استفسارات

[أوان الـورد]

مرحبا

رح أحكي نبذة عن الببغاء أول شيء.

نوعه : كاسكو, ذكر, مش أليف.
عمره : سنتين و ثمانية شهور.
مدة الاقتناء : سنة و ثمانية شهور.

أنا من أول ما اقتنيته و إلى الآن و لا مرة خليته برا القفص,
هل هذا الشيء خطأ ؟
لأني بصراحة أخاف منه لو كان برا القفص, و أكره موضوع نظافته,
لأنه لو كان برا القفص رح تكون نظافته أصعب من أنه لو كان داخل القفص.

الببغاء من أول ما اقتنيته ولا مرة نتف ريشه و ماشاء الله ريشه كثير و الببغاء صحته كويسة,
و دائماً يصفر و يلعب و يقلد كثير من كلامي سواء الي علمته أو الي يسمعه,
فهل عادي لو استمريت معاه داخل القفص ؟

--

الأيام هذي ألاحظ بأنه يرمي بذر الحب,
نص الحب يأكله و النص الثاني بس يفتح القشر و يرمي البذر << يا رب توفقت بالشرح
هل ممكن يكون مل من الحب ؟ أو يعاني من مشكلة ؟
مع العلم بأني أنوع له الأكل و يحب كثير البطاطا المقلية,
و اشترى زوجي له مكسرات خاصة للبغاء فيها حب شمسي صغير جداً و أشياء ثانية لكنه
ما حبها أبداً.

شكراً

[طلع لي قرون]

ما شاء الله ربي يحفظه لك ..


وحلو ان الطير يطلع برا القفص << يتمشى ويطلق اجنحته ..

بس اهم شي يكون جنآحه مقصوص عشان ما يطير

والتنويع بالاكل ممتاز لصحته ونشاطه .. بس ما يكثر منه كل يومين عشان ما يتسبب له باسهال او شي زي كذا ..

وواضح ان الطير مو اليف ومحتاج لترويض ..

في مواضيع كثير تقدري من خلالها تعرفي كيف تتعاملي معاه وتبدأين حبه حبه .. لين توصلي للمحبه ..

ويصير الطير اليف ويحب وجودك ..


وربي يحفظه لك ويخليه



شي اخير .. اشتري استاند لو ما عندك .. وخلي الطير يطلع عليه فترة النهار ورجعيه بالليل ..

طبعآ بعد ما تقص اجنحته عند خبير ..


<< توي انتبهت ل ( البطاطا المقليه )


اختي اتوقع ان اي شي مقلي مو طيب

يفضل تعطيه بطاطا مسلوقه .. وجزر مسلوق بعد .. وذره .. وعظم دجاج .. تكون الدجاجه بعد مسلوقه .. تطلعي منها اللحم وتعطيه العظمه ..

ان شاء الله اني افدتك ..

[أوان الـورد]

شكراً على الرد ,

أنا ما أبي أروضه,
زوجي كثير في خاطره أنه يخليه على ستاند برا القفص لكني أنا أرفض هذا الشيء بالمرة,
فكنت أتسائل هل لو ظل فترة طويلة داخل القفص له تأثير سلبي نفسي على الطير أو لا.

الببغاء صح نوعه مش أليف لكني أحس بأنه يحبني
و يحب كثير أحك له جسمه بإيدي,
و لما أحكي له كلمات يقلدها و مبسوط,
و أنا أحب هذا الوضع, ما يهمني أبداً وجوده برا القفص,
على العكس لما يكون داخل القفص أسهل بكثير من ناحية التنظيف (في مكان واحد)
مش لما يكون برا و ينتقل من مكان لمكان.

شكراً على المعلومة ما كنت أعرف بأن الطعام المقلي مضر, و شكراً على الدعوات.

[ام ماجد]

انتي تقولين يحب تمسحي عليه معناه لو يطلع بيحبك وبيطلع على يدك مع الوقت
افضل لنفسيته الخروج واللعب ورفرفت الجناح

[O.habeeb]

خليه برا القفص مرتين بالاسبوع وعن نفسي انا اخرج ببغائي كل يوم عشان نفسيتو