مساعده مع صديق مكاوي جديد

[without heart]

السلام عليكم ورحمة الله وبركاته
انا اشتريت ببغاء مكاو اخيرا وليس اخرا قرين وينجز
الببغاء اليف مع راعيه الاول ومادري وش ردة فعله معي
اخاف اني احاول اتقرب له يظهر ردة فعل سلبيه معي
فقلت مابي اكون غبي من اول مره معه او اظهر له خوف
ابي ابدا معه من الالف واخليه يحبني ويتعلق فيني
وملاحظ عليه شوي نتف بصدره وهو مع راعيه هذي مشكله ثانيه يبي لها حل
لان مع راعيه كذا لاخذته بيزيد ابي الطرق الصحيحه من الالف للياء لاجل اكون صديقه الجديد
واخذ راحتي معه وياخذ راحته معي واستطيع الاعبه مثل صاحبه الاول واخليه ينسى ينتف نفسه بعد

منتظر ردودكم على احر من الجمر وياليت تكون دسمه ومجدوله ومتكتكه

[AL'3asy]

انه عندي واحد الطيير سهل جداً خله اسبوعين يتعود علمكان بعدين لفه بمنشفه وشيله عن القفص حطه على الارض

بس البش كوت او جاكيت وحط يدك تحت سدره وارفعه بروحه بيركب

لاتخاف مايعض ترى

[ٌابوعمر]

اتمنى من الاخوان الافاضل يساعدوك مالي خبره بل مكاو وردات فعله

[without heart]

المشاركة الأصلية كتبت بواسطة AL'3asy

انه عندي واحد الطيير سهل جداً خله اسبوعين يتعود علمكان بعدين لفه بمنشفه وشيله عن القفص حطه على الارض

بس البش كوت او جاكيت وحط يدك تحت سدره وارفعه بروحه بيركب

لاتخاف مايعض ترى

الطير اليف بس ردة فعله خايف وهالشي طبيعي
بعدين مكاو تلفه بمنشفه ؟ مجرد ماتحاول تسوي هالشي بيصير متوحش ويخاف اكثر !

ومشكور نورت الموضوع

[without heart]

المشاركة الأصلية كتبت بواسطة ٌابوعمر

اتمنى من الاخوان الافاضل يساعدوك مالي خبره بل مكاو وردات فعله

حياك الله اخوي وبنتظار بقية الاعضاء

[AL'3asy]

اخوي اذا الطير اليف خله مده يتعود علمكان وبس اذا اليف
نوع له فلاكل
انه اعطيه فواكه وخضروات الصبح والحبوب والمكسرات فلمساء

انه قلت لك بلمنشفه لان بعض الطيور ما ترضى اذا على قفصها

وانشالله تتهنى فيه

[ٌابوعمر]

اخوي نصيحه لا تحاول تلفه بمشفه هو الييف اول شي ثلاث ايام بس غير المويه والاكل ولا تسوي اي شي ثاني بعدين عطه اكل من يدك اذا شفت انه متعاون معك ولا هو خايف خلاص ابدا دلعه طلعه برا وطلعه على يدك وشوي شوي بيحبك ويتعلق فيييك وبتوفيق ان شاء الله

[AL'3asy]

الافضل تفتح له القفص طول الوقت عشان وقت مايتشجع يطلع


والله يوفقك