هل ببغائك يحب الآخرين أكثر منك •• موضوع للنقاش

[سكر]

المشاركة الأصلية كتبت بواسطة الجوهرة هنادي

مو غريبة منك اخي اسم على مسمى
انا الكوكاتو ترايتون تبعي ما يحب احد ههههههه امزح بس هو تقريبا ما يحب احد لمن اطلعه من القفص يقعد يدور من هنا لهناك بس انا احاول اطلعه على يدي او اتكلم معاه بس ما يعطيني وجه كانني مو موجودة امامه نفس الشيء بالنسبة لباقي افراد العائلة احسه مو متفاعل مع اي احد ياكل ويشرب ويتحرك بس ههههههههه

ياهلا بالجوهرة,, اذا كان ببغائك كوكاتو فطبيعته تحب الاستكشاف في أغلب الأوقات

عشان كذا يهمل الأشخاص ويركز على شي يقرررط فيه

وياحبه في التخريب, طبعاً هو مو تخريب في نظره, لكنها عادة الكوكاتو لازم منقارة يبقة شغال في أي شي

لو توفري له بعض القطع الخشبية الصغيرة في يدك بيصير دائماً يحرص انه يجي على يدك عشان يحصل عليها

اعطيه القطعه بشرط يبقى على يدك, واذا نزل خذيها منه

[هادي الحياه]

المشاركة الأصلية كتبت بواسطة قاهر الايام

يشرفني اني ارد على موضوعك اخوي سكر

وراح اقول لكم تجاربي

طبعا صار عندي اكثر من طير بس اغلبهم ما طولو معاي الا اثنين فراح اذكر لكم واقف هالطيرين

اولا اشتريت طير افريقي غير ممحجل وكان يجعر ويخاف من الاشخاص الغريبه فقط ومع صاحبه كان هادئ وانا شفت هالشي بعيوني يكون هادئ مجرد انه يشوفني يجعر وكان تبرير صاحبه لخوفه كما ذكر لان احد الاطفال قام بنتف ذيل الطير مما سبب له خوف وفعلا اول ما اخذته كان بدون ذيل

المهم الطير بقى عندي تقريبا اكثر من سنه ونص وانا اللي اقوم بكل اموره من تنضيف وتبديل ماي واكل وانا الوحيد اللي كنت اشيله واطلعه لكنه كان ناكر للجميل كان ما يحبني وطول هالفتره كان يخاف مني ولا ادري ليش على عكس مع البيت يكون كلش عادي خصوصا مع اختي الكبيره مع انها ما تسوي له شي وصار لي موقف مره لدرجة اني حسيت بالقهر

جيناه انا واختي واخذت حبة فول سوداني وكان يعشقه بجنون عطيته اياها رماها وما اخذها مني اخذتها اختي عطته اياها اكلها عادي مع اني كنت مهتم فيه ولا اصرخ عليه ولا ارعبه في اي شي مع الايام الطير تكلم عادي يتكلم قدام كل افراد البيت الا انا اذا يكون يتكلم وادخل يسكت وقدام البيت عادي ما كأنه احد موجود

عذراً حبيبنا على الاقتباس, لكن فعلاً نفس المشكلة مع ببغائي الاول بالضبط
كأنك تتكلم عني يارجل
اشتريته افريقي متوحش غير محجل
والى الان تقريباً مضى مايقارب الـ 7 شهور !

انا انصدمت جداً وماقدرت افسر هالشيء, اتمنى من حبيبنا سكر
او معلمينا اصحاب الخبرة, تفسير هالشيء ولو مواساتي على الاقل
طبعاً الكلام والتلقين مني ماعنده فيه مشكلة !
كذلك الترويض على الطلوع على الذراع اما اليد عنده خوف غير طبيعي
في الطلوع عليها
كذلك روضته على المسح على الظهر

ومايهتم فيه الا انا في تغيير الاكل والمويه وتنظيف القفص والاستاند كل الفترة هذي
لكن ارجع للحقيقة المرة
في انه يكرهني! كذا فسرتها !

*قلبتها رواية رومانسية

بالتوفيق لكم جميعاً حبايبي

[هاني25]

موضوع جيد للنقاش

بالنسبه للكاسكو اللي عندي كنت اخلي القفص مفتوح له يطلع ويتمشى في كل مكان ويرجع القفص ولاحظت عليه شيء غريب اشوفه احيانا خامل جدا تقول متملل لكن اذا سمعت صوت اطفال ولا ناس مجتمعه عندي في المقلط ماشاء الله تقول مو هذا الكاسكو اللي عندي اصوات عجيبه تصافير كلام ماشاء الله عليه وهذا طبيعه الكاسكو اللي عندي وايضا اذا جاء يقرب من عنده رجال او شخص كبير يجعرررر بشكل جنوني اما اذا جا عنده الاولاد تقول حمامه ماشاء الله

