husky cancer ?

[husky man]

السلام عليكم والرحمه

يا اخوان انا مالي الا شهرين مشتري كلب هاسكي انثى عمره سنتين ونص اشتريته من واحد اعرفه زين بس قبل اسبوعين بدات تبان عليه اعراض غريبه اولها سقوط الشعر بغزاره يعني امتلا البيت كلاه شعر شي موب طبيعي وديتها للبيطري وانا ما كان عندي خلفيا عن البيطريين وقالي انت تاركها بالشمس وانا والله ما اطلعها بالشمس الا ساعه بالنهار بس عشان تتمشى وما تحس انها محبوسه و بعدها ما صرت اطلها ابد الا باليل بس الوضع كان يزيد سوء وبدت تنحف بشكل موب طبيعي وما تاكل الا قليييل مره باليوم بعد وتاكل الميت جركي مدري وشو وبعدها وديت لطبيب ثاني قالي شعرها موب مشكله بس النحف وفلة الاكل وعطاها موضاد الدود وكلش وهي اصلا مطعما ضد الدود بس بعدها ما انحلت المشكله قالو لي فيه عياده كويسه اسمها ... مدري وش المهم رحت لها البارح وقالو على كلامك لازم نسوي تحليل ونشوف وين المشكله قلت اوكيه وسوو تحليلن مدري وش قالت اسمهم وطلعت سليمه الا من ناحيه وحده الي هي زياده في نسبة الكالسيوم قالت فحصنا الكلى وفحصنى كل شي قالت بمكن سرطان بس لازم نتأكد ونسوي تحاليل زياده بس موب عندهم و قالت اجيهم بعد ١٠ ايام ، هل بنتقل هالشي لعيالها او للانسان بأي طريقه انا ابي شوركم ومعلوماتكم لان انا ما قد واجهت شي زي كذا

هذي صوره يوم كانت صحتها زينه

وهذي بعد النحف

ما عليكم من رجلي خطأ فوتوغرافي -ـ-

وبس تحياتي

[yanal]

شوف اخي من المفترض ان السرطان مرض مش معدي ولا مرض وراثي يعني اطمن
ما راح تعديك باذن الله ونصيحتي كمل مع الدكتور ولا تقطعه و ان شاء الله ما يطلع الا كل خير ...



مخ احترامي.......

[youssef bukhari]

اولا مبروك على الكلبة
ثانيا هل الكلبة لديها قراض لأنو لو الكلب مليان قراض يجبلو طفيليات داخلية في الكلب و لو الكلب طلع مصاب بطفيليات داخلية وما اتعالج منها لا سمح الله احتمال كبير يموت و ترا مو بشرط انؤ الكلب يكون عندو قراض عشان يجي طفيليات داخلية المهم الحين كلم العيادة يعملو للكلب تحاليل للطفيلات الدخلية لأنو لا سمح الله طلع عندها طفيليات داخلية يسير تلحق عليها بسرعة

[husky man]

الله يجزاكم خير وان شاء الله اكمل مع الدكتور وما ضنيت فيها قراض اخوي يوسف هي بس نحفت وطاح شعرها
فجأه وكل دكتور اروح لاه يتفلسف علي بدون ما يحللها ولا يتأكد

[MohammedB]

انا عندي هاسكي وجاته نفس المشكله ورحت الطبيب قال إنها دوود بالمعده !!!!

وأول مره ادري ان فيه سرطان للكلاب :]

[Nona999]

وعليكم السلام ورحمة الله وبركاته

اخوي اولاً كلبتك جميلت مشاءالله الله يحفظها ويخليها

ثانياً اخوي مو كل شي يقوله الطبيب تصدقه مع احترامي يعني فيه اشياء منطقيه

طمن بالك ولاتقلق خلني اوضحها لك حبه حبه

والسرطانات الله يكفينا شرها تحتاج اشعه مو هذي اعراضها والمفروض البيطري مايخمن ويعطي الاكيد

اولاً الكلبه جديده والمنطقه والبيت جديد بالنسبه لها ودائماً نقول الجراء تتعود على الاماكن الجديده اكثر من الكلاب الكبيره

و قل اكلها يدل على

- مكانها ونظامها المعيشي الجديد

- الحر

- الكئابه وهي العامل الاساسي

- ديدان

- واحنا بفصل الخريف وحط في بالك احنا بمرحله تغيير جو من صيف لشتاء شي طبيعي يتبدل الشعر

يروح الشعر الخفيف وتطلع طبقه جديده كثيفه وهذي من قدر ربي وخلقه سبحانه

و اتمنى لو تذكر لي نظام اكلها و شامبوها ونشاطها ودرجة حرارتها وهل تطعيماتها كامله ؟

و بفيدك على الخاص بطبيب بيطري متمكن عشان تتطمن اكثر

و اي استفسار اخر لاتتردد

موفق

[husky man]

نظام الاكل كان خويي يوكلها الدراي فود دايمآ بس يوم جتني وتغير عليها المكان ما كلت وقعدت اسبوعين كذا لين شوي شوي رجعت طبيعي وتاكل الدراي فود واعطيها اعواد الي اسمها الميت جركي او اللحم المجفف مخصوص للكلاب طبعآ واعطيها علب اللحم والدجاج من بيدقري والدراي فود رويال كانيون والشامبو الصراحه انا اوديها المحال كل اسبوع يروشونها ما اروشها انا وكل مرا يعطوني سطل مليان من شعرها يقولون شف وش فيها ذا موب طبيعي ونشاطها انا يومين اطلعها ساعه الي ساعتين اتمشى وهي معي واخليها تركض وتطعيماتها كامله كلها واولها الدود و انا ان شاء الله بكلم الطبيب الي عطيتيني لان حتى طريقة تنفسها غريبه صايره
ويعطيك الف عافيه يا Nona999 ويجزاك خير على المساعده والله طمنتيني

[الحمداني 2]

بسم الله الرحمن الرحيم

أخي الكريم

من هنا وحتى مرور عشرة أيام عليك أن تفعل التالي وإن شاء الله ما تلقى غير كل الخير :
- الكلب يجب تحميمه (غسله) مرتين في الصيف ومرة كل ثلاثة أشهر في الشتاء يعني 4 مرات إلى 5 مرات في العام ، وليس كما تفعل كل أسبوع .

- عليك أن تقرأ طريقة تقديم الدراي فود على ظهر العلبة ، وستكون في حالة كلبتك وجبتان في اليوم بمعدل خمسة أكواب في كل وجبة .

- وفر لها غرفة مكيفة بدرجة حرارة 21 - 23 مئوية لا تزيد ولا تنقص أي أوتوماتيكياً .

- يوجد في العيادات البيطرية دواء لمنع تساقط الشعر وتقوية البصيلات عليك بشراء زجاجة منه واستفسر من الطبيب عن مقدار الجرعة .

- التدليك والتمشيط اليومي مرة واحدة صباحاً أو مساءاً مفيد جداً .

- الترفيه ولعب الكرة والهرولة وشد الحبل رياضات تساعد على تحسين الحالة النفسية للكلبة .

- لزيادة الشهية خذ رجل بقر (كوارع) وقدمها بعد غسلها بالماء الجاري إلى الكلبة بدون طبخ مما يحفز العصارات الهاضمة .

- العظام الكبيرة (عظام البقر) النيئة (غير مطبوخة) محفز قوي ومشهي للكلاب .

تحياتي