كيف ومتى ولماذا ؟؟ أجوبة لأسئلة عن الدجاج ومشاكل البيض والترجين .

[abo abdulaziz]

ارجو الرد على سؤالي

[صمت الأمل]

المشاركة الأصلية كتبت بواسطة abo abdulaziz

اخوي انا ابي دجاجتي ترجن قبل كان عندي 2 من 3 سنين يبيضون كل يوم 5 او 3 الحين كبرو و وقفو مره و كل هل 3 سنين ما قد رجنو عل بيض و طبعا شريت جدد 4 يبيضون كل يوم لاكن ما رجنو ابدا انا كل يوم اخذ البيض ومره قد جابت وحده 10 بيضات وخليتها اكثر من 2 اسبوع وطولو ولا رجنت عليها انا اعرف واحد يقول هم ما يرجنون غير بربيع يعني هل اذا خذت البيض معد يرجنون ولا مافي مشكله وياليت تعطيني طريقه تخليهم يرجنون او يرجنون شوي ودجاجي 2 منهم الي يبيضون وحده عمرها 1 ونص كل يوم تبيض والثانيه يمكن سنه او 9 شهور

المشاركة الأصلية كتبت بواسطة abo abdulaziz

اخوي لو حطيت رمل بالمكان الي يبيضون فيه هل هو يساعدهم على التبيض ولا يخليهم يحبون يبيضون عشان الرمل ولا يخليهم يشتهون الرجن ابغا اعرف وش الفايده لو حطيت الرمل يعني يفيد بشي و ياليت تقولون لي شي يساعد على الترجين

أولا اعتذر لكـ على التأخير ..


لو كنت وضعت هالسؤال بموضوع مستقل راح أرد أسرع بكثير لأن مواضيعي المثبتهـ ما أقدر اراجعها بسرعهـ واللي ردودها كثيرهـ .


بالنسبهـ لسؤالكـ أنت كيف وضع دجاجكـ في القفص ؟؟


هل هو على بلاط وماعندهم تراب أبدا ؟؟ هل عندهم بيوت للتعشيش ومحاجر ؟؟


اذا ماعندهم شيء فكيف تبيهم يرجنون ؟؟ الدجاج مايحب يرجن الا في مكان آمن ومخفي عن العيون ..


خذ سطل او كرتون خشبي وضع فيهـ قش أو حشائش ,, وراح تشوف الدجاجهـ فورا تستكشفهـ وتبيض فيهـ .


واذا كان بأحد الزوايا البعيدهـ أو اذا دخلت الدجاجهـ فيهـ وتحس مافيهـ أحد يراقيها ,, راح ترجن بإذن اللهـ .


والرجن مو على وقت واحد في السنهـ . أحيانا في الصيف أو الشتاء او الربيع ,, أهم شيء توفر لها الظروف المناسبهـ .


عموما مافيهـ طريقهـ تجبرها على الرجن ,, واذا لقيت طريقهـ ففي الغالب انهـ راح يأذيها .


والدجاج لهـ فترهـ محددهـ لوضع البيض ,, تقريبا من 3 _ 6 سنوات .. بعدها ينفذ البيض اللي ببطنها وماتنتج .


واذا تبي تستعجل التفقيس خذ فقاسهـ ,, وبإذن اللهـ يفقس البيض اللي تنتجهـ دجاجاتكـ .. بشرط يكون مع الدجاج ديكـ .


والرمل فايدتهـ انهـ يساعدهم على تهضيم الأكل ,, لأن الدجاج ماعندهـ أسنان فياكل قليل من الحصى عشان يساعدهـ على الهضم وأيضا تعويض المعادن اللي تنقصهم .


وايضا يساعدهم على تنظيف ريشهم من الطفيليات والحشرات ,, ويبرد عليهم حرارة الصيف اذا رشيت الرمل بالماء .


اذا عندكـ اي سؤال آخر أرجو كتابة موضوع مستقل بهـ ,, وأبشر بالرد السريع مني ومن الأعضاء .


بالتوفيق .

[abo abdulaziz]

طيب انا حاط لهم تراب و كل شي عندهم وقفص حجمه كويس مره ولهم مكان يبيضون فيه بس مكشوف مره قدام باب القفص بالضببط و انا غيرت المكان اليوم و حطيته بسطل وحطيت قش ونقلت البيضه حقتها من مكانهم القديم للجديد و اليوم جيت ولقيتها الحمدلله جايبه بيضه و انا اول ما حطيت لهم السطل كلن قام يناظره و تحس انهم بيستكشفون وش الي فيه و السطل بزاوية القفص و مو مكشوف مره هل يساعدهم على الرجن و انا عارف اني اني مقدر اغصبها لاكن ابي اساعدها

[mumu911]

الف شكر

[سعودي2]

عندنا 5 دجاجات 3 منهم متاكد انهم بالغات وباضو قبل لاكن الان يمكن لهم اكثر من شهر وولا وحده باضت
ليش!!

[كروان توزو]

god
خطيــــــــــــر
وجميـــــــل