اشترك في نشرتنا البريدية ليصلك كل جديد

ندفيد · 06-10-2011, 10:00 AM

السلام عليكم
اسعد الله صباحكم بكل خير
احب استفسر بخصوص ببغاء امازوني له كم يوم مايأكل و الله يكرمكم البراز سائل مثل المويه و خمول وجسمه هزيل ياليت تفيدوني مع اني احط له فتامينات و كالسيوم مع المويه و اسمه
TERRAMYCIN ترا هو بودره صفراء
وخايف يروح علي أليف و يتكلم ومسوي جو بالبيت
وأسف على الإطاله

ولد حرب · 06-10-2011, 11:38 AM

وعليكم السلام ورحمه الله وبركاته

الافضلية انك تطلع فيه لطبيب بيطري متخصص بالشغله وانصحك بطبيب بالرياض عند سوق الطيور متواجد بصيدليه الخليج اسمه محمد فراج < متمكن من شغله

الاعراض الي عندك مرت علي في احد الطيور بعد الترويش وقام يرعش من ( البـرد ) ويصير اخراجه سائل شفاف

افحص الطير عند الطبيب واطلب منه كورس حمايه ( مضادات - فيتامينات- واطلب باي تريل - وتايلان)

حطها كصيدليه وخذ منه طريقه الكورس كيف تسويه مع اعلامه بالي سويته قبل ومن كم الفتره

اطلع فيه اليوم للطبيب وبيفيدك ان شاء الله

الكاكي · 06-10-2011, 02:06 PM

ياعزيزي TERRAMYCIN حيلة البيطريين الي عندنا يصرفونه لاي مرض لانه عباره عن مضاد وفتامينات (بتاع كله )
لابد من تحديد المرض بدقه ووصف علاج لهذا المرض
التنفس كيف؟
يحرك ذيله من التنفس؟
لون البراز اكرمك الله ؟

fawzi · 06-10-2011, 09:33 PM

هلا انا نصيحتي لك انك تستخدم الباتريل وحاول انك تغطي القفص باستمرار وتبعد الطير عن اي تيار هوائي ايضا عطه فيتامين اسمه ميتاكام وماعليه شر وان شاء الله ربي يقومه بالسلامه