رجعت سعدية للجعير

[جعفر السامرائي]

السلام عليكم ورحمة الله وبركاته
طابت اوقاتكم جميعا
اختصر ومباشرة ادخل للموضوع
كنت مسافر ..
وخليت طيوري (مسعود وسعدية) امانة عند احد الاصدقاء
والاثنين كانوا الحمد لله بصحة وعافية جيدة
مسعود مات مشنوق شنق نفسه
اما سعدية رجعتلي تجعر جعيرها الاول ، وتعبت انا معاها كثير حتى راح جعيرها ، اخر اسبوع من تواجدي وقبل السفر تخلصت من جعيرها.. ورجع خوفها ايضا..
لكنها تصعد على اليد .. وتسلم برجلها ، وبعد صايرة تطقطق وتقول منو ..
المهم شنو نصائحكم واتبع اي طريقة حتى ترجع مثل قبل..

طبعا ايضا ضعفانة وجالس اعطيها باليوم تمرة من يدي ، تاكل يمكن ربعها او اقل والباقي ترميه
وما اعرف التمر ينفعها ام يضرها

سلامي

[ابوغزل]

هلا اخوي ربي يعوضك خير عن مسعود شنسوي من الحب ما قتل افتقدك راح شنق نفسه

سعديه ابي منك تعتني فيها وفي اكلها

وتسوي نفس طريقه الترويض الي استخدمتها قبل سفرك لانه الطير ما ينسى طريقه الترويض الي بديتها معه

الافضل انك ما تغير لطرق ثانيه لانه تقبل الطير ليها بيكون بطيء عكس الطريقه الي انت استخدمتها بالاول والي الطير تعود عليها بس يحتاج مين يذكره


تقبل مروري ابو غزل


حبتييييييييييييييييييييييييييييييييييييييييييييييييييييييييييييين

[جعفر السامرائي]

ممممم تسلم وتشكر عزيزي ابو غزل حبتيييييييييييييييييين

طريقتي معاها كانت الاعتيادية والتقليدية ، وهي طبعا ترضى شوي امسح على راسها بس بعد صراع بسيط

شي ثاني نسيت اسأل
هل فاتح الشهية يضر الطير الببغاء ام ينفعه ؟

سلامي

[ابوغزل]

فاتح الشهيه اخوي هو اصلا مجموعه من الفيتامينات كثره الشيء تضر واستخدامه بشكل خفيف انشالله ما يكون الا الفايده


تقبل مروري ابو غزل


حبتييييييييييييييييييييييييييييييييييييييييييييييييين

[جعفر السامرائي]

جالس اتبع معاها نفس الطريقة في الترويض
لكن اليوم احسها صارت تخاف مني اكثر وعدائية اكثر
بحيث عضتني عضة طلعت دمي والعضة بس مرة مو دائما

طبعا طريقتي في الترويض هي المداعبة وكثر المسح على الراس والظهر وحك الرقبة والراس

صراحة انا تعبت منها ما اعرف شسويلها

[fawzi]

[QUOTE=جعفر السامرائي;2269196]

السلام عليكم ورحمة الله وبركاته

طابت اوقاتكم جميعا
اختصر ومباشرة ادخل للموضوع
كنت مسافر ..
وخليت طيوري (مسعود وسعدية) امانة عند احد الاصدقاء
والاثنين كانوا الحمد لله بصحة وعافية جيدة
مسعود مات مشنوق شنق نفسه
اما سعدية رجعتلي تجعر جعيرها الاول ، وتعبت انا معاها كثير حتى راح جعيرها ، اخر اسبوع من تواجدي وقبل السفر تخلصت من جعيرها.. ورجع خوفها ايضا..
لكنها تصعد على اليد .. وتسلم برجلها ، وبعد صايرة تطقطق وتقول منو ..
المهم شنو نصائحكم واتبع اي طريقة حتى ترجع مثل قبل..

طبعا ايضا ضعفانة وجالس اعطيها باليوم تمرة من يدي ، تاكل يمكن ربعها او اقل والباقي ترميه
وما اعرف التمر ينفعها ام يضرها

سلامي

هلا اخوي الله يعوضك في الطير الي مات بالف خير يارب بالنسبه الي الطير الثاني الي هو سعيديه انا نصيحتي لك انك تعطيها فيتامين لمده اسبوع الي 10ايام وبالنسبه ايضا الي انها رجعت على الجعير مررره ثانيه هذا شيء طبيعي لان الطير تغير عليه المكان والاشخاص ومعروف البغبغاء الافريقي ان حساس ومتذمر وانه شديد الملاحظه واذا تغير عليه المكان يحس بخوف وهذا شيء طبيعي وان شاء الله مع مرور الوقت راح يخف الجعير ويرجع الطير نفس قبل واحسن بس اهم شيء عدم الظغط على الطير ترك الطير على راحته بالنسبه الي التمر عادي مايضر .موفق ان شاء الله

[سكر]

اهلين جعفر

التمر احلى شي

والترويض استمر عليه بس ابدأ بالتدريج وكل مرة كثف التدريب

ابعدها حاليا عن الضوضاء والصجة وزحمة الناس قدر الامكان في وقت التدريب والترويض عشان ماتتعلم العض

وحاول انك تحتسب الاجر في ترويضك ولا تشعر بالملل

وياليت توفر لها اغصان ناشفة تلعب فيها وتكسرها بمنقارها وهي في حجرك

ووافينا بالاخبار اول بأول

وربي يوفقك

[جعفر السامرائي]

الأخ الحبيب فوزي ، والغالي سكر
اشكركما على المرور والمشاركة
والحمد لله الان هي احسن بكثير جدا من السابق
واذا تحبون تشوفون التطورات معاها انا مسوي لها موضوع خاص

ترويض وتدريب الببغاء الكاسكو سعدية - متجدد

اذا تحبون اطلعوا على الموضوع واعطوني رايكم
على فكرة هي فقط باول يوم لما شافتني بعد رجوعي طقطقتلي وقالت منو ، هذا يوم وهذاك يوم لا طقطقت ولا قالت منو !
شنو اسوي معاها؟

سلامي