بالتوفيق

[سكر]

المشاركة الأصلية كتبت بواسطة هاني25

موضوع جيد للنقاش

بالنسبه للكاسكو اللي عندي كنت اخلي القفص مفتوح له يطلع ويتمشى في كل مكان ويرجع القفص ولاحظت عليه شيء غريب اشوفه احيانا خامل جدا تقول متملل لكن اذا سمعت صوت اطفال ولا ناس مجتمعه عندي في المقلط ماشاء الله تقول مو هذا الكاسكو اللي عندي اصوات عجيبه تصافير كلام ماشاء الله عليه وهذا طبيعه الكاسكو اللي عندي وايضا اذا جاء يقرب من عنده رجال او شخص كبير يجعرررر بشكل جنوني اما اذا جا عنده الاولاد تقول حمامه ماشاء الله

بالتوفيق

يامراحب بهاني نورت ياعسل

يعني ببغائك اجتماعي درجة اولى

وحاط في باله ان اللي حجمه كبير يعتبر مصدر خطورة, أما اللي حجمه صغير مثل الأطفال يعتبر مصدر أمان او على الاقل يقدر يتفاهم معاهم

[الكاسكو الأفريقي]

نعم كانت ابي اروضه ولكن كلما اجي اروضه يجعري ولم يجي ابوي ما يجعر كثير ولى يصيح

[سكر]

المشاركة الأصلية كتبت بواسطة الكاسكو الأفريقي

نعم كانت ابي اروضه ولكن كلما اجي اروضه يجعري ولم يجي ابوي ما يجعر كثير ولى يصيح

بالضبط هذا اللي يصير في الغالب اذا كنت تروضه

سبحان الله يصير الببغاء يميل للشخص اللي يشوفه بدون ما يستخدم اساليب الترويض

طبعاً هذا في فترة مؤقته مو شرط تستمر

[هديل2000]

لا الحمدلله انا نوستي متعلقه فيني بس تسولف مع اهلي كلهم كانت فوق القفص ..وبالذات واحد من اخوااني تقوله بابا واول ماتشوفه تناديه بابا حبيبي وهو يجلس يسولف معهااا وتسولف معه اكثر واحد بعدي طبعاااا ...

بس الاكثر متعلقه فيني لدرجه اني ازعل منهاا اوقات واقولها روحي عني تزعل وتجي تدخل في حظني ماتخليني وتمسك يدي ...وتعطيني بوسااات الين ارضى ...واول مااصحى من النوم وتسمع باب غرفتي تجلس تصفر وتنادي عليه حبيبي حبيبي الين اجي عندهااا...

[سكر]

المشاركة الأصلية كتبت بواسطة هديل2000

لا الحمدلله انا نوستي متعلقه فيني بس تسولف مع اهلي كلهم كانت فوق القفص ..وبالذات واحد من اخوااني تقوله بابا واول ماتشوفه تناديه بابا حبيبي وهو يجلس يسولف معهااا وتسولف معه اكثر واحد بعدي طبعاااا ...

بس الاكثر متعلقه فيني لدرجه اني ازعل منهاا اوقات واقولها روحي عني تزعل وتجي تدخل في حظني ماتخليني وتمسك يدي ...وتعطيني بوسااات الين ارضى ...واول مااصحى من النوم وتسمع باب غرفتي تجلس تصفر وتنادي عليه حبيبي حبيبي الين اجي عندهااا...

في نظري النساء أكثر قدرة على تدريب الببغاوات وتوثيق العلاقة معها
لكنهم للأسف ما يستغلون قدرتهم هذي الا قليل

والسبب في البراعه هو لطفهم ورقتهم في التعامل مع الببغاء مو مثلنا نلعبهم العسكري والحرامي

[عبدالله.q8]

لا

لانه انا الي انظف القفص مرتين باليوم وابدل الماي والاكل مرتين باليوم وانا الي اهتم فيه واطلعه برا البيت واتمشى فيه وفي بعض المرات اقعد عنده واسولف معاه لا تضحكون ههههههههه

[سكر]

المشاركة الأصلية كتبت بواسطة عبدالله.q8

لا

لانه انا الي انظف القفص مرتين باليوم وابدل الماي والاكل مرتين باليوم وانا الي اهتم فيه واطلعه برا البيت واتمشى فيه وفي بعض المرات اقعد عنده واسولف معاه لا تضحكون ههههههههه

هههههه جميل انك تقضي وقت كافي مع الببغاء وتلاعبه
وانا مثلك دائماً اسولف مع الببغاء ويفاجئني أحيانا بردود تضحك


زي مثلا اكون مبسوط وأقول له (ميزو ليش توسخ؟)

لكنه يفاجئني ويقول (هاه؟) خخخخخخ

طبعاً انا متأكد انه مايدري وش السالفة بس جات مصادفة