عندي ببغاء افريقي و حالته مـو عاجبتني ابدآ

[KOKO_MAN]

السلام عليكم

عندي طائر ببغاء افريقي جمبو (اتوقع الجمبو هو الي رقبته طويله)

المهم يا اخوان انا تركت الطير بالبيت يومين لوحده بس عنده اكل يعني و مويه

يوم رجعت بعد يومين لقيت ريشه الي تحت راسه الي هو ريش الصدر منتفه تقريبا و اليوم و انا قاعد العب معه طلع شي من فمه مثل الحبوب بيضاء يوم لمستها فيها زي السائل الحليبي لونه ابيض و شكله قريب لـ اسنان الانسان الصغيره ما ادري هل هو حبوب فستق لاني اعطيه حب شمسي و شي مثل الفستق تقريبا طويل و ياخذه هو ويقشره
يوم ضغطت على الحبوب هذي الي خرجها من فمه طلعت اقولهم فيها شي زي لزوجه و مثل السائل لون ابيض يشبه الحليب


وش السوات يا شباب الي عنده حاله زي كذى ولا شي

اخاف انه مرض ولا شي

ولا عادي الببغاء يرجع الاكل ولا يطلع اشياء من فمه زي كذى الطير عندي من 4 سنوات الحمدالله صحته ممتازه بس مدري وش جاه و ملاحظه عيونه حولها زي اللون ازرق هذي لاحظته من اول ما رجعت للبيت

[كاسكـــو]

التنتيف ممكن يكون عادي وهو تبديل للريش اذا مو مبالغ فيه

والاكل اللي طلعه عادي اذا الببغاء اليف ويحبك ويلعب معك يطلع أكل يعبر عن نفسه

انه يحبك ويعتبرك زي عياله شي طبيعي لاتخاف

[legend Boss]

يب زي ما قال كاسكو لا تخاف

ما شاء الله طيرك يموووووووووووت فيك

الله يخليكم لبعض

تقبل طلتي^_^

[KOKO_MAN]

مشكورين اخواني على المداخله الطيبه و الله يجزاكم الف خير ريحتوني احسبه مريض ولا شي

اجل يحبني هههههه والله انه يناديني عبدالله عبدالله و يقعد يرفس و يصيح بالقفس يبيني يا حبيله الله يخليه لي ^^

[كاسكـــو]

بس بقول لك شي ولايضيق صدرك

انه الببغاء اذا فقد صاحبه وهو يحبه ممكن يجي له حاله نفسيه ويقعد ينتف نفسه

بس ان شاء الله نقول طيرك يبدل ريشه ولا صار له شي

[nasser1430]

أوووووووووووووووه .... زكرتني بالزي مزا .... يعني ( ذكرتني بالذي مضى ) ...

كان عندي أفريقي ( والله وأنا قاعد أكتب الرد إن العبراء خنقتني ) ... كان زي واحد من عيالي والله زي ما أقول فعلاً زي واحد من عيالي ... ما أرضى إنه يصيبيه شيء ، وأخاف عليه حتى من الهواء العابـــــــــره .

وإذا تعب أتعب معه ، وإذا صمت ألتزم الصمت معه ، وإذا فرفش وقام يلعب هذا قمة سعادتي .

ويعلم الله ما بعته إلا لظروف خاصة جداً جداً جداً جداً ... مهوب علشان حاجة فلوس ولا شيء لكن الله يعلم ليش بعته .

بس وأنا أخوك ... أنت غلطان إذا كان خليته يومين بدون ما يكون عنده أحد ... لأن حنا يالبشر ما يقدر الواحد يعيش لحاله لو ساعات كيف أيام .

نصيحة أنت شف طيرك وراقبه إذا الأعراض استمرت وشفت شيء مهوب طبيعي ... لا تنتظر أبد بادر بعلاجه .

وإذا الله سلمه ( وإن شاء الله تعالى ) إنه سالم من الامراض فأحرص على عدم تركه لحاله مستقبلاً .

والله إن الطيور وخاصةً المتكلمة أحس إنها زي البشر ... ويمكن أفضل ... على العموم آسف على الإطالة بس ترا موضوعك فتح علي جروح عميقة ... الله يسامحك <<< أمزززززززززززززززح .

موفق إن شاء الله ... وما تشوفون شر ... والسلام

[KOKO_MAN]

الله يسعدكم انشاء الله مثل ما ريحتوني و ريحتوآ قلبي

والله كنت حاط نفس الموضوع في موقع ثاني اسبوع كامل و محد يرد يوم رد قال ايش قال وده طبيب يكشف عليه

عاد وين احصل طبيب بيطري بالرياض احد يعرف؟