اشترك في نشرتنا البريدية ليصلك كل جديد

بو ناصر · 03-10-2005, 10:01 AM

السلام عليكم ورحمة الله وبركاته

يا جماعة في سوؤال محيرني الصراحه ماقد جربت تربية الامازون وقبل يومين شفت فرخ بلو فرونتد عجبني حجمه ولونه وشريته والحمدلله

لكن الملاحظ عليه انه هادي زيادة عن اللزوم

السوؤال هل البلو فرونتد هادي جدا بطبعه ولا فيه شي؟

مع انه صحته تمام والحمدلله واحطله الادويه الي احطها للكاسكو اول ماجيبه عشان تحميه من
الاسهال وغيره يعني مثل التطعيم
وماشالله اكله زين وياكل من يدي وقدرت امسح على جسمه بس اذا خليته حاله حال قوطي الاكل الي بالقفص

لكن توقعاتي للاسباب اذا كان هو من النوع اللعوب:

1-تغيير المكان بس مب لهذي الدرجه يعني الحبيب محنط بس شاطر ياكل

2-ويمكن الطريق متعبه لان الحبيب جاي من رحله طويله((بن بطوطه الحبيب))والرجال الي
شاريه من عنده ثقه يعني مب راعي محل

بس باين عليه اثر الرحله يعني ذيله منتف من القفص والريش مكسر شوي

وشكلي راح اخلي تايسون((الكاسكو)) اسنعه :boxing: ((امزح قلبي مايطاوعني))

بس ابي الرد من اهل الخبره

اسمحولي طولت عليكم

ومبارك عليكم شهر رمضان مقدما :bdaysmile

تاكو · 03-10-2005, 10:31 AM

البلو فرونتيد
من الببغاوات الأمزونيه الجميلة الشكل
ويحتل من الناحية السوقيه المرتبه الثالثه في الأمزونيات
وطبعه هادئ نوعاً ما ليس كا اليلو ناب او الدبل يلوهيد
ويمكن مثل ماتفضلت من مشقة السفر وتغيير الجو
اصبر على الطير
اخي الكريم
هناك بعض المربين والهواة الجادين يصبرون على الطير اكثر من سنه
ليعطي الطير ثماره ولكن البعض ثلاثة اشهر ويفقد الأمل ويبعه وهكذا
تتدهور حالة الطير الصحيه والنفسيه
ومبروك عليك الطير خالد _ قطر

بو ناصر · 03-10-2005, 10:46 AM

الله يبارك فيك اخوي تاكو كفيت ووفيت والله وتسلم على المرور

وانا انشالله راح اهتم فيه من ناحيه الاكل والفيتامينات عشان اترد صحته انشالله والله كريم بس طلعه من البيت ماكو لو اصبر عليه عليه 100 سنه((ديناصور مب ادمي))

وتسلملي يالغالي