آشتريت زوج بلابل وآنتظر نصائحكم !!

[osama ahmed]

السلام عليكم ..
صباح الخير..
آشتريت لي زوج بلابل صغار .. وآنا من زمان ودي فيهم
ونوعه هو آبيض الخدين
نصيحتكم في كيفيه التعامل معه في البدايه
وهل التكييف البارد يضره.. والحراره تضره ؟؟
ومآهي آفضل الطرق للتعامل معه ليكون متفاهم معي..
آنتظر نصائحكم

[صغير البلبل]

وعليكم السلام ورحمة الله وبركاته

اولا عالبركه..الله يبارك لك فيهم
___
الكييف يظر الطائر....حراره معتدله متوسطه...
+

ممكن صوره للزوج

[كناري وبلابل]

الف مبروك أخي اسامة هذا الزوج من الطائر الجميل
لا متعة تعادل متعة تربية البلابل إلا تربية المينا بالنسبة للطيور

بس أخوي تقول صغار ياليت لو تعرف كم عمرهم أو تحط لنا صورة
هل يأكلون نفسهم أو لا؟
إذا ما يعتمدون على انفسهم بالأكل ففرصة توالفه معك تعتبر كبيرة جدا جدا

بالنسبة للجو المعتدل طبعا أفضل وإذا ما فيه فالجو الحار أفضل عند البلبل من البارد لكن الأفضل منهم كلهم المعتدل وأبعدهم عن التيارات الهوائية

[osama ahmed]

هل آقدر آولفهم بسهوله ف العمر ذا
لان قريبي قال لي صعبه لازم يكون فرخ عشان يولف بسرعه
وهل الافضل آني افصلهم عن بعض ..لاني مابيهم يبيضون وكذا ابي واحد اربيه لحاله ويتعود علي
..آعطوني رآيكم !!
احسهم ذكر وانثى لان اليوم شفت واحد منهم ينقر خشم الثاني بملاطفه كذا والثاني قاعد مايسوي شي يتودد له يعني

[osama ahmed]

يآخوان 49 مشاهده
ومآحد يرد
والله آحبطتوني
وآنا اللى ناوي اكون معكم عضو فعال

[كناري وبلابل]

أخوي أسامة هذي بلابل بالغة ماهي صغار مثل ما توقعنا

يمكن صغار بالحجم شوي لكن تعتبر بالغة وفي موالفتها شيء من الصعوبة

كلام قريبك صحيح لازم البلبل يكون تربية منزل أو تاخذه صغير علشان يكون اليف وغير كذا تعتبر حالة نادرة وصعبة

إذا تبي تغريدهم يكون بشكل متزايد أفصلهم عن بعض لأنهم بيكثر بينهم النداء لبعض بالتغريد

[صغير البلبل]

للاسف واضح انها كبيره شوي

ليست كبيرة لكن بالغة

يعني من الصعب جدا انك تروضه


لكن ابحش عن طرق ترويض البلبل المتوحش