثانيه كمان نفس الشيىء .. جسمها هزيل وما تأكل .. امس واليوم عرضتها للشمس وما اكلت شيىء من ايام .. جالسه طوال الوقت على الجذع في الحوض الزجاجي حقها .. ومسكنها تقريبا 60 * 50 * 40 من الأحواض الخارجيه الجاهزه ..

والله انني قلق بشأنها .. ما تأكل ..

هل هناك علاج لها .. غير انني اشمسها كل يوم ..

هل هناك مركز او محل بيطره في جده لمثل هذه الأمور ..

بالله عليكم .. اذا احد يعرف يدلي على الطريقة ..

على الأقل تساعدوني وننقذها .

وشكرا لكم .

[abdelrhman ahmed]

منا جلتلك قبل كدة العناية بية والاخطاء الي بتقع فيها

و انت ذكرت درجة الحرارة الغير مناسبة و عدم التشميس الا نادر و عدم البخ

والرطوبة لازم عشان جسمها يتمد بالماء لانها غير مهيئة للشرب فتستمد الماء عن طريق الرطوبة + حوضك مرة صغير و كدة عضلاتة تضعف و بالتالي الهزل

و ديها عند بيطري فورا انا زيك في جدة بس ما اعرف اي بيطري فانتا اركب تاكسي و جلو يواديك لبيطري كويس او ابحث علي النت

و طبعا العلاج الاكيد العناية الجيدة هذة ليست بيئة صالحة لحياتها خالص زي ما تودي بشري لصحرا بدون حماية من الشمس و البرد والقليل من الموية والطعام تعطية تخيل شو هيسير فية و التشميس طبعا ما ينفع علاج لواحدة + نستني رد من الاخ باتون لخبرتة

[TAI CHI]

المشاركة الأصلية كتبت بواسطة abdelrhman ahmed

منا جلتلك قبل كدة العناية بية والاخطاء الي بتقع فيها

و انت ذكرت درجة الحرارة الغير مناسبة و عدم التشميس الا نادر و عدم البخ

والرطوبة لازم عشان جسمها يتمد بالماء لانها غير مهيئة للشرب فتستمد الماء عن طريق الرطوبة + حوضك مرة صغير و كدة عضلاتة تضعف و بالتالي الهزل

و ديها عند بيطري فورا انا زيك في جدة بس ما اعرف اي بيطري فانتا اركب تاكسي و جلو يواديك لبيطري كويس او ابحث علي النت

و طبعا العلاج الاكيد العناية الجيدة هذة ليست بيئة صالحة لحياتها خالص زي ما تودي بشري لصحرا بدون حماية من الشمس و البرد والقليل من الموية والطعام تعطية تخيل شو هيسير فية و التشميس طبعا ما ينفع علاج لواحدة + نستني رد من الاخ باتون لخبرتة

اهلا اخي ..

انا من الطائف .. وانت عارف في الطائف ما في عيادات بيطره خاصة بمثل هذه الأمور .. كل البياطره متخصصين في الحيوانات كالأغنام والجمال .. المهم .. امس خرجت الأقوانا من القفص الزجاجي وشربتها بالقوه ماء .. واضفت للماء علاج كنت استخدمه للسلحفاة .. وهي :

REPTISAFE ومكتوب عليه انه يحتوي على كالسيوم .. وهو اصلا مخصص لوضعها في الماء .. حطيت حوالي نقطة او اقل في شرنجة ابر طبيه حوالي 3 مل ماء .. وشربت نصها .. وغيرت مكان الحوض وخليته مقابل الشمس .. يعني في الصباح الشمس تطلع عليها وتشمسها .. ولي يومين .. واشوف اليوم اكلت شويه .. ان شاء الله اهتم فيها كثير .. وجالس افكر انني افصل لها مسكن خاص بنفس الموقع الجديد لأنها المكان الوحيد الشمس تدخل فيه .. راح افكر افصل مسكن خاص للأقوانا :

2 متر * متر * متر

وان شاء الله تزبط معاي ..

تسلم على الرد الطيب .

واكرر شكري

[abdelrhman ahmed]

تهيئلي اني قرئت انك من جدة

الدواء ما في مشكلة منة بل كويس انك حطيتوا لانو كالسيوم من الي يوضع للسحالف البرمائية بالمي بس ما هتفرق سلحفاة من اغوانا من اي زاحف اخر المهم انو كاسيوم مو دواء للمرضي

طبعا الحوض كويس جدا سوي الان عشان تنقذ الاغواانا بس ما تنسي تشتري جهاز الرطوبة يباع ببعض محلات الحيوانات .. بالتوفيق ان شاء الله

[TAI CHI]

اليوم اكتشفت ان اغوانتي رجلها الأمامي الأيمن تقريبا مكسور .. ما ادري .. بس حاسس انها مكسوره .. خرجتها وتفحصتها جيدا .. لقيتها ما تقدر تمشي الا بثلاث ارجل .. والقدم الأماميه ما تقدر تمشي عليها .. تفحصتها بدقه لقيت تقريبا عظمه في رجلها في بروز .. اظن انها كسر .. لهذا المسكينه ما تقدر تطلع وتنزل على راحتها .. وكلما اقرب الأكل لها تاكل من يدي ..

ايش الحل والله ما ادري .. حزين عليها .. وحرام اسيبها كذا ..

ايش رأيكم

[abdelrhman ahmed]

و الله موضوع الكسور هادا ما افهم فية بس اتوقع لازم بيطري بس انتا متاكد يعني شفتها طاحت او في بيتها مكان ممكن تطيح منة

[TAI CHI]

لا . يا عزيزي .. ما طاحت .. بس باين على رجلها عندما تتحرك ماتقدر تثبت عليها تسحبها سحب .. ومنظرها محزن .. كلمت احد المحلات في الطائف محلات بيع الطيور .. قال عندهم بيطري .. قال لي جيبها نشوف ..

ان شاء الله اليوم اوديها .. ويارب يصير خير