لو سمحتو بغيت اعرف كل شي عن ها الطير

[عاشق الهاامستر]

طائر بري ما يصلح تربية

[ميجر]

أخوي . .

نصيحه لوجه الله ..

هاذي الطيور مثل ما قتلك في ردي الأول مالها شعبيه بين المربين

المهم اللي بقولك اياه .. تبغي طير تستمتع بحركاته و ما تتعب فيه

علــــــــــــــــــــــــيــــــــــــــــــــك بــ ( الجاوا )

صراحه أنا ربيته و أنتجت منه و ما تعبت منه أبدا و الصراحه أنه أمتعني و بحطلك صورة من تربيتي ..

عندك ثلاث ألوان مشهوره في تربية الجاوا .. ( الأسود ) و ( الكريــمي ) و ( الســلفر ) و ( الأبيض )

طبعا الأسود أرخصهم و السلفر أغلاهم .. بس أهم شي تنتبه حق النسل النقي ..



الصوره ..

[Bullet10]

المشكله سعره غالي

[ميجر]

إنت وين مكانك بالضبط ..

الشارجه , عيمان , وين يعني ..

بس خلني أقولك شي .. أنا كنت مثلك .., كله أقول غالي و ما ينفع

تعرف ليــــش ؟؟ <<< أنا بروحي ماعرف ليــــــش ؟؟!!!

خلني أقولك إياها .. و حطها في راسك عدل

تبغي الزيـــن .. > إدفع .. و ما بيكون غالي إلا إذا كان زين

بعطيك طريقه تنفع شوي بلمكاسره :

ادخل المحل كأنك ما تبي تشتري و إذا قالك سعر غالي .. عطه سعر من عندك ضمن حدود المعقول .. يعني لا تبخس في سعر الطير و إذا ما رضا إطلع برع المحل بدون ما تطالعه و سير محل ثاني ..


أنا بقولك شي استوالي و ندمت أشد الندم لأني ما اشتريته ...

دخلت عواحد باكستاني .. عارض فروخ مكاو

قتله بكم الواحد قالي ب 5000 درهم

و أنا في جيبي 5000 درهم

قتله بألفين باخذه الحين ..

تعرف شو قالي ؟؟

قالي بعطيك اياه ب 3000 درهم بس لا تخبر ربعك ..

شو قتله ؟؟

بسير أشتري قفص و برجعلك و سرت و ما رجعت

-----------------------------------------------

قبل لا تاخذ الجاوا اقرا عنه