موت 15 فروج في اسبوع

[حمامه فلسطين]

السلام عليكم
انا بحب اربي الحمام والدجاج وعندي حمام ودجاج
كل اشي كان ماشي مثل الفل جبت جاجتين وربيتهم ورقدو على بيض كل وحده فقست 10
صارو عندي 20 كبرتهم لمده 3 اشهر والحمد لله كل اشي تمام وبالغين
قبل العيد ب3 ايام بدأت المصيبه والمأساه جيت صباحا لقيت فروج جالس وما بيتحرك وبيبقى يفتح ثمه شو ما اعمل له ما يتحرك قلت يمكن قرصه شي ومات بعد كم ساعه ثاني يوم رجعت لقيت 2 بنفس الحاله وبرضو ماته وكل يوم صرت القا 2 و3 رحت في ايام العيد عند البيطري لقيته مسكر عشان العيد وماتو عندي 15 فروج بينما الدجاجتين مثل ما هم ووحده رقدت على بيض
رحت البارحه عند البيطري واعطاني دواء احطه في الماء بس مش متأكد من فاعليته وخايف يموتو يلي ضلو لانه كل واحد عزيز علي حتى العيد ما فرحت في تخيل تعب 3 اشهر يروح ب3 ايام
ممكن تشخيص المرض مع العلم الفروج يضل محله مثل النايم وفي الحاله المتأخره ما يعرف يمشي حتى ما يشعر برجلي وفي مايه تنزل من خشمه تشبه المخاط وكم واحد كان يعاني من الرشح
وفي 2 حاليا عايشين وكل حاجه تمام ويركضو بس في نازل من خشمهم مخاط شويه هل دول مصابين ؟
ارجو المساعده وتوضيح كل شي عن المصيبه

اسف على الأطاله


حمامه فلسطين :....

[bird96]

لما رحتي البيطري شو قلك ؟؟ المرض شو هو ؟؟

ويا ريت تعطينا اسم الدواء


ومعوضه اختي


ونا اشك انه نيوكاسل لأنه هالمرض قاتل ب سرعه شديده يعني هو اسرع مرض انتشارا اذا اجا ع حضيرة دجاج او هيك .

[حمامه فلسطين]

رح اصوره واضعه للدواء يلي اعطاني اياه
بالنسبه انا جبت جوز من الحبش الصغير يعني بعمر شهرين ونص من السوق ماتت وحده ثالث يوم ما كانت تأكل ولا شي وبعدها بيومين بدأت المجزره
رايح ارفع كم صوره بأذن الله

[حمامه فلسطين]

هاد هو الدواء يلي اعطاني اياه وقال لي ينفع لكل من الحمام والدجاج والبط


سؤال بس هل سيموت باقي الفراخ ؟ وهل يأثر على الصيصان الدجاج يلي فقسو اليوم ؟

[شباب يافع]

للتحصين فقط ياليت تنظيف المكان ايضا

[حمامه فلسطين]

ولله صعب لاني اتقنف شلون انضفه يييييييييي صعب جدااااا
بالنسبه للأخ بيرد ممكن تشوف هل الدواء مناسب

[bird96]

اهااااااااا انتي لما شريتي الحبش الصغير هذا .. هو اللي مريض .. هذا مرض النيوكاسل اختي للأسف .


هذا خطأك لأنك مبتدأه ... انا زمان ماتلي حوالي ال 20 حمامه من ورا هالشغله ..

عند شراء اي طير جديد اختي يجب عزله ب مكان بعييييييد عن اي طير او حيوان ل مدة 3 الى 5 ايام او اسبوع والتأكد انه خالي من جميع الأمراض ووضعو مع الطيور الأخرى


معوضه احتي

[حمامه فلسطين]

اخي انا بقول هاد مانه نيوكسل اقلك ليش لانه ما يعدي الحمام يعني ما صار بالحمام شي مع العلم انا واضع الحمام مع الدجاج لانه كل الدجاج الصغير يلي عندي 2 فقلت مو لازم بيت جديد

[sahar^^]

عوضك االله احسن منهم
انا نفس الشيء كتكوتي الصغير مات وكنت رايحة اطعميهم لقيته قاعد محله ما يقوم وما لحقت امسطه لهو مات للاسف