دجاجتي تعبانه ( مهم )

[توتو توتو]

السلام عليكم ورحمة الله و بركاته

اخواني و احبائي دجاجتي تعبانه وكله خامله و فتخة الشرج ( محل ماتخرج الفضلات ) اعزكم الله

فيه زي الزق اعزكم الله و لاكن لونه اصفر مثل المحاح بس مو سائل احسه ثقيل شوي و مانا عارف ويش اسوي لها

وهي نفس الدجاجه الى كانت تبيض بالدم

اخواني ارجو المساعده قبل لا تموت علي

جزاكم الله خيرا

[alsa3eka]

أنا أفضل اخوي انك تعرضها على بيطري قريب منك يشخص حالتها ويعطيك العلاج المناسب لها

وبالتوفيق لك عزيزي

[bird96]

طيب طيب طيب وضعها مخيف وصعب وبصراحه كانت نفس الشيء عندي وللأسف ماااااااااااااااتت . انا عندي حل لكن رح يعلك اضعها في مكان مغلللق يعني اعزلها عن الدجاج الاخر وضع امامها ماء لكن ماء فيه خلطه الخلطه :: حبة بصل و 4 سن ثوم و ليمونه ( عصيرها ) اضعهم في الخلاط الكهربائي وبعد خلطهم ضلك اخلط فيهم تا يذوبو اوكي اضع هذا الخليط مع لترين ماء للدجاج الصحيح ومع تعطيشهم لمدة 4 ساعات للدجاج الصحيح .. جيب سرنج ال 10 مل وعبيه من الخلطه خلطه بدون الماء ( مركزه ) وفتح فم الدجاجه المريضه وفرغ هالسرنج كله مع توخي الحذر بشويش فرغ شوي وصبر شوي ويا ريت تعمل الخلطه مرتين باليوم ل مدة 3 ايام =6 مرات ب ال 3 ايام . مع وضع ماء نظيف عند الدجاجه اذا تأكل لحالها اضع لها اكل نظيف .. وبصل مفروم .

[توتو توتو]

مشكور اخي bird96 الله يوفقك

و راح اعمل الى قلته الي حالا

[صمت الأمل]

للأسف اخي هذي فترة امراض وزكام للناس بسبب الفترهـ الإنتقاليهـ للأجواء ..


فكيف راح يكون مصير هالدواجن والطيور والحيوانات ؟؟


حاليا اعزل هالدجاجهـ ونفذ اللي قال لهـ الأخ bird ..


وان شاء اللهـ يكون اللي معها مو خطير ومايتسبب في عدوى للباقي .


وبشرنا بأخباركـ معها .

[توتو توتو]

انا عملت الي قاله اخي bird جزاه الله خيرا

واحسها تحسنت قليلا لاكنها لازلة مريضه حاولت اشيل الوسخ الي فيها بس ماعرفت وخفت اغسله بماي
وتتعب اكثر

و انشاء الله ابشركم بأخبار الدجاجه اول بأول

ادعو لها بالصحة و العافية

بالتوفيق

[bird96]

الله يطيبها لك يارب العالمين .. وترجع تبيض وتركض وتفرح فيها يا رب العالمين