اشترك في نشرتنا البريدية ليصلك كل جديد

أمجـاد · 22-09-2010, 01:23 AM

السلام عليكم ورحمة الله وبركاته ...

طبعًا أنا صار لي فتره أحاول إني أمسك الكاسكو وأمسح على راسه وكامل جسمه

... وطبعًا كل

محاولاتي باءت بالفشل

لأن الخوف كان سيد الموقف

نصحني أحد الأخوه بأحد المنتديات بطريقة المرايه فصرت أحك منقاره بالمرايه وصرت أقدر ألمس منقاره بصبعي وهو حاول يعضني بس الحمدلله أسحب صبعي بسرعة ...

وحاليًا الكاسكو ما شاء الله عليه من يشوفني ماسكه المرايه يجي علطول ويطلع منقاره من القفص حتى بدون ما أقول له أحك راسك

واللي
لاحظته أنه ينبسط كثيير ويروق

لدرجة أنه يلحس بالمرايه

...

أستفساراتي :

إيش رايكم بطريقتي استمر فيها وإلا أتركها ؟؟؟

وإيش هي علامة سعادة الكاسكو ؟؟؟ هل هي صغر أم كبر البؤبؤ ؟؟؟

وفي شغله مخوفتني : إذا طلعت الكاسكو من القفص وجلست قدامه أحس ضربات قلبه تصير سريعه ويفتح فمه كأنه عطشان واكرمكم الله يتبرز بكثره ولون البراز يصير بني ؟؟؟

هل هالشي طبيعي ؟؟؟

آسفه على الإطاله

كاسكـــو · 22-09-2010, 01:40 AM

علامات السعاده الطير يلعب وحركته كثيره بالقفص واحيانا يصفر او يطلع اصوات

والشغله اللي مخوفتك هذي اشياء طبيعيه للببغاء لانه واضح اذا طلع من القفص يرتبك ويخاف شوي

أمجـاد · 24-09-2010, 10:06 PM

اقتباس:

المشاركة الأصلية كتبت بواسطة كاسكـــو

علامات السعاده الطير يلعب وحركته كثيره بالقفص واحيانا يصفر او يطلع اصوات

والشغله اللي مخوفتك هذي اشياء طبيعيه للببغاء لانه واضح اذا طلع من القفص يرتبك ويخاف شوي

يعطيك ألف عافية أخوي ...

بس تتوقعون إيش اللي يخلي الكاسكو ينبسط لما يشوف المرايه !!!

معقوله هو

يتخيل أنو في كاسكو ثاني مقابله

محب الافريقي الرمادي · 24-09-2010, 10:13 PM

نعم يتخيل انوا ببغاء ثااني ويرتاااح نفسيااا بس نصيحة مني انتبه تأكلوا فواكه كثير ولا تعرضوا للبرودة
وكماااان واهم شيئ الترويش او الاستحمام ابعد عنه يعني كل جمعة مره وحاول القفص يكون نظيف على طوول
اسئل مجرب ولا تسئل طبيب والله يباركلك فيه

ابو رنـ محمد ـا · 25-09-2010, 02:56 PM

أخوي ابنصحك بنصحيه أخذتها من منتدانا الحبيب تو زو طرحها أحد الاعضاء جزاه الله خير الجزاء و سويتها بخلال ثلاث أيام رضخ طيري للواقع هو اني امسك الطير كله و الفه بمنشفه و اخلي راس الطير بس طالع و حاول ما تضغط عليه بقوة لاسمح الله ينكتم و يموت و اذا مسكته اول شي تبدأ فيه تفلي ريش رأسه ينبسط عليها كثير و الله يعلم على ما اقول و لله الحمد الى الحين ماني مصدق طيري وافق على اني افلي راسه و الحين الحمد لله يدون منشفه و هو على اليد افلي راسه و لا يقول شي و لله الحمد و المنة و جربها و بإذن الله بتدعي لي لأني للإسف اول ما شفت الطريقة ما اقتنعت فيها و سويتها و صارت له نتيجه و الحين خلاص اقتنعت بكل شي يخص الكاسكو و اهم نصيحه كثر الجلوس معه وقت الشروق و وقت الغروب يكون الطير نشيط هذا الي لاحظته من الطير الي عندي و من طيوري الثانية بعد آسف على إطالتي بالكلام ،،،

دمتم بود

ولد العاصمة · 26-09-2010, 05:07 PM

ما شاء الله عليه

أخوي حاول انك ما تعطيه

فواكه في الأسبوع مره او مرتين

و الترويش في الأسبوع مره ايضا او مرتين

fawzi · 26-09-2010, 05:46 PM

نعم الطير يفكر انه في طير ثاني لان المرايا تعكس صورة