ناوي اخذ لي فرخ حب بعمر ان شاءالله هل المكان مناسب له؟ لتربيته

[redbull-basil]

السلام عليكم ورحمه الله وبركاته ااانا صراحه مو جديد بتربيه طيور الحب بس اعتزلت لمده

وبرجع بفرخ عمره 3اسابيع ان شاء الله

بس ناوي احميه من البروده وانا اشوف انوا هل الحوض مناسب له

وطبعا الحوض مسكر في فيه فتحه من فوق تدخل االاكسجين له وياريت تشوفوا هل الحوض مناسب له


ولا وانا قمت بكسر هل المنطقه الي محدده باللون الاحمر مسوينها عشان تحط الاكل للسمك انا

كسرته وصار مفتح من فوق بس الجزء الاحمر هل الحوض مناسب انتظر اجابتكم بسرعه

[redbull-basil]

طبعا بفرشه من تحت بنشاره خشب واحطه فيه

[د / محمـد ابراهيــم]

اخى الكريم الزجاج لا ينفع لتربيه الطيور مطلقا
بل ينفع الاسماك والزواحف فقط
بل ضعه فى قفص صغير وادخله داخل المنزل حتى يكبر ويشد ازره ويكبر ريشه وياكل لوحده وبعدها يكون الشتاء خلص واطلعه فى البلكونه

[جورجي]

وعليكم السلام ورحمة الله وبركاته
بالامكان استخدام الحوض كحاضنة للفرخ .. مع انه اشوف من الافضل توفير مصدر للتدفئة .. مثل تركيب لمبة سهارية لتدفئة الفرخ .. وفيه طريقة باستخدام السخان حق حوض الاسماك انه تأخذ السخان وتجيب قارورة مياه سعة 5 جالون او 5 لتر او حتى جيك زجاجي للماء وتملي الجيك بالماء وتحط السخان وتضبط درجة الحرارة بالسخان .. طبعاً الجيك او القارورة داخل الحوض وبيصير الحوض دافي ..وتقدر تحط دبدبوب صغير قريب من الجيك علشان الدفئ .. واستخدم مقياس للحرارة .. اتركه داخل الحوض بشكل دائم علشان تعرف الحرارة ..بالاضافة ان فرش الحوض بالنشارة وتبديلها يومياً
وفيه طريقة ثانية للتدفئة .. باستخدام وسادة حرارية صغيرة الحجم .. مثل هذي

هذا فيديو لعمل حاضنة للفروخ .. وتم استخدام الوسادة الحرارية تحت حوض بلاستيك .. يباع مثله بمحلات الحيوانات
http://www.youtube.com/watch?v=EzRh1nf8myA
شوف الطريقة المناسبة لك وللحوض بالتدفئة .. لان الجو بارد .. وبدون تدفئة به ضرر على الفرخ

[بلاك بيري]

اضم صوتي لصوت اخونا محمد

انا افضل القفص لتربيه الطيور افضل من الزجاج لما فيها من مخاطر اولا وايضا عدم وجود تهويه كافيه وتجديد لهواء الطيور

تحياتي

[الطـاير]

انا اشوف ان الصندوق هذا ممتاز للفروخ حتى يتم عمرها شهرين وبعدين تنقلهم لقفص

ولا تنسى وضع نشارة خشب خشنة وليست ناعمة لأن الناعة تؤذي الفروخ

ولو الجو بارد لازم تضيف لمبة للتدفئة

والله يوفقك