كيف اكسب ثقتها؟

[((ألماس))]

بسم الله الرحمن الرحيم

السلام عليكم ورحمة الله وبركاته

رجاااااااء حار من الكل إنهم يساعدوني في مشكلتي

أنا عندي قطة عايشة معانا من فترة بس هي مش منزلية وفي نفس الوقت مش قطة شوارع ,
هي عايشة معانا من سنوات بس خوافة اوي يعني لحد دلوقتي ماحدش قدر يلمسها وأنا نفسي
أخليها تثق فيني وتعيش معانا عادي, طبعا هي ما بتقعدش معانا في البيت جوا بس بتنام في
الحوش ومرات لمن الحر يهلكها بتدخل وتقعد عند سلم البيت , انا ربيت قطط كتير قبل كده وبعرف
اتعامل معاهم كويس بس دي ماقدرتش اني اكسبها ,وطبعا حاليا ما فيش في بيتنا قطط عشان
أقول إنها يمكن خايفة , هي عندها دلوقتي تلاتة اطفال ما شاء الله عليهم بس طلعوا خوافين اكتر
منها , أنا بأكلها كل يوم بس لسه بتخاف مني ولمن اجي جنبها تفضل تنف وتجري , طبعا مش
زي زمان بس لسه بتخاف , وأنا قلت في بالي ممكن تنجح طريقة التريت والمكافأة والكلام ده وكل
شوية أخليها تقرب , بس لمن ارميلها الاكل بتفضل تبص فيني وما بتاكلش لحد ما ابعد إلا نادرا .
بجد حيرتني معاها ومش عارفة اعمل ايه .
لو حد يعرف يساعدني يريت يرشدني للطريقة , وطبعا شكرا حار لكل اللي دخلوا الموضوع.

[vampire-TW]

و عليكم السلام ورحمة الله وبركاته
تقدري تتقربي لها عبر عدة طرق منها::
انك تقدمي لها الطعام بنفسك ولو سمحت لك اكليها بيدك...
حاولي تعطيها العاب بالحوش و تتكلمي معاها بصوت خافت ..
المسيها ومسحي على ظهرها لما تجي عندك
لا تعصبي عليها لانها ستنفر منكي لو ضربتيها
او عليتي صوتك عليها
واوصيكي بالصبر
يعني لو ماتأقلمت اليوم تتعود غذا
لانه لو استعجلتي عليها ما راح تكون فايده
موفقـــــــــــــــــــه انشاءالله

[The Cat Whisperer]

مشكلة قطط الشوارع ان صعب لو القطة كبيرة تتربى وتاخد عليكي ما بالك إذا كانت والدة وخايفة على أولادها

القطة لما تشتريها كبيرة صعب تربيتها زي القطط الصغيرة وكمان دي قطة ضالة مش من السهل تغيير طباعها

ابعدي عنها الإزعاج والفضوليين خصوصاً الأطفال ولما تستخبى وتظهر متحاوليش تروحي ليها او تظهري اي اهتمام عشان تتطمن

حطيلها الأكل جنب المكان اللي مستخبية فيه وراقبيها من بعيد عشان تطمن وتاكل ولو هي أو قطة من صغارها اتجرأت وجتلك خليكي حنينة عليها

لو عندها استعداد ولو بسيط للتغيير هتثق فيكي وتحبك ولو بقيت على نفس الحال يبقى مفيش فايدة للأسف

بس استمري في رعايتها عشان ثواب ربنا ويمكن لما الصغار يكبروا وينفضلوا عنها تكون فرصتك أكبر انك تكوني الرابط معاها أسهل

وجزاكِ الله كل خير