الله يخليكم ساعدوني

[مرسى الحب]

السلام عليكم ورحمة الله وبركاته

كيف حالكم ان شاء الله انكم بخير

انا شريت ببغاء افريقي عمي اشتراه لي وهو له ثلاثين سنه يربي هالافريقي وقال لي الطير نابغه وخطير بس يبغاله صبر
المهم
الببغاء من يوم اني شريته الى حد الان امتحنته كل يوم اطلعه من القفص واخليه يتمشى بالبيت واجلس اقول له اطلع الين يطلع على يدي طبعا البغاء صغير يمكن عمره سنه

لكن المشكله في التالي :

1- ان له شهر ونص مايصفر الا في الاسبوع او الاسبوعين مره

2- مايتحرك من على المجثم الا نادر

3- يجعر احيانا بقووه واحيانا مايجعر

4- ما يأكل الا فول سوداني لدرجة اني حطيت له فصفص اسود لمدة يومين كامله ما اكل ولا حبه وحده ولا جرب حتى

5- يخاف مني لدرجه مو معقوله مع اني ما قد استخدمت العنف معاه واعطيه كل الاكل بيدي ياخذه ويرميه ولما زوجتي تعطيه يأخذه ويأكله .

6- لما يكون يتمشى في البيت يشوفني ويسرع يتخبى في اي مكان ولما يشوف زوجتي يروح يمشي وراها يطاردها من غرفة لغرفة

بصراحه احترت فيه مع اني معلقه في الباب فوق وانظف القفص بشكل دوري واكلمه لكن مايتقبل مني ليييييييش


وشاكر لكم

[k9-boy]

هلاا والله...يالغاالي مثل ماقلت المسأله يبيلها صبر...اول شي غير مكان الطير وحطه بمكان بروحه محد يقرب صوبه غيرك اسبوع او اسبوعين خلك عالحال ولا تعطيه اي اهميه بس بدل الماي والاكل لما تعدي الاسبوع او الاسبوعين تدريجي قرب صوبه اقعد معاه وحاول انك تمسح على جسمه و راسه وشوف الوضع غير عن قبل او لا

بخصووص مسأله الاكل حاول انك تدمج الحب الشمسي مع الفول السوداني وشوف وان شاء الله بااقي الاعضاء يفيدونك اكثر

[مرسى الحب]

شكرا k9-boy

على معلوماتك الحلوه

وين باقي الشباب مايردون

[كاسكـــو]

الحل :

اهتم فيه خلك انت فقط المسؤول عنه

انت تعطيه الاكل والماء وانت اللي تنضف القفص صدقني راح يتعلق فيك ويعجبك بس الصبر ثم الصبر

كلامك عن الطير يبشر بالخير يعني متجاوب معك استمر بالتدريب

الببغاء اللي عندي عكسك مايحب المدام ويكرهها يلحقها ويعضها ويطردها من الغرفه ثم يرجع لقفصه

هههههههههه

[مرسى الحب]

هههههههههههه
ودي اني يعضها هههههههههه
لكن الان هذس الفتره اطلعه من القفص والا اخليه بس اعطيه اكل وماء وانظف له واخليه جالس وش الافضل
وبالنسبه كيف اخليه ياكل فصفص اسود لانه ما ياكل الا الفول السوداني

وشكرا لكم على المرور