بخصوص الببغاء والطفل .... ضروري يا أهل الخبره تكفوووون

[طارق الهولندي]

السلام عليكم ورحمة الله وبركاته
مساء الخير للجميع ياشباب بحول الله سأستقبل خلال الأيام المقبله طفل عسى الله يصلحه ويصلح عيال المسلمين أجمعين وعندي بالبيت ببغاء رمادي هولندي،،، السؤال جاتني معلومات أن الطير يسبب حساسيه للمواليد ويمكن لاسمح الله يسبب ربو ومن الكلام هذا وانا بصراحه متعلق بالطير وما ودي أبيعه وأحس أنه حرص زايد من أخواني الكبار والوالده الله يخليهم ،الي عنده خبره وصارله نفس موقفي يفيدني لاهنتوا شباب أبي اهتمام الله يجزاكم خير لأن الموضووووووع شاغلني ... الله يحفظكم ..

[طووط]

أعزله في غرفة 

[وليد اسعد]

مثل ما قال اخوي طووط

اعزل الطير بعيييد عن المولود

يتراباا في عزك

[2fiq.200]

يجي ب السلامه انشاالله ويتربا في عزك اعزل الطير بس لا تعزله تمامن تغيرعليه جوه وتهمله لانو الكاسكو مايطلع منه ريش كثير ولا غبار زي الكروان مثلاواعتقد الطفل يكون حساس في اول6 شهور

[elnoon]

لا تبيعه دامك متعلق فيه والله بتندم ندم كبير
بالنسبة للكاسكو مقارنة بباقي انواع الببغاوات يعتبر جدا نظيف
لو مثلا كوكاتو ممكن يسبب حساسية ومضر للي فيه ربو لانه كمية الغبار في ريشه كثيره

الكاسكو لو مهتم فيه من تشميس وتحميم ماراح تلاحظ فيه غبار
المهم العزل الغرفة اللي فيها الطفل ماتكون نفس الغرفة اللي فيها الطير وبس
لو هو معاك بنف الغرفة جطه فالصالة او برع الغرفة

لاتبيعه .. اصلا الطير طفلك قبل المولود ^^
مبروك مقدما

[طارق الهولندي]

الله يجزاكم خير وما قصرتو جميعا وألف شكر للجميع دون استثناء

[عبادي1]

مبروك اللي بالطريق ويتربى بعزك

انت اذا شفت ولدك تعب او تغير عليه شي بيع الطير

وش يجي الطير مقارنه بغلا ولدك

لكن لاتستبق الامور الى أن يشرف طويل العمر الله يحفظه لكم

[عش البلبل]

حبيبي الله يباركلك في ذريتك ان شاء الله مايجيه شئ والببغاء نظيف جدا بس لا تقرب الولد عنده لأنه طبيعة هذا الطائر انه يفرز احاجه اشبه بالبودره تتطاير هذا كل شئ وواجب ان تنتبه لأن الطفل الصغير ماعنده مناعه مناعته تكون ظعيفه بس الطير امن ان شاء الله وتقبل مروري