كيف اعرف الغذاء المحبب للببغاء الافريقي

[المسافر777]

اخوي اسمع نصيحتي

عط الطير كل شئ عشان يتعود يأكل كل شئ ومايرفض اي اكل

اعطيه جميع انواع الفواكة عدا الافكادوا

عطه جميع انواع الخضار مثل الطماطم الكوسا الجزر و القرع والخس وغيرها

وعطه حب وسبال وفستق ولوز وجوز وكازو وعين الجمل ونخي كلهم بدون ملح ودام ماعندك الا طير واحد بس تقدر تشتري كيلو مشكل

وعطه ظهر الخثاق ( عظمة الحبار ) دامه صغير في العمر لانه يعطيه كالسيوم

وقصب السكر

الحبوب مثل الوبا والفول والفصوليا والبليلة تقدر تسلقها او تعطيه اياه ني

الذرة عطه اكواز في هالوقت لان الوقت هذا وقت انتاجه وبعدين تقدر تعطيه مثلج بعد مايفك عنه الثلج

اعطيه خبز وسندويش تقدر تعطيه يابس او طري وهذي فيها فايده وهي اذا زاد الخبز او السندويش في البيت طلعه براء الكيس وبكذا راح يبس بدون مايعفن

الرز الرز المسلوق وحتى الرز الباقي من الاكل

وفيه خلطه تباع بالسوق وتقدر انت تسويها وهي اكل الكناري ساده ذره ابيض حب شمسي الاسود والابيض الصغير هذي الخلطة يجيبونها من بلجيكا وانت تقدر تسويها بسوق الحمام هههههههه

اخوي ناس كثير ترمي راس الفلفل الرومي ( الفلفل البارد ) بعد تقطيعه تقدر تعطيه الراس ياكل الاطراف وحبوب الفلفل وتقدر تعطيه فلفل حار مرة وحدة بالشهر يقتل الدود الي في بطن الطير ومفيد الكثير من الاعضاء يرفض اعطاء الطير فلفل حار واستغرب منها هذا التوجه مع ان الخطات الي تجي من بلجيكا وامريكا وغيرها يجي معاها فلفل حار !!!

هذي تشكيلة متكامله تقدر تعطي طيرك الي تحب وانا اقولك حاول تعطيه كل المذكور عشان يصير الطير شعبي ياكل كل شئ ومايرفض اي شئ ...