أرجوكم حلولي المشكله

[القناااص]

السلام عليكم ورحمة الله وبركاته

إخواني أنا اول مره اشتري كلب

وشريت جيرومن فوق شبه بيور الاب شو لاين و الام شو لاين مهجن مع هاسكي

الحين الكلبه حقتي عمرها سنه و اسبوع لونها اسود وبني كامل بس الرجول فيها بياض خفيف اذاني
واقفه بس المشكله انها مو متدربمأمن اول ما كملت شهرين حطوها في مزرعه الين كملت ذا العمر

بس ابي ادربها شراسة ولابد طاعه في الاول صح
كلمت ست بدت تسويها بدال ما اضغط عليها بقوه اضغطها خفيف

و غيره خوافه من السيارات ومن الناس اذا تجمعو عليها واذا احد رفع عصا بس تحب تلعب على القطاوه

شخصيتها ظعيفه مره ولا تلعب في البيت بس تلحق وراي وراسها بالأرض و ذيلها تخبيه بين بطولها وصار لها شهر معي
أنا ابي خدمه منكم
كيف ادربها طاعه بسرعه و
شراسه وكيف اقوي شخصيتها مره وتلعب وبخصوص الدوره متى تجيها ولو زوجتها بيور كيف العيال راح يكونو

و أسف على الاطاله

*

[Abo_fahed]

السلام عليكم ورحمة الله وبركاته ..

اخوي اول شي ممكن توضح لي هالجمله عشان لايلتبس علي الامر

وشريت جيرومن فوق شبه بيور الاب شو لاين و الام شو لاين مهجن مع هاسكي

-ـ-ـ-

الحين الكلبه حقتي عمرها سنه و اسبوع لونها اسود وبني كامل بس الرجول فيها بياض خفيف اذاني
واقفه

اذا الكلبه جيرمن شيبرد بيور

فـ البياض الي برجولها عادي هذي هرمونات زائدة وبتروح ان شالله

-ـ-ـ-ـ

بس ابي ادربها شراسة ولابد طاعه في الاول صح

و غيره خوافه من السيارات ومن الناس اذا تجمعو عليها واذا احد رفع عصا بس تحب تلعب على القطاوه

شخصيتها ظعيفه مره ولا تلعب في البيت بس تلحق وراي وراسها بالأرض و ذيلها تخبيه بين بطولها وصار لها شهر معي

عفيا عليك صح

لازم تدريبات الطاعه أول

هذا موضوع كامل اقراه عدل مدل بيفيدك باشياء وايد

http://www.2zoo.com/vb/showthread.php?t=227887

وبس تخلص منه هذاك الوقت ان شالله لنا لقاء ثاني مع

تدريبات الحراسة

-ـ-ـ-ـ

وبخصوص الدوره متى تجيها ولو زوجتها بيور كيف العيال راح يكونو

الدورة المفروض جتها بعمر مابين الــ 8 شهور الى 10 شهور

والدورة الجايه تكون بعد 6 شهور

والعيال الله اعلم على حسب جينات الانثى االي عندك وعلى حسب الذكر وجيناته

-ـ-ـ-ـ

[Nona999]

وعليكم السلام ورحمة الله وبركاته ..

مشاءلله اخوي ابوفهد ماقصر يعطيه الف عافيه ..

ولكن عندي مداخله بسيطه ..

اخوي بما ان الكلبه مهجنه مع هاسكي لاتعتبر بيور وانما تعتبر هجين .. ( يفضل انزال صور لها )

وبذلك نحن الان نتعامل مع كلب هجين فـ يتوجب معرفة سلوكها وشخصيتها بـ الاول لتستطيع التعامل معها ..

وذلك كون الهاسكي عنيد الطبع ويحب اللعب كثيرا عكس الجيرمن ..

وبعض الكلاب لما تنزل اذانها عند قدوم صاحبها فهي تتودد له و انزال الذيل بين رجليها من علامات الخوف ..

وانا اتوقع انها تعرضت لمواقف تكسر شخصيتها سابقا واستندت بكلامي على كلامك انها تخاف من اي شي وانها تنزل ذيلها بين رجولها ..

فـ قبل كل التدريبات يفضل عليك الاتي ..

1- معرفة سلوك وشخصية الكلبه كونها هجين ..

2- ترجع ثقتها بنفسها وتقوي شخصيتها ..

3- تتقن تدريبات الطاعه 200%

4- تبداء تدريبات الشراسه والحراسه بعد ما تتأكد من اتقانها لتدريبات الطاعه ..

مواضيع مهمه ..

البدايه وتأسيس شخصية قويه بقلم اخي الفاضل بوعزوز ..

http://www.2zoo.com/vb/showthread.php?t=8118

كيفية التعامل مع كلاب خليطة الجينات بقلم اخي الكريم الرازم ..

http://www.2zoo.com/vb/showthread.php?t=130222

وبخصوص رابط موضوع الخبير ابوفهد ماقصر رد لك ورده شافي لكل شي مشاءلله ..

موفق

[Musab Pro]

ردوود احترافيه بحته ..

وابي ادلي شوي بدلوي ..

اخي الكريم .. حنا ما نقول ١٠٠٪ الكلب ما راح يتدرب و لا نقول ١٠٠٪ انه يتدرب .

مثل ما قالت نونا فيه تهجين ويجب انك تدرس سلوكه ..

موضوع الضرب ممنوع منع بات .. وانتبه منه وانا احذرك

لان الكلب في هذي المرحله يرفع الظغططط ويجب عليك انك تصبر وتعامله بالاحسان .

اشياء ممكن تستفيد منها :

درب الكلب بتركيز شديييد على الطاعه وخذ وقتك معه لا تستعجل

لان الاستعجال راح يعطيك نتيجه عكسيه .

easy come easy go

وبعد الاتقان اللي تكلمت عنه نونا ٢٠٠٪ تبدا الشراسه

ولو ما تحركت الشراسه فيه تستطيع انك تجيب كلب ثاني شرس

وتدربهم تدريب جماعي على الغرباء وثق ان الكلاب تتعلم من بعض .

ولكن الكلب راح يكون شرس فقط عندما يكون الهجوم جماعي .

بعد هذي المرحله تنتقل مع الكلب بالتدريب على الهجوم الفردي .

اما طريقة التدريب بتلقاها بالروابط اللي حطها ابو فهد .

لك تحياتي .

[Abo_fahed]

للتوضيح انا قصدت هذا البياض الي يكون في الجيرمن شيبرد البيور

وموجود ايضا في كلاب ابطال العالم وغالبآ الاناث



-ـ-ـ-ـ

لان الجملة الاولى لم افهمها

بس الواضح ان نونة ومصعب فهموها اكثر مني

واتضح ان الكلب مهجن

شااكرلكم ياابطال وذخر المنتدى