الــــدرس الاول ( اضـــافة تـــاثير فلاش الكـــاميرا على صورة )بالصور الثابتة

[Elham]

بــــسم الله الرحــــمن الرحــــيم

الســـــلام عليـــكم ورحمـــة الله وبركـــــاته

... الــــدرس الاول ...

( اضـــافة تـــاثير فلاش الكـــاميرا على صورة )

الصـــــــورة قــــبل تنفيــــــذ الدرس ..

النتـــيجة النهـــائية بعـــد تنفيـــذ الــدرس ..

انــــــزين نبــــدء بالخطـــــوات ..

نفتــــــــح بــــــــرنامج الفـــــــــوتوشوب ..

من قائمة ابـــدء --> Photoshop CS4 ..

نختــــــــار .. Open <------- File بالعربي ملف -----> فتح

مثـــــــــل مالصــورة موضحة ..

هني فتح لنا .. احيـــــــن نختار الصورة لي نبي نطبق عليها الدرس

احين خلاص اخترنا الصورة وظهرت لنا في مساحة العمل ..

احين بنبدء نشتغل عليها ..

مثل مانتم شايفين بالصورة .. على اليمين موجودة نافذة الطبقات او الـ Layers ..

بنحط السهم على الطبقة لي عندنا وبنضغط رايت كليك .. بتظهر لنا هالنافذة الصغيرة ..

بنختار منها .. Duplicate layer بالعربي مضاعفة الطبقة .

هالصورة يسالنا اذا نبي نغير اسمه الطبقة اليديدة .. تبون تغيرون بكيفكم انا ماغيرته

المهم نضغط اوك

طبعا هالصورة توضح انه صار عندنا احين طبقتين يعني 2layers

احين نحدد الطبقة اليديدة مثل مالصورة موضحة ونروح لقائمة Filter

هني نختار من قائمة lens flare <----- Render <-----Filter

ذي الصورة توضح النافذة لي بتظهر لنا عقب ما نختار lens flare

طبعا هني عندنا 3 شغلات مهمة ..

1-مكان السطوع نقدر نحركه بالسهم ونغير مكانه ونحطه بالمكان المناسب

حسب الصورة لي عندنا

2- السطوع او الـ brightness .. ذي لزيادة او تقليل السطوع بنختار قيمته

3 - نوع العدسة - عندنا 4 انواع كل وحدة تختلف تاثيرها .

انزين احين انا غيرت مكان السطوع بهالصورة حركته بالسهم ..

وغيرت قيمة السطوع خليتها 92 وغيرت نوع العدسة ..

احين شوفوا شلون صارت الصورة عقب ماضغطت اوك

احين نرد عند نفس الطبقة لي حنا يالسين نشتغل عليها ..

ونضغط رايت كليك .. بتظهر لنا هالنافذة ..

بنختار منها .. Duplicate layer بالعربي مضاعفة الطبقة

يعني نفس الخطوة لي سويناها من شوي ..

احين مثل مانتم شايفين بالصورة صار عندنا 3 طبقات يعني 3layers

وخلو بالكم اننا محددين الطبقة اليديدة عشان جذيه صايرة باللون الازرق ..

لانه لازم تكون محددة عشان الخطوة الي عقبها .

احين خلاص حنا تفقنا اننا محددين على الطبقة اليديدة احين بنرد نكرر نفس

الخطوة الي من شوي سويناها .. بننختار قائمة lens flare <----- Render <-----Filter

انزين احين ظهرت لنا هالنافذه عقب ماخترنا lens flare ومثل مانتم ملاحظين

ظاهرة عليها القيم السابقة الي اخترناها بالمرة الاولى ,,

احين بنغير قيمة السطوع بنزيدها .. خذو بالكم انكم تزيدونها اكثر من اول مرة ..

هني انا زدت القيمة الى 113 ..

هذه الصورة عقب ماغيرنا السطوع ..

احين بنكرر الخطوة بنروح عند نفس الطبقة لي حنا يالسين نشتغل عليها ..

ونضغط رايت كليك .. بتظهر لنا هالنافذة ..

بنختار منها .. Duplicate layer بالعربي مضاعفة الطبقة

يعني نفس الخطوة لي سويناها من شوي ..

هالصورة توضح انه عندنا 4 طبقات يعني 4layers

انزين احين نحدد الطبقة اليديدة مثل مالصورة موضحة

ونختار قائمة lens flare <----- Render <-----Filter

انزين احين ظهرت لنا هالنافذه عقب ماخترنا lens flare ومثل مانتم ملاحظين

ظاهرة عليها القيم السابقة الي اخترناها بالمرة الاولى ,,

احين بنغير قيمة السطوع بنزيدها .. خذو بالكم انكم تزيدونها اكثر من المرتين السابقات ..

هني انا زدت القيمة الى 132

انزين احين طالعوا على يمين تلاقون نافذة لي فيها الطبقات

مثل مالصورة موضحة

طبعا العين الصغيرة لي يم الطبقة تيي تحدد اذا الطبقة ظاهرة او مخفية ..

اذا موجودة العين = الطبقة ظاهرة .. اذا مخفية العين = الطبقة مخفية

حنا هني رح نشيل العين من يم الثلاث الطبقات مثل مالصورة موضحة ..

عشان يصيرون مخفيات بعد شوي تعرفون ليه ..

احين بنروح لـ قائمة Animation <--- Windows

مثل مانتم شايفين بيطلع لنا الشريط مال الانيميشن تحت وبتطلع فيه

الطبقة الوحيدة لي ما اخفيناها ..

احين مثل مالصورة موضحة عندنا شغلتين ..

1- بنرد العين يم الطبقة الثانية ..

بعدين

2 - بنضغط على هالشكل لي انا محددته بالصورة الي اهوا عبارة عن اضافة Frame

احين صارت كل طبقة يمها العين بـ فريم بروحها ..

نرد نكرر الخطوة السابقة

1- بنرد العين يم الطبقة الثالثة..

بعدين

2 - بنضغط على هالشكل لي انا محددته بالصورة الي اهوا عبارة عن اضافة Frame

وهم بنكررها مع الطبقة الرابعة ..

1- بنرد العين يم الطبقة الرابعة ..

بعدين

2 - بنضغط على هالشكل لي انا محددته بالصورة الي اهوا عبارة عن اضافة Frame

احين مثل مالصورة موضحة تضغطون هني عشان تختارون المدة الزمنية للانتقال بين الفريمات ..

طبعا كل فريم بروحه تختارون له مدة زمنية وهم ممكن تكون نفس المدة الزمنية لكل الفريمات

وممكن تختارونها تختلف .. انا هني خليتها تختلف .

هني كم مرة تبون الانتقال بين الفريمات يتكرر ..

تحددون والافضل طبعا اهوا Forever يعني تصير تتكرر الى مالا نهاية ..

احين تضغطون على هالزر لي بالصورة عشان تشوفون النتيجة ..

وهني تحفظون الصورة من ..save for web and devices <-- File

تـــــــــــــم بحـــــــــــمدالله

المـــــــــوضــــــــوع من مجهـــــــودي الشخصي ..و اي ســـــــــــؤال انا حاضـــــــرة

فـــــــلا تنسوني من صالح دعــــائكم .

اختـــــكم في الله : الهـــــــــام

[فاطمة1]

مـشكـورهـ عـ الــدرسـ الرائـعـ

[RA3B00B]

باركـ الله فيكي إلهامـ

وأشكركـ على مجهودكـ المبذول في مساعدهـ الآخرين

أتنمى لكي ـآلتوفيق

[mhmad _505]

مشكوووووووووووووووووووووووووووووووووورة

[393]

شكرا لك...

[مادري]

مشكووووور على الدرس الرائع

ونتري جديد من دروسك ؟!

وهاذي تجربتي

[Noura~]

,,

الدرسسَ جدآ سهلِ
مش‘ـكورآ
وجآري التقيييمَ

التطبييقَ :



~

[صمت الأمل]

وعليكم السلام ورحمة اللهـ وبركاتهـ .


أمس جلست طوووول اليوم أحمل وأبحث عن برنامج الفوتوشوب ,,


ولما لقيتهـ وحملتهـ أخيييييييييرا ,, اكتشفت انهـ يبي رقم السيريال . بصراحهـ تحطمت شوي .


بحثت مرهـ ثانيهـ ولقيت أرقام سيريال مناسبهـ للي عندي .


لأول مرهـ في حياتي أفهم للفوتوشوب شوي ,, طلع المشكلهـ اللي عقدتني سابقا في محاولاتي فيهـ ,,


اني جالسهـ أطبق على الطبقهـ الأصليهـ المقفلهـ , وماكنت أدري عن سالفة اللير .


اللهـ يجزاكـ ألف ألف خيييييييير اختي الهام ,, وهذا تطبيقي مع دروسكـ الرائعهـ ..


الصورهـ الاصليهـ :





الصورهـ بعد التطبيق :





يعطيكـ ربي الف ألف عافيهـ ,, واللهـ ما ادري كيف أشكركـ على دروسكـ الواضحهـ تماما والخطيرهـ .


متابعينكـ بإستمرار .

[أحبك توتو]

الهآم الدرس عجييييب سويت كل شي يوم وصلت عند animination < دورتهآ بال windows مالقيتهآ

[Elham]

المشاركة الأصلية كتبت بواسطة أحبك توتو

الهآم الدرس عجييييب سويت كل شي يوم وصلت عند animination < دورتهآ بال windows مالقيتهآ

حبيبتــــــي اي اصدار تستخدمين ..؟